لي كىچياڭ بوسنيا گەرتسەگۆينيا مينيسترلەر ٴماجىلسىنىڭ ٴتوراعاسى زەۆيزەديچ، چەرناگوردىڭ زۇڭليى ماركوۆيچ، چەحتىڭ زۇڭليى باررەسسومەن جەكە-جەكە كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:39:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ جەرىلىك ۋاقىت شىلدەنىڭ 7-كۇنى كەشتە ٴوزى تۇسكەن قوناق سارايىندا جۇڭگو مەن ورتا شىعىس ەۆروپا ەلدەرى باسشىلارىنىڭ 7-رەتكى كەزدەسۋىنە قاتىناسقان بوسنيا گەرتسەگۆينيا مينسترلەر ٴماجىلسىنىڭ ٴتوراعاسى زەۆيزەديچ، چەرناگوردىڭ زۇڭليى ماركوۆيچ،چەحتىڭ زۇڭليى باررەسسومەن جەكە-جەكە كەزدەستى.


    زەۆيزەديچپەن كەزدەسكەندە لي كىچياڭ بىلاي دەدى: جۇڭگو بوسنيا گەرتسەگۆينيانىڭ وت ەلەكتىر ستانسياسى قاتارلى وبەكتىلەرىن ورنىقتى ىلگەرلەتىپ، جۇڭگو كاسپورىندارىنىڭ بوسنيا گەرتسەگۆينيانىڭ جوعارى قارقىنىدى تاس جول، تەمىر جول قۇرىلىسىنىڭ دەڭگەيىن جوعارلاتۋ قاتارلى قاتىناس نەگىزدىك قۇرلىعى قۇرىلىسىنا قاتىناسۋىن قولدايدى. جۇڭگو بوسنيا گەرتسەگۆينيانىڭ اۋىل شارۋاشىلىق ونىمدەرى مەن حايۋانات وسىمدىك ونىمدەرىن جۇڭگوعا ەكسپورت ەتۋىنە ٴمان بەرەدى، ٴوتىمدى ەرەكشەلىككە يە ونىمدەردىڭ يىمپورتىن كەڭەيتۋدى قالايدى. ەكى جاقتان وزىندىك ابزالدىقتاردى ساۋلەلەندىرىپ، ورمان بايىلعىن اشۋ مەن مانەرلەۋ سەلبەستىگىن كۇشەيتۋدى قالايدى. ەكى جاقتىڭ ساياساحات سەلبەستىگى جانە گۋمانيتارلىق اۋىس-كۇيىسىن جەبەپ، ەكى جاقتىلى قاتىناستىڭ دامۋىنىڭ حالىقتىق نەگىزگىن بەكەمدەيدى.


    چەرناگوردىڭ زۇڭليى ماركوۆيچپەن كەزدەسكەندە، لي كىچياڭ بىلاي دەدى: چەرناگوردىڭ وڭتۇستىك-سولتۇستىك جوعارى قارقىندى تاسجولى-ەكى ەل ناقتىلى سەلبەستىگىنىڭ باستى نىسانى، ەكى جاقتان ٴوز باعدارىمەن ۇدىرە العا تارتىپ، قۇرىلسىن قارقىنىن تەزدەتىپ، ەكى ەلدىڭ ٴىرى نىسان سەلبەستىگىنىڭ ۇلگىسىن جاراتۋىن ٴۇمىت ەتەمىن. جۇڭگو جاق چەرناگورمەن 3-جاق سەلبەستىگىن اقىلداسىپ ورىستەتىپ، ەكى جاقتىڭ سەلبەستىگىنىڭ جارقىن ٴتۇيىنىن جاراتۋدى قالايدى. جۇڭگو جاق باسەكەلىك قۋاتقا جۇڭگو كاسىپورىندارىنىڭ چەرنەگورعا بارىپ قارجى قوسۋىن قولدايدى، جۇڭگو ازاماتتارىن چەرناگورعا بارىپ ساياحاتتاپ، كوپ ايالداما ۇلگىسىندەگى ساياحات لەنياسىن جاراتۋعا شابىتتاندىرادى.


    چەحتىڭ زۇڭليى باررەسسومەن كەزدەسكەندە، لي كىچياڭ بىلاي دەدى: جۇڭگو چەحپەن ەكى جاقتىلى ەسىكتى اشىق ۇستاۋ مەن قوس جاقتىلى ساۋدا جانە قارجى قوسۋدى كەڭەيتىپ، زات ساۋداسىن ارتتىرىپ قالماستان، قىزمەت وتەۋ ساۋدا سەلبەستىگىن دە تەرەڭدەتۋدى قالايدى. ەكى جاق فينانىس، اۋەتسيا، اۆتوكولىك، اۋىل شارۋاشىلىعى قاتارلى سالالارداعى سەلبەستىگىن كۇشەيتۋى قاجەت. چەحتىڭ ساياحات بايلىعى مول، جۇڭگو جاق جۇڭگو ساياحاتشىلارىنىڭ چەحقا بارىپ ساياحاتتاۋىن، ٴارى كوپتەگەن چەح ەلى ساياحاتشىلارىنىڭ جۇڭگوعا كەلۋىن، ٴسويتىپ ەكى جاقتىڭ حالىقتار تۇسىنىگى مەن دوستىعىن نىعايتۋدى قارسى الادى.

اۋدارعان: سەرىك راقىم ۇلى