شي جينپيڭ مەن كاتاردىڭ ٴامىرى تاميم ەكى ەل ديپلوماتيالىق قاتىناس ورناتقاندىعىنىڭ 30 جىلدىعىن قىزۋ قۇتتىقتادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:14:00

 

    ٴوز حابارىمىز: مەملەكەت ٴتوراعاسى شي جينپيڭ شىلدەنىڭ 9- كۇنى كاتاردىڭ ٴامىرى تاميممەن ٴوزارا قۇتتىقتاۋ تەلەگرامماسىن جولداسىپ، ەكى ەل ديپلوماتيالىق قاتىناس ورناتقاندىعىنىڭ 30 جىلدىعىن قىزۋ قۇتتىقتادى.


    شي جينپيڭ قۇتتىقتاۋ تەلەگرامماسىندا بىلاي دەدى: جۇڭگو مەن كاتار ديپلوماتيالىق قاتىناس ورناتقان 30 جىلدان بەرى، ەكى جاقتاعىلاردىڭ ورتاق قۇلشىنۋىندا ەكى جاقتىلى قاتىناس تاماشا دامۋ ارىنىن ساقتاپ كەلدى. ٴسىزدىڭ 2014-جىلى قاراشا ايىندا جۇڭگوعا جاساعان مەملەكەتتىك ساپارىڭىز ٴساتتى بولدى، ٴبىز جۇڭگو مەن كاتاردىڭ ستراتەگيالىق سەرىكتەستىك قاتىناس ورناتقاندىعىن بىرلىكتە جاريالاپ، ەكى ەل قاتىناسىنىڭ تىڭ پاراعىن اشتىق. ەكى ەل قاتىناسىنىڭ دامۋىنا وسكەلەڭ ٴمان بەرەمىن، كاتاردىڭ «ٴبىر بەلدەۋ، ٴبىر جول» قۇرىلىسىنا بەلسەنە اتسالىسقاندىعىن القايمىن، سىزبەن قول ۇستاسا قۇلشىنىپ، ەكى ەل قاتىناس ورناتقاندىعىنىڭ 30 جىلدىعىن تىڭ باستاما ەتىپ، ەكى ەل قاتىناسىن ۇزدىكسىز دامىتىپ، ەكى ەل جانە ەكى ەل حالىقتارىنا ٴتىپتى دە كوپ باقىت جاراتۋدى قالايمىن.

اۋدارعان: امانتاي مۇسايىپ ۇلى