حان جىڭ 15-كەزەكتى جۇڭگو شىعىس وڭتۇستىك ازيا ەلدەر وداعى كورمەسىنە قاتىناسقان ٴار ەل باسشىلارمەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 10:46:00

 

    ٴوز حابارىمىز: ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 9-ايدىڭ 11-كۇنى گۋاڭشيدىڭ ناننيڭ قالاسىندا15-كەزەكتى جۇڭگو-شىعىس وڭتۇستىك ازيا ەلدەر وداعى كورمەسى جانە جۇڭگو-شىعىس وڭتۇستىك ازيا ەلدەر وداعى ساۋدا جانە قارجى قوسۋ باسشىلار ماجىلىسىنە قاتىناسقان كامبودوجانىڭ باس ٴۋازىرى حۇڭسىن جانە بيرمانىڭ ورىنباسار پرەزيدەنتى مين رۇيمەن جەكە-جەكە كەزدەستى.


    حان جىڭ ٴار ەل باسشىلارىنىڭ ماجىلىسكە قاتىناسقاندىعىن قارسى الدى ٴارى جۇڭگو ٴار قايسى جاقتارمەن بىرلىكتە، جۇڭگو مەن شىعىس وڭتۇستىك ازيا ەلدەر وداعىنىڭ ستىراتەگيالىق سەرىكتەستىك قاتىناس ورناتقاندىعىنىڭ 15 جىلدىعىن وراي ەتىپ، سايكەسۋدى كۇشەيتىپ، ناقتىلى سەلبەستىكتى تەرەڭدەتىپ، جۇڭگو مەن شىعىس وڭتۇستىك ازيا ەلدەر وداعىنىڭ تاعدىرلاس ورتاق تۇلعاسىن قۇرۋعا بىرلىكتە بەلسەندى ۇلەستەر قوسۋدى قالايدى،-دەدى.


    حۇڭسىنمەن كەزدەسكەندە حان جىڭ كامبودوجانىڭ بيىلعى جۇڭگو مەن شىعىس وڭتۇستىك ازيا ەلدەر وداعى كورمەسىندەگى نەگىزگى ەلدەردىڭ ٴبىرى بولعاندىعىن قۇتتىقتادى ٴارى باس ٴۋازىر حۇڭسىننىڭ 11 رەت ۇيرمە باستاپ كورمەگە قاتىناسقاندىعىنا العىس ايتتى. حان جىڭ بىلاي دەدى: جۇڭگو مەن كامبودجانىڭ دوستىعى ارىدان جالعاسىپ، بارعان سايىن جالىندى ومىرشەڭدىك كۇشكە يە بولىپ كەلەدى. تاياۋ جىلداردان بەرى، ەكى ەل باسشىلارى كوپ رەت كەڭەس وتكىزىپ، جۇڭگو مەن كامبودوجانىڭ داستۇرلى دوستىعىن ساقتاۋ مەن وعان مۇراگەرلىك ەتۋ جاعىندا ماڭىزدى ورتاق تانىمعا كەلىپ، ەكى جاقتىلى قاتىناستىڭ تاريحتاعى ەڭ تاماشا مەزگىلگە قادام تاستاعاندىعىنا جەتەكشىلىك ەتىپ كەلەدى. ەكى جاق ەكى ەلدىڭ دەپلوماتيالىق قاتىناس ورناتقاندىعىنىڭ 60 جىلدىعىن وراي ەتىپ، جوعارى جىكتەردىڭ بارىس-كەلىسىن كۇشەيتىپ، دامۋ ستىراتەگياسىن ۇشتاستىرۋدى تەزدەتىپ، ٴبىر بەلدەۋ ٴبىر جولدى ورتاق قۇرىپ، تۇرلى سالاداعى ناقتىلى سەلبەستىكتى كەڭەيتىپ، حالىقتار دوستىعىنىڭ تاعانىن شىڭداپ، قول ۇستاسا وتىرىپ جۇڭگو مەن كامبودوجانىڭ ستىراتەگيالىق مانگە يە تاعدىرلاس ورتاق تۇلعاسىن قۇرىپ، ەكى ەل مەن ەكى ەل حالىقىنا باقىت جاراتۋى ٴتيىس.


    مين رۇيمەن كەزدەسكەندە حان جىڭ بىلاي دەدى: جۇڭگو مەن بيرما تاۋ، وزەندەرى تۇتاسقان دوس كورشى، ٴتوراعا شي جينپيڭ كوپ رەت بيرما باسشىلارمەن كەڭەس وتكىزىپ، ماڭىزدى ورتاق تانىمعا كەلىپ، جاڭا داۋىردەگى جۇڭگو مەن بيرما قاتىناسى دامۋىنا ايقىن باعدار كورسەتتى. ەكى جاق ەكى ەل باسشىلارىنىڭ ورتاق تانىمىن ويداعداي تياناقتاندىرىپ، جوعارى جىكتەردىڭ بارىس-كەلىسىن ساقتاپ، دامۋ ستىراتەگياسىن ۇشتاستىرىپ، كەلەلى جانە حالىق تۇرمىسى سالاسىنداعى سەلبەستىك نساندارىن تەزدەن اتقارىپ، جۇڭگو مەن بيرمانىڭ جالپى بەتتىك ستىراتەگيالىق سەلبەستىگىن ٴتىپتى دە ويداعداي دامىتۋعا كۇش سالۋى قاجەت. جۇڭگو بيرمانىڭ بەيبتىشلىك بارسىن قولدايدى ٴارى بۇل بارىستا سىندارلى رولىن جالعاستى ساۋلەلەندىردى قالايدى.


    سول كۇنى حان جىڭ وسى كەزەكتى كورمەگە ەرەكشە ۇسىنسپەن قاتىناسقان سەلبەستىك سەرىك تانزانيانىڭ ورىنباسار پرەزيدەنتى يدىمەن كەزدەستى. حان جىڭ بىلاي دەدى : تانزانيادان جۇڭگو مەن شىعىس وڭتۇستىك ازيا ەلدەر وداعىنىڭ كورمەسى تەكشەسىنەن پايدالانىپ، جۇڭگو مەن تانزانيانىڭ شارۋاشىلىق ساۋدا قارجى قوسۋ سەلبەستىگىن اناعۇرلىم كۇشەيتىپ، ەكى جاقتىلى قاتىناستىڭ دامۋىنا تىڭ ومىرشەڭدىك كۇش قوسۋىن قارسى الامىز. ەكى جاق تاعى جۇڭگو افريكا سەلبەستىك تالقىسى بەيجىڭ باسشىلار ٴماجىلىسىنىڭ تابستى اشىلعاندىعىن وراي ەتىپ، جۇڭگو مەن افريكانىڭ تىپتى دە قويۋ تاعدىرلاس ورتاق تۇلعاسىن قۇرۋ جونىندە پىكىرلەستى.


اۋدارعان: سەرىك راقىم ۇلى