«21-عاسىر تەڭىزدەگى جىبەك جولى» حالىقارالىق تاراتۋ 2-كەزەكتى تالقىسى گۋاڭدۇڭ ولكەسىنىڭ جۋحاي قالاسىندا وتكىزىلەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 10:12:00


    ٴوز حابارىمىز: گۋاڭدۇڭ ولكەلىك ۇكىمەتتىڭ اقپارات كەڭسەسى 9-ايدىڭ 11-كۇنى اقپارات جاريالاۋ ٴماجىلىسىن اشىپ، «21-عاسىر تەڭىزدەگى جىبەك جولى» جۇڭگو.گۋاڭدۇڭ حالىقارالىق تاراتۋ 2-كەزەكتى تالقىسىنا دايىندىق كورۋ احۋالىن تانىستىردى، كەزەكتى تالقىنى ورتالىق راديو-تەلەۆيزيا باس ستانسياسى مەن گۋاڭدۇڭ ولكەلىك ۇكىمەت بىرلىكتە باسقارادى، 9-ايدىڭ 19-كۇنىنەن 21-كۇنىنە دەيىن گۋاڭدۇڭ ولكەسىنىڭ جۋحاي قالاسىندا وتكىزىلەدى.


    «21-عاسىر تەڭىزدەگى جىبەك جولى» جۇڭگو.گۋاڭدۇڭ حالىقارالىق تاراتۋ 2-كەزەكتى تالقىسى «جاڭا ٴداۋىر، جاڭا جىبەك جولى، جاڭا وبىراز» دەگەندى تاقىرىپ ەتىپ، ەل ٴىشى-سىرتىنداعى قاتىستى قۇرىلىمداردىڭ جاۋاپتىلارى، حالىقارالىق ۇيىمداردىڭ ٴمانساپتىلارى، «21-عاسىر تەڭىزدەگى جىبەك جولى» جاعالاۋىنداعى ەلدەردىڭ تانىمال كاسىپورىندارىنىڭ ۋاكىلدەرى، بەدەلدى اقپارات قۇرىلىمدارىنىڭ جاۋاپتىلارى قاتارلى قىمباتتى قوناقتاردى تالقىعا جانە قاتىستى تاقىرىپتىق قيمىلدارعا قاتىناسۋعا ۇسىنىس ەتەدى. ورتالىق راديو-تەلەۆيزيا باس ستانسياسى جۇڭگو حالىقارالىق راديو ستانسياسىنىڭ ورىنباسار باستىعى حۋ باڭشىڭ: ورتالىق راديو-تەلەۆيزيا باس ستانسياسىنىڭ قيمىلدى باسقارۋشى جاقتىڭ ٴبىرى رەتىندە، رەفورما جاساپ، ەسىك اشۋدىڭ 40 جىلدىعى قارساڭىندا گۋاڭدۇڭدا كەزەكتى تالقىنى وتكىزۋىنىڭ ٴمانى اسا زور،-دەپ قارادى. گۋاڭدۇڭ ولكەلىك پارتكوم ۇگىت ٴبولىمنىڭ ۇنەمىلىك ىستەرگە جاۋاپتى ورىنباسار باستىعى، گۋاڭدۇڭ ولكەلىك اقپارات-باسپا ٴسوز، راديو-تەلەۆيزيا مەكەمەسىنىڭ باستىعى باي جيە تانىستىرىپ بىلاي دەدى: وسى كەزەكتى تالقىدا نەگىزگى تالقى، قوسىمشا تالقى، كاسىپورىنداردىڭ تابىس كورمەسى، ەكسكۋرسيا قاتارلى قيمىلدار ارقىلى، گۋاڭدۇڭنىڭ بەس جىلدان بەرى «ٴبىر بەلدەۋ، ٴبىر جول» دارىپتەمەسىن توڭىرەكتەي وتىرىپ، 21-عاسىرداعى تەڭىزدەگى جىبەك جولى قۇرىلىسىن بەلسەندى جەبەگەن شارالارى مەن تابىستارى جۇيەلى قورتىندىلانىپ، ەلىمىزدەگى نەگىزگى مەديالارمەن حالىقاراداعى نەگىزگى مەديالاردىڭ سەلبەستىك اۋىس-كۇيىسى تەرەڭدەتىلىپ، گۋاڭدۇڭنىڭ حالىقاراداعى تانىمالدىعى مەن ىقپال قۋاتى اناعۇرلىم جوعارىلاتىلادى.

اۋدارعان: گۇلنۇر قابىلقاق قىزى