شي جينپيڭ ٴتورت ەلدە مەملەكەتتىك ىستەر ساپارىندا بولادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 17:35:00

 

    شينحۋا اگەنتتىگىنىڭ حابارى: سىرتقى ىستەر مينيسترلىگىنىڭ مالىمدەمەشىسى لۋ كاڭ 12-شىلدە كۇنى: اراب بىرىككەن امىرلىگىنىڭ پرەزيدەنتى حاليفا، سەنەگال رەسپۋبليكاسىنىڭ پرەزيدەنتى سالل، رۋاندا رەسپۋبليكاسىنىڭ پرەزيدەنتى كاگامي، وڭتۇستىك افريكا رەسپۋبليكاسىنىڭ پرەزيدەنتى راماسا قاتارلى باسشىلاردىڭ ۇسىنىسى بويىنشا، مەملەكەت ٴتوراعاسى شي جينپيڭ شىلدەنىڭ 19-كۇنىنەن 24-كۇنىنە دەيىن جوعارىداعى ٴتورت ەلدە مەملەكەتتىك ىستەر ساپارىندا بولاتىندىعىن جاريالادى.


    وڭتۇستىك افريكا رەسپۋبليكاسىنىڭ پرەزيدەنتى راماسانىڭ ۇسىنىسى بويىنشا، مەملەكەت ٴتوراعاسى شي جينپيڭ شىلدەنىڭ 25-كۇنىنەن 27-كۇنىنە دەيىن وڭتۇستىك افريكانىڭ يوحاننەسبۋرگ قالاسىندا وتكىزىلەتىن تەبىندى ەلدەر باسشىلارىنىڭ 10-رەتكى كەزدەسۋىنە قاتىناسادى.


    جوعارىداعى ٴتورت ەلدەگى مەملەكەتتىك ىستەر ساپارىن اياقتاتىپ، تەبىندى ەلدەر باسشىلارىنىڭ 10 رەتكى كەزدەسۋىنە قاتىناسقاننان كەيىن ەلگە قايتار جولىندا، مەملەكەت ٴتوراعاسى شي جينپيڭ جولشىباي ماۋريتيۋستا دوستىق ساپاردا بولادى.

اۋدارعان: نۇربولات ٴداۋتاقىن ۇلى