لي كىچياڭ گەرمانيانىڭ زۇڭليى مەركەلمەن كەڭەس وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:33:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ جەرلىك ۋاقىت شىلدەنىڭ 9-كۇنى تۇستەن بۇرىن بەرليندەگى زۇڭلي كەڭسەسىندە گەرمانيانىڭ زۇڭليى مەركەلمەن كەڭەس وتكىزدى.


    لي كىچياڭ بىلاي دەدى: وسى رەتكى ساپار كەزىندە ەكى جاق گەرمانيانىڭ اۆتوكولىك سەرىكتىگىنىڭ جۇڭگوعا بىرلەسىپ قارجى قوسقان وبەكتىنىڭ جارناسىن جوعارلاتۋ، حيميا ونەركاسىبىنىڭ جۇڭگودا ٴىرى وبيەكتىلەرگە دەربەس قارجى قوسۋ نىسانىن ورناتۋ قاتارلىلار جونىندە تۇڭعىش رەت كەلىسىمگە كەلدىك. بۇل جۇڭگونىڭ رەفورما ەسىك اشۋدى كەڭەيتۋدەگى ٴبىر قىدىرۋ ناقتى شارالارىنىڭ ىركەس-تىركەس تياناقتانا باستاعاندىعىن كورسەتەدى. ەكى جاق زەيىندى جاساۋ كاسىبى، كولىكتى اۆتوموتتى جۇرگىزۋ، جاڭا ەنەرگيالى اۆتوكولىك قاتارلى جاڭالىق جاراتۋ سەلبەستىگى ورايىن مىقتى يگەرۋى قاجەت. جۇڭگو ٴبىلىم مەنشىك ۇقىعىن قورعاۋ تەبىنىن جالعاستى ارتتىرىپ، كاسپورىنداردىڭ ٴوز ەركىمەن اۋىس-كۇيس جاساۋىنا دەم بەرىپ، تەحنيكانى وتكەرمەلەۋگە ماجبۇرلەمەيدى. گەرمانيادان جۇڭگو كاسپورىندارىنىڭ گەرمانيادا قارجى قوسۋىنا تەڭ، ٴادىل مامىلە جاساپ، جوعارى تەحنيكالى ونىمدەردى جۇڭگوعا ەكسپورت ەتۋ مەن جۇڭگو كاسپورىندارىنىڭ بازارعا كىرۋىنە ۇرحسسات بەرۋدى كەڭەيتۋدى ٴۇمىت ەتەدى.


    مەركەل بىلاي دەدى: كەزەكتەگى حالىقارالىق اۋقىمدا، گەرمانيا مەن جۇڭگونىڭ شارۋاشىلىق ساۋدا تەحنيكاسى قاتارلى سالالارداعى سەلبەستىكتى جەبەۋ جونىندە بۇكپەپسىز پىكىرلەسۋى كەلەلى مانگە يە. گەرمانيا جۇڭگونىڭ ەسىك اشۋدى كەڭەيتۋ شارالارىنىڭ گەرمانيا مەن جۇڭگو سەلبەستىگىندە الدىمەن تياناقتانعاندىعىنا قۋانادى. جۇڭگو كاسپورىندارىنىڭ جۇڭگوعا قارجى قوسۋىن قارسى الادى. كەلەر جىلعى گەرمانيا مەن جۇڭگونىڭ گۋمانيتارلىق اۋىس-كۇيىس جىلى قيمىلىن وراي ەتىپ، ەكى جاقتىڭ گۋمانيتارلىق اۋىس-كۇيىسىن كەڭەيتۋدى قالايدى. گەرمانيا وسى رەتكى ەۆروپا وداعى مەن جۇڭگو باسشىلارىنىڭ كەزدەسۋىندە جاريالاعان بىرلەسپە مازمۇندامانى قولداپ، ەۆروپا مەن جۇڭگونىڭ قارجى قوسۋ كەلىسسوزىنىڭ كۇن ىلگەرى تىڭ ىلگەرلەۋشىلىكتەرگە جەتكىزۋىن ىلگەرلەتەدى.


    كەڭەستەن ىلگەرى، مەركەل زۇڭلي كەڭسەسىنىڭ الدىنداعى الاڭدا لي كىچياڭنىڭ ساپارلاي كەلگەنىن قارسى الىپ سالتاناتتى سالت وتكىزدى. اسكەري وركەستىر ەكى ەلدىڭ مەملەكەت گيمىنىن اسقاقتاتا ورىندادى. ەكى ەلدىڭ مەملەكەت تۋى زەڭگىر كوككە باياۋ كوتەرىلدى، لي كىچياڭ مەركەلدىڭ سەرىك بولۋىندا قۇرمەت قاراۋىلىن كوزدەن كەشىردى.

اۋدارعان: سەرىك راقىم ۇلى