13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-ٴماجىلىسى بىرلەسپە گرۋپپا ٴماجىلىسىن وتكىزدى، لي جانشۋ باسقاردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-11 11:02:00



    ٴوز حابارىمىز: 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-ٴماجىلىسى 10-شىلدە كۇنى تۇستەن بۇرىن حالىق سارايىندا بىرلەسپە گرۋپپا ٴماجىلىسىن وتكىزىپ، مەملەكەتتىك حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ اتموسفەرا لاستانۋىنان ساقتانۋ جانە ونى وڭاۋ زاڭىنىڭ اتقارىلۋ جاعدايىن تەكسەرۋ جونىندەگى باياندامانى قاراۋعا ۇشتاستىرىپ تاقىرىپتىق كەڭەس وتكىزدى، كوميتەت باستىعى لي جانشۋ كەڭەستى باسقاردى.


    وسى رەتكى تۇراقتى كوميتەت ماجىلىسىندە اتموسفەرا لاستانۋىنان ساقتانۋ جانە ونى وڭاۋ زاڭىنىڭ زاڭنىڭ اتقارىلۋىن تەكسەرۋ بايانداماسى گۇرپپالارعا ٴبولىنىپ قارالۋ نەگىزىندە بىرلەسپە گۇرپپا ٴماجىلىسى اشىلىپ، تاقىرىپتىق كەڭەس ورىستەتىلدى. بۇل 13-كەزەكتى مەملەكەتتىك حالىق قۇرىلتايى تۇراقتى كوميتەتى جۇرگىزگەن تۇڭعىش رەتكى تاقىرىپتىق كەڭەس ٴارى وسى رەتكى زاڭنىڭ اتقارىلۋىن تەكسەرۋدەگى ماڭىزدى بۋىن.


    زاڭنىڭ اتقارىلۋىن تەكسەرۋ بايانداماسىندا ورتاعا قويىلعان «قۇرلىمدىق لاستاۋ ماسەلەسى ٴبىرشاما كورنەكتى بولۋ» جاعدايى جونىندە مۇشە چىن ليفىڭ سۇراۋ سۇراپ بىلاي دەدى: ٴىشنارا قالالاردا ٴبىر ٴبولىم ونەركاسىپ كاسپورىندارى اۋىل -قالاشىققا ويىسا باستادى، بولاشاقتا لاستانۋدى قايتكەندە تۇبىرىنەن وڭاۋعا بولادى؟ بۇل جونىندە ونەركاسىپ جانە ينفورماتسيالاندىرۋ مينيسترىنىڭ ورىنباسارى شين گوبين بىلاي دەدى: بەيجيىڭ، تيانجين، حىبەي مەن توڭىرەگىندەگى وڭىرلەر، چاڭجياڭ اتىراۋى، فىنحى-ۋيحى جازىعى قاتارلى تۇيىندى رايونداردا بولات-تەمىر، كوكىستەندىرۋ، اليۋمىندى ەلەكترمەن ايىرۋ، سەمونت قاتارلى كاسىپتەردى جاڭادان ارتتىرۋ قاتاڭ تىزگىندەلىپ، زاڭ مەن تارتىپكە قايشى جاڭا نىسانداردى قۇرۋعا مۇلدە جول قويىلمايدى. اتى بار زاتى جوق كاسپورىنداردى ٴبىرجايلى ەتۋ، ٴوندىرىس قۋاتى تومەن كاسپورىنداردى الاستاۋ، ورنالاستىرۋ جوسپارىنا ۇيلەسپەيتىنٴوندىرىس قۋاتتارىن توقتاتۋ تۇيىن ەتىلىپ، باسى ارتىق ٴوندىرىس قۋاتى جالعاستى ىقشامدالادى. بيىل 30 ميلليون توننا شاماسىندا بولات-تەمىر ٴوندىرىس قۋاتى ىقشامدالادى.


    تەكسەرۋدە تاعى مىنالار بايقالدى، ٴىشنارا قالالاردىڭ بىلعانىشتى وڭاۋ قىسمى مەن جاۋاپكەرشىلىگى بىرتىندەپ السىرەپ، ورتانى قورعاۋ ساياسات شارالارىن تياناقتاندىرۋدا پارمەنسىزدىك ىستەگەن. مۇشە جياۋ يۇڭ بىلعانىش شىعارۋ رۇحسات كۋالىگى تۇزىمىنە قاتىستى ىستەردى ەرەكشە سۇراستىردى. ەكولوگيالىق ورتا مينيسترىنىڭ ورىنباسارى جاۋ يىڭميىڭ بۇل جونىندە بىلاي دەدى: باياندامادا ورتاعا قويىلعان ٴبىرسىپرا جەرلەردە بىلعانىش شىعارۋ رۇحسات كۋالىگىنىڭ تاراتىلۋ سانى از بولۋ قاتارلى ماسەلە جونىندە بىلعانىش شىعارۋ رۇحسات كۋالىگىن باسقارۋ ەرەجەسىن شىعارۋ قادامىن تەزدەتۋ قاتارلى ادىستەرمەن وسى ماسەلە جۇيەگە تۇسىرىلەتىن بولادى.


اۋدارعان: گۇلميرا قوزىقان قىزى