لي كىچياڭ 2018-جىلعى بۇكىل ەل بويىنشا جالپى قاۋىمنىڭ كاسىپ جاراتىپ، جاڭالىق اشۋ قيمىل اپتالىعىنا ماڭىزدى بەكىتۋ جاسادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-10-10 10:11:00

 

    ٴوز حابارىمىز: 2018-جىلعى بۇكىل ەل بويىنشا جالپى قاۋىمنىڭ كاسىپ جاراتىپ، جاڭالىق اشۋ قيمىل اپتالىعى 10-ايدىڭ 9-كۇنى سىچۋان ولكەسىنىڭ چىڭدۋ قالاسىندا باستالدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جاسادى. بەكىتۋدە مىنالار اتاپ كورسەتىلدى: سوڭعى جىلدارى، ٴار جاقتىڭ ورتاق قۇلشىنۋىندا، «جالپى قاۋىمنىڭ كاسىپ جاراتىپ، جاڭالق اشۋ» قيمىلى قارىشتاپ دامىپ، جاڭالىق جاراتۋ كومەسكى كۇشىن جانە بازار ومىرشەڭدىك كۇشىن جانداندىرىپ، كاسىپتەندىرۋدى كەڭەيتۋدە بەلسەندى رولىن ساۋلەلەندىردى. جاڭا جاعدايعا قاراتا، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم-ورنالاستىرۋىن مۇقيات دايەكتىلەندىرىپ، جوعارى ساپالى دامۋ تالابى بويىنشا، جاڭالىق جاراتۋدى قوزعاۋشى كۇش ەتكەن دامۋ ستراتەگياسىن ٴتىپتى دە تەبىندى اتقارىپ، جالپى قاۋىمنىڭ كاسىپ جاراتىپ، جاڭالىق اشۋىن ىشكەرىلەي جەبەۋ كەرەك. «اكىمشىلىكتى قاراپايىمداستىرىپ، ۇقىقتى تومەنگە ٴتۇسىرۋ، تومەنگە ٴتۇسىرۋ مەن باسقارۋدى بىرلەستىرۋ، قىزمەت وتەۋدى ساپالاندىرۋ» رەفورماسىن اناعۇرلىم ىشكەرىلەتىپ، مۇلىك ۇقىعىن قورعاۋ قاتارلى ٴتۇزىم قۇرىلىسىن كۇشەيتىپ،ٴار ٴتۇرلى بازار نەگىزگى تۇلعالارىنا بازارلانعان، زاڭمەن باسقارىلاتىن، حالىقارالانعان جاڭالىق اشىپ، كاسىپ جاراتۋ ورتاسىن ازىرلەۋ كەرەك. ونەركاسىپ ينتەرنەت دانەكەرىنىڭ قىزمەت وتەۋ قۋاتىن جوعارىلاتىپ، ينتەرنەتپەن قوعام، حالىق تۇرمىسى ۇشتاستىرىلعان اقاۋسىز دامۋدى جەبەپ، الەۋمەتتىك قىزمەت وتەۋدى جاقسارتىپ، حالىق بۇقاراسىنىڭ كومەسكى تەڭدەسسىز جاسامپازدىق قۋاتىن جانداندىرىپ، جاڭا قوزعاۋشى قۋاتتى ۇزدىكسىز جەتىلدىرىپ، ەلىمىز شارۋاشىلىعىنىڭ جاڭالىق جاراتۋ قۋاتى مەن باسەكەلىك قۋاتىن ۇزدىكسىز جوعارىلاتۋعا بەرىك نەگىز قالاۋ كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ باستالۋ سالتىنا قاتىناستى ٴارى ٴسوز سويلەدى.

 

باستالۋ سالتىندا، حان جىڭ جاڭالىق اشىپ، كاسىپ جاراتۋشىلار ۋاكىلدەرىمەن قيمىل اپتالىعىن بىرلىكتە باستادى. باستالۋ سالتى اياقتاعاننان كەيىن، حان جىڭ جاڭالىق اشىپ، كاسىپ جاراتۋ تاقىرىپتىق كورمەسىن ەكىسكۋرسيالادى جانە كورمەگە قاتىناسقان كاسىپورىن جاۋاپتىلارىمەن پىكىر ورتاقتاستىردى. ۋان گاڭ، حى ليفىڭ قيمىلعا قاتىناستى.

 

وسى رەتكى قيمىل اپتالىعىن مەملەكەتتىك دامۋ جانە رەفورمالاۋ كوميتەتى قۇرعان قيمىل اپتالىعىن ۇيىمداستىرۋ كوميتەتى وتكىزدى، قاتىستى مينيسترلىك-كوميتەتتەردىڭ جانە جەرگىلىكتى ۇكىمەتتىڭ جاۋاپتى جولداستارى، جاڭالىق اشىپ، كاسىپ جاراتۋداعى ٴبىر ٴبولىم ۇلگىلى بازالاردىڭ ۋاكىلدەرى جانە ٴتۇرلى سالادا جاڭالىق اشىپ، كاسىپ جاراتۋشىلار ۋاكىلدەرى قاتارلىلاردان 400 گە جۋىق ادام باستالۋ سالتىنا قاتىناستى.