لي كىچياڭ مەركەلمەن بىرگە جۇڭگو مەن گەرمانيانىڭ 9-كەزەكتى شارۋاشىلىق تەحنيكا سەلبەستىك تالقىسىنىڭ اياقتاۋ سالتىنا قاتىناستى ٴارى ٴسوز سويلەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-11 11:01:00

 

    ٴوز حابارىمىز: جەرلىك ۋاقىت 9-شىلدە كۇنى كەشتە مەملەكەتتىك كەڭەستىڭ زۇڭليى لي كىچياڭ بەرليندەگى شارۋاشىلىق جانە ەنەرگيا مينيسترلىگىندە گەرمانيانىڭ زۇڭليى مەركەلمەن جۇڭگو مەن گەرمانيانىڭ 9-كەزەكتى شارۋاشىلىق تەحنيكا سەلبەستىك تالقىسىنىڭ اياقتاۋ سالتىنا قاتىناستى ٴارى ٴسوز سويلەدى.


    لي كىچياڭ بىلاي دەدى: بۇگىن زۇڭلي مەركەلمەن بىرگە جۇڭگو مەن گەرمانيا ۇكىمەتىنىڭ 5-كەزەكتى كەڭەسىن باسقارىپ، ماڭىزدى ورتاق تانىمعا كەلدىك.ٴبىز ساياسي سەنىمدىلىكتى جالعاستى بەكەمدەپ جانە نىعايتىپ، جۇڭگو مەن گەرمانيانىڭ جالپى بەتتىك ستراتەگيالىق سەرىكتەستىك قاتىناس نەگىزىن جاقسارتىپ، ەكى ەل سەلبەستىگىن تىپتى دە جوعارى ورەگە جەتكىزىپ، جۇڭگو مەن گەرمانيا سەلبەستىگىنىڭ تۇراقتىلىعىن، كوپ جاقتىلىقتىڭ دايەكتىلىگىن قورعاۋ ارقىلى دۇنيە بەيبتشىلىگى مەن دامۋىنا ورنىقتىلىق جەتكىزۋگەٴبىر اۋىزدان قوسىلدىق.


    لي كىچياڭ مىنانى باسا دارىپتەدى: جۇڭگو مەن گەرمانيانىڭ شارۋاشىلىق-تەحنيكا سەلبەستىگى ەركىن دە اشىق ساۋدا قارجى قوسۋ ورتاسىنان ايىرىلا المايدى. شارۋاشىلىق جەرشارىلانعان قازىرگى كۇندە زامان كوشىنەن قالعان توماعا تۇيىق يدەيادا قاتىپ سەنىپ، ساۋدا تالاسىن قوزعايتىن بولساق ەكى جاق مۇددەسىنە نۇقسان جەتىپ قانا قالماستان،جەر شارى كاسىپ تىزبەگىندەگى ٴار جاقتىڭ مۇددەسىنە زيان جەتەدى. ٴبىزدىڭ ٴتۇرلى حاۋىپتەر مەن سايىستارعا توتەپ بەرىپ، ەسىكتى جالعاستى ايقارا اشىپ، سىڭار جاقتىلىق پەن قورعامپازدىققا قارسى تۇرۋعا؛ ٴادىل، اشىق، جاريا باسەكە ارقىلى الۋاندالعان بازاردى اشۋعا؛ ٴوز ىستەرىمىزدى ويداعىداي ىستەۋ ارقىلى ىشكى قوزعاۋشى كۇشتى نىعايتىپ، شارۋاشىلىقتى باياندى ارتتىرىپ، ورنىقتى جاقسارعان اۋقىمدى ساقتاۋعا سەنىمىمىز دە قابىلەتىمىزدە بار.


    سول كۇنى لي كىچياڭ زۇڭلي مەرلمەن بىرگە جۇڭگو-گەرمانيا اۆتوماتتى اۆتوكولىك كورمە قيمىلىنا بىرگە قاتىناستى.

اۋدارعان: گۇلميرا قوزىقان قىزى