لي كىچياڭ گەرمانيانىڭ زۇڭليى مەركەلمەن تىلشىلەردى بىرلىكتە قابىلدادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 16:26:00

 

    ٴوز حابارىمىز: جەرلىك ۋاقىت بويىنشا شىلدەنىڭ 9-كۇنى تۇستەن كەيىن، مەملەكەتتىك كەڭەستىڭ زۇڭليى لي كىچياڭ بەرليندەگى زۇڭلي سارايىندا گەرمانيانىڭ زۇڭليى مەركەلمەن بىرلىكتە جۇڭگو-گەرمانيا ۇكىمەتتەرىنىڭ 5-كەزەكتى سۇقپاتىن وتكىزگەننەن كەيىن تىلشىلەردى قابىلداپ، سۇقپات ناتيجەسىن تانىستىردى ٴارى سۇراۋلارعا جاۋاپ قايتاردى.


    لي كىچياڭ بىلاي دەدى: جۇڭگو-گەرمانيا ۇكىمەتتەرىنىڭ وسى رەتكى سۇقپاتىندا كوپتەگەن سالا جايلى قىرۋار قوماقتى تابىس قولعا كەلىپ، ەكى ەلدىڭ بولاشاققا بەت العان جاڭاشا سەلبەستىگى باستالدى. جۇڭگو ٴوزىن جاڭا كەزەكتى سىرتقا اشىق ۇستاۋ بارىسىندا بازار ورتاسىن ۇزدىكسىز ساپالاندىرىپ، ٴبىلىم مەنشىك ۇقىعىن پارمەندى قورعايدى. جۇڭگونىڭ جاڭا كەزەكتى رەفورما جاساپ، ەسىكتى اشىق ۇستاۋ بارىسىندا گەرمانيانىڭ ورايدى مىقتى ۇستاۋىن قارسى الادى. ينفورماتسيالاندىرۋ مەن جاڭا كەزەكتى تەحنيكا توڭكەرىسى ۇزدىكسىز جاڭالانىپ، دارەجەسى جوعارىلاعان داۋىردە ٴارقايسى جاقتاعىلار ٴتىپتى دە سەنىمدى، اشىق ۇستاعان پوزيتسيادا تەحنيكا سەلبەستىگىنە مامىلە جاساۋى كەرەك، جۇڭگو مەن گەرمانيا ناقتىلى سەلبەستىكتەر ارقىلى ەكى ەلدىڭ كوپ ۇيەكتىلىكتى جانە ەركىن ساۋدانى قورعاۋعا كۇش سالعاندىعىن، ٴوز ەلدەرىنىڭ دامۋىن جانە دۇنيە شارۋاشىلىعىنىڭ قايتا جاندانۋ اياق الىسىن جەبەيتىندىكتەرىن ايگىلەۋى ٴتيىس.


    جاڭا عانا وتكىزىلگەن جۇڭگو مەن ورتا شىعىس ەۆروپاداعى ەلدەر باسشىلارىنىڭ 7-رەتكى كەڭەسى جايلى سۇراۋعا لي كىچياڭ بىلاي دەپ جاۋاپ بەردى: جۇڭگو مەن ورتا شىعىس ەۆروپاداعى 16 ەلدىڭ سەلبەستىگى- جۇڭگو مەن وسى ەلدەردىڭ بىرلەسىپ جاراتقان سەلبەستىك تەكشەسى، سونداي-اق جۇڭگونىڭ ەۆروپامەن بولعان قاتىناسىنداعى ماڭىزدى قۇرامداس بولەگى جانە ٴتيىمدى تولىقتاۋىشى. جۇڭگو ەۆروپا وداعىنداعىلاردىڭ ىنتىماقتى، ورنىقتى تۇردە دامىعاندىعىن كورگىسى كەلەدى. جۇڭگو مەن ورتا شىعىس ەۆروپاداعى 16 ەلدىڭ سەلبەستىگى-ەۆروپا وداعىنا مۇشە ەلدەردى قامتىپ قانا قالماستان ەۆروپا وداعىنا مۇشە ەمەس ەلدەردى دە قامتيدى. ەۆروپا وداعىنا مۇشە بولىپ قوسىلعان ورتا- شىعىس ەۆروپاداعى ەلدەرگە قاراتا جۇڭگونىڭ اتالعان وڭىردەگى 16 ەلمەن سەلبەستىگى وسى ەلدەردىڭ شارۋاشىلىعىن دامىتۋعا سەپتىگىن تيگىزەدى ٴارى ەۆروپا وداعىنىڭ ورتاشا دامۋ ورەسىن جوعارىلاتادى؛ ەۆروپا وداعىنا قوسىلعىسى كەلگەن باسقا ەلدەرگە قاراتا جۇڭگومەن اتالعان وڭىردەگى 16 ەلدىڭ سەلبەستىگى ولاردىڭ دامۋ پارقىن كىشىرەيتۋىنە قولعابىس ەتىپ، ەۆروپا وداعىنا كىرۋ ولشەمىنە ەرتەرەك جەتۋىنە تيىمدىلىك جاسايدى.


    لي كىچياڭ مىنالاردى اتاپ كورسەتتى: جۇڭگومەن اتالعان وڭىردەگى 16 ەلدىڭ سەلبەستىگى دۇنيە ساۋدا ۇيىمىنىڭ قاعيداسى قامتىلعان حالىقارادا جاپپاي قولدانىلىپ جاتقان ولشەمدەرگە قاي-قاشاندا تاباندى بولادى، ەۆروپا وداعىنىڭ قاتىستى زاڭ-قاعيدا جۇلگەلەرىنە بويسىنادى، بازارلانعان اينالىمعا تاباندى بولىپ، بىرەۋلەردى قاقپايلامايدى. وسى رەتكى كەڭەستە سوفيا قالاسىندا جۇڭگو مەن اتالعان وڭىردەگى 16 ەلدىڭ جەرشارىندىق سەرىكتەستەر وزەگىن قۇرۋ ۇسىنىس ەتىلدى، ماقساتى ٴار جاقتاعى كاسىپورىنداردىڭ جۇڭگو، ورتا شىعىس ەۆروپاداعى ەلدەر جانە ەۆروپا وداعىنىڭ زاڭ-قاعيدالارىن تۇسىنۋىنە كومەكتەسىپ، سەلبەستىك ورىستەتۋگە ساياسات، زاڭ سياقتى جاقتاردان كەڭەس بەرىپ، ٴادىس-امال جاقتان قولداۋ كورسەتۋ؛ جۇڭگو مەن اتالعان وڭىردەگى 16 ەل سەلبەستىگىنىڭ اشىق ۇستالعان، تەپە-تەڭ، ٴادىل، جاريا بولۋ پرينسپىن تانىستىرىپ، جۇڭگو مەن اتالعان وڭىردەگى 16 ەلدىڭ جانە ورتا ەۆروپانىڭ اشىق ۇستالىپ، كوركەيۋىنە دەم بەرۋ.


اۋدارعان: امانتاي مۇسايىپ ۇلى