ۋاڭ چيشان اراب ەلدەر وداعىنىڭ باس حاتشىسى گايت جانە ەگيپەتتىڭ سىرتقى ىستەر مينيسترى شۋكاليمەن جەكە-جەكە كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:43:00

 

    ٴوز حابارىمىز: مەملەكەت ٴتوراعاسىنىڭ ورىنباسارى ۋاڭ چيشان شىلدەنىڭ 9-كۇنى اراب ەلدەر وداعىنىڭ باس حاتشىسى گايت جانە ەگيپەتتىڭ سىرتقى ىستەر مينيسترى شۋكاليمەن جەكە-جەكە كەزدەستى.


    گايتپەن كەزدەسكەندە ۋاڭ چيشان بىلاي دەدى: ٴتوراعا شي جينپيڭ 2014-جىلى 2016-جىلى اراب دۇنيەسىنە باعىتتاپ، ەكى رەت ماڭىزدى ٴسوز سويلەپ، جۇڭگو اراب ەلدەر قاتىناسىنا باعدار سىلتەدى. جۇڭگو اراب ەلدەرىنىڭ ٴبىر بەلدەۋ ٴبىر جولعا بەلسەندى ات سالسۋىن قارسى الادى . اراب ەلدەر وداعىنىڭ جۇڭگومەن اراب ەلدەرىنىڭ دوستىق سەلبەستىگىن جەبەۋدە اناعۇرلىم زور رول اتقارۋىن ٴومىت ەتەدى.


    شۋكاليمەن كەزدەسكەندە ۋاڭ چيشان بىلاي دەدى: سوڭعى جىلداردان بەرى، ٴتوراعا شي جينپيڭ مەن پرەزيدەنت سەيسيدىڭ تىكەلەي باسشىلىعىندا، جۇڭگو مەن ەگيپەت قاتىناسى ٴورتىس، ورنىقتى دامىدى . جۇڭگو ەگيپەتپەن ٴار سالاداعى ناقتى سەلبەستىكتى كۇشەيتىپ، جاڭا داۋىردەگى جۇڭگو مەن ەگيپەتتىڭ جالپى بەتتىك ىستراتەگيالىق سەرىكتەستىك قاتىناسىن اناعۇرلىم كوپ، قوماقتى تابىسقا كەنەلدىرۋدى ٴارى جۇڭگو مەن اراب ەلدەرىنىڭ، جۇڭگو مەن افريكانىڭ قاتىناسىن دامىتۋدا اناعۇرلىم زور رول اتقارۋدى قالايدى.

 

 اۋدارعان: سەرىك راقىم ۇلى