بيىل الدىڭعى 7 ايداعى ەلىمىزدىڭ سىرتقى ساۋداسى وتكەن جىلعى ۇقساس مەزگىلدەگىدەن %8.6 ارتىپ، ورنىتقىلىق بارسىندا جاقسارعان دامۋ ارىنىن جالعاستى ساقتادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-08-09 17:48:00

 

    ٴوز حابارىمىز: كەدەن باس مەكەمەسى تامىزدىڭ 8-كۇنى: بيىل الدىڭعى 7 ايداعى ەلىمىزدىڭ زات ساۋدا يمپورت-ەكسپورت جالپى قۇنى 16 ترلليون 720 ميلليارد يۋان بولىپ، وتكەن جىلعى ۇقساس مەزگىلدەگىدەن %8.6 ارتىپ، ورنىتقىلىق بارسىندا جاقسارعان دامۋ ارىنىن جالعاستى ساقتالعاندىعىن جاريالادى.

 

كەدەن باس مەكەمەسىنىڭ ساناعىنا قاراعاندا، بيىل الدىڭعى 7 ايدا ەكسپورت مولشەرى8 ترلليون 890 ميلليارد يۋان بولىپ، %5 ارتقان. يمپورت 7 ترلليون 830 ميلليارد يۋانعا جەتىپ، %12.9 ارتقان. كەدەن باس مەكەمەسى ۋنيۋەرسال ساناق ٴبولىمىنىڭ باستىعى، اقپارات مالىمدەمەشىسى حۋاڭ سۇڭپيىڭ يمپورتتىڭ جەدەل ارتۋى، سىرتقى ساۋدانىڭ ٴبىر شاما تەز دامۋىنا تۇرتكى بولادى،- دەدى.

 

ول بىلاي دەدى: بيىلدان بەرى، ەلىمىزدىڭ يمپورت-ەكسپورتى ورنىقتىلىق بارسىندا جاقساردى، الدىڭعى 7 ايدا تەز دامۋ ارىنىن ساقتاپ، ارتۋ قارقىنى الدىڭعى جارىم جىلداعىدان، %0.7 تەزدەدى. سونىمەن قاتار، ەلى ٴىشى قاجەتى جاقسارىپ، ەلىمىزدىڭ يمپورتى كەڭەيىپ، ساۋدانىڭ وڭ بالانىسى كشىرەيىپ، يمپورت پەن ەكسپورتتىڭ دامۋى بارىنشا تەڭەستى.

 

شىلدە ايىندا، ەلىمىزدىڭ يمپورت-ەكسپورت جالپى قۇنى 2 ترلليون 600 ميلليارد يۋان بولىپ، ۇقساس مەزگىلدەگىدەن %12.5 ارتقان. تاق ايلارىنداعى ساۋدا كولەمى ٴبىر جىل ىشندەگى ەڭ جوعارى ولشەمنەن دە اسىپ ٴتۇستى. بۇنىڭ ىشىندە يمپورت %20 تەن اسىپ، ساۋدانىڭ وڭ بالانىسى %42.6 ازايىپ، سىرتقى ساۋدانىڭ اناعۇرلىم تەڭەسۋىن جەبەدى. ساۋدا منيستىرلىگى زەرتتەۋ مەكەمەسى حالىقارالىق بازار زەرتتەۋ ورىنىنىڭ ورىنباسار باستىعى باي ميىڭ تالداۋ جاساپ بىلاي دەدى: شىلدە ايىنداعى ساۋدا سوماسىنىڭ ارتۋى حالىقارالىق بازار جالپى قاجەتىسىنۋ ورتاسىنىڭ جاقسارۋىمەن قاتار، ٴبىزدىڭ قات-قابات قيىنشىلىقتاردى جەڭىپ، جۇڭگو مەن ا ق ش ساۋدا تالاسىنىڭ ىقپالىن باسەڭدەتۋدەگى اتقارعان رولى جانە بازاردىڭ كوپ ۇيەكتەنگەن ستراتەگيالىق بەلسەندى جەبەۋىنىڭ اسەرى سەبەپ بولدى. ارينە،مۇندا مۇناي، تابيعي گاز سىندى تاۋارلاردىڭ حالىقارالىق بازار باعاسىنىڭ ٴوسۋى دە سەبەپ بولىپ وتىر. شىلدە ايىندا ساۋدا جالپى قۇنىنىڭ ارتۋى وزگەشە مانگە يە، جۇڭگو مەن ا ق ش ساۋداسىنان الىپ قاراعاندا، ا ق ش نىڭ بىزگە كەدەن باجىسىن ۇستەمەلەپ الۋىنا قاراتا بىزدە قارسى شارا قولداندىق. بۇدان بۇرىن، تالاسا-تارماسا يمپورت-ەكسپورت ەتۋ جايتتەرى بايقالىپ، سىرتقى ساۋدانى ۋاقىتتىق جانداندىردىق.

 

حۋاڭ سۇڭپيىڭ بىلاي دەدى: مەجەمەن بيىل تۇتاس جىلدا ەلىمىز سىرتقى ساۋداسىنىڭ ورنىقتىلىق بارسىندا جاقىسارۋ ارىنى بەكەمدەلىپ، ساپا مەن ونىمدىلىك بەلگىلى دارەجەدە جاقسارماق.