لي كىچياڭ گەرمانيانىڭ پرەزيدەنتى ستەين مەيەر مەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:36:00


    شينحۋا اگەنتتىگىنىڭ حابارى: مەملەكەتتىك كەڭەستىڭ زۇڭليى لي كىچياڭ جەرلىك ۋاقىت شىلدەنىڭ 9-كۇنى تۇستەن كەيىن بەرليىندەگى پريزدەنت سارايىندا گەرمانيانىڭ پرەزيدەنتى ستەين مەيەر مەن كەزدەستى.


    لي كىچياڭ الدىمەن ٴتوراعا شي جينپيڭىنىڭ پرەزيدەنت ستەين مەيەرگە دەگەن ىقىلاستى سالەمىن جەتكىزدى. لي كىچياڭ بىلاي دەدى: كەزەكتە جۇڭگو مەن گەرمانيانىڭ قاتىناسى جوعارى ورەدە تەز دامۋ ارنىن ساقتاپ كەلەدى. وسى رەتكى جۇڭگو مەن گەرمانيا ۇكىمەتتەرىنىڭ كەڭەسىندە ەكى ەلدىڭ كەلەر ساتىنداعى تۇرلى سالاداعى سەلبەستىك جول قاريتا جوسپارى جاسالدى. ەكى جاق جالپى بەتتىك ستىراتەگيالىق سەلبەستىكتى كۇشەيتۋگە ٴبىر اۋىزدان قوسىلىپ، ناقتىلى ارەكەتى ارقىلى كوپ ۇيەكتەنۋ مەن ەركىن ساۋدانى باتىل قورعاۋ مايدانىن اڭعارتتى. 21-عاسىرعا قادام تاستاعان بۇگىنگى تاڭدا، ساۋدا قورعانىمپازدىعىنىڭ ٴداۋىرى ٴوتتى. جۇڭگو گەرمانيانىڭ جوعارى جىكتەرگىلەرمەن بارىس-كەلىسىن جالعاستى ساقتاپ، ٴتۇرلى سالاداعى اۋىس-كۇيىس پەن سەلبەستىكتى كۇشەيتىپ، پارىقتى تاستاپ ورتاقتىققا تالپىنىپ، ورتاق مۇدەنى ەڭ جوعارى دەڭگەيگە جەتكىزىپ سەلبەستىكتىڭ ۇلگىسىنە اينالدىرۋدى قالايدى.


    ستەين مەيەر ەندى عانا اياقتاعان 5-رەتكى گەرمانيا مەن جۇڭگو ۇكىمەتى كەڭەسىنىڭ قوماقتى تابسىقا قول جەتكىزگەندىگىن قۇتتىقتادى ٴارى كەزەكتەگى جاعدايدا، گەرمانيا مەن جۇڭگو ساۋداداعى ٴىرى ەل رەتىندە، ەركىن ساۋدا اياق الىسىنىڭ قاتەرگە ۇشىراۋىن قالامايدى،-دەدى. تاراپتار ورتاق مۇدەنى كوزدەپ، كورەگەندىكپەن جاسالعان ساياساتتاردى ويداعداي اتقارىپ، كوپ جىلدان بەرگى قوماقتى تابىسقا قول جەتكىزگەن ەركىن ساۋدانى قورعاپ، ورتاق دامۋ مەن گۇلدەنىپ-كوركەيتۋدى ىلگەرلەتۋى قاجەت.

اۋدارعان: سەرىك راقىم ۇلى