لي كىچياڭ مەدۆەدەۆپەن بىرگە جۇڭگو-رەسەي زۇڭليلارىنىڭ 23-رەتكى مەرزىمدى كەزدەسۋىن باسقاردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:07:00


    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 11-ايدىڭ 7-كۇنى تۇستەن بۇرىن حالىق سارايىندا رەسەي زۇڭليى مەدۆەدەۆپەن بىرگە جۇڭگو-رەسەي زۇڭليلارىنىڭ 23-رەتكى مەرزىمدى كەزدەسۋىن بىرلەسىپ باسقاردى.


    لي كىچياڭ بىلاي دەدى: جۇڭگو مەن رەسەي ٴىرى كورشى ەل رەتىندە، ماڭىزدى دامۋ ورايلارىنان ورتاق يگىلكتەنۋ كەرەك. ٴتوراعا شي جينپيڭ مەن پريزيدەنت پۋتين تالاي رەت ٴساتتى كەزدەسىپ، ەكى ەل جالپى بەتتىك ستراتەگيالىق ارىپتەستىك قاتىناسىن باستان اياق جوعارى ورەدە ساقتاپ كەلەدى. وسى رەتكى زۇڭليلار كەزدەسۋى-ەكى ەل وزدەرىنىڭ ۇكىمەت كەزەك الماسۋىن اياقتاتقاننان كەيىنگى تۇڭعىش كەزدەسۋ. وتكەندى جالعاپ، بۇرىنعىعا مۇراگەرلىك ەتىپ، بولاشاققا بەت الۋداي كەلەلى ماڭىزعا يە، جۇڭگو رەسەيمەن ساياسي جانە ستراتەگيالىق ٴوزارا سەنىمدىلىكتى جالعاستى تەرەڭدەتىپ، جالپى بەتتىك سەلبەستىكتى كەڭەيتىپ، دۇنيە بەيبىتشىلىگى مەن ورنىقتىلعىىن قورعاۋ جانە دامۋىنا ورتاق ۇلەس قوسۋعا پەيىل.


    لي كىچياڭ مەن مەدۆەدەۆ قاتىستى ىستەر جونىندە جۇڭگو جاق ٴتوراعاسى حان جىڭ، سۇن شۇنلان، حۋ شۇنحۋا مەن رەسەي جاقتىڭ جاۋاپتىلارىنىڭ قىزمەت دوكلاتىن تىڭدادى.


    لي كىچياڭ مىنالاردى اتاپ كورسەتتى: بيىل، جۇڭگو-رەسەي شارۋاشىلىق-ساۋدا سەلبەستىگى جالعاستى تەز قارقىندا دامىپ، جىلدىق ساۋدا سوماسى 100 ميلليارد ا ق ش دوللارىنان اسۋىنان ٴۇمىت بار، سەلبەستىك بولاشاعىنىڭ كومەسكى كۇشى زور. ەكى جاق ساۋدانى جالعاستى قولايلاندىرىپ، ٴوزارا قارجى قوسۋ كولەمىن كەڭەيتىپ، اۋىل-شارۋاشىلىق سەلبەستىگىن تەرەڭدەتۋىن، جۇڭگو مەن رەسەي شەكارا اتتاعان ەلەكتىروندى ساۋدا ىستەرىنىڭ احاۋسىز ورنىقتى دامۋىن جەبەپ، جاڭالىق جاراتۋ سالالارىندا، اسىرەسە عىلىم تەحنيكالىق قولدانىمدار مەن نەگىزدىك زەرتتەۋ سالاسىنداعى سەلبەستىكتەردى كۇشەيتۋدى ٴۇمىت ەتەدى. وڭىرلىك، ادامزات مادەنيەتى اۋىس-كۇيسىن جالعاستى تەرەڭدەتەدى.


    لي كىچياڭ مىنالاردى باسا دارىپتەدى: جۇڭگو رەسەيمەن بىرلىكتە دۇنيە ساۋدا ۇيىمىنىڭ نەگىزدىك پرينسبى مەن رۋحىن قورعاۋعا كۇش سالىپ، ساۋدا ەركىندىگىن قورعاپ، كوپ ۇيەكتەنۋدى دارىپتەيدى. جۇڭگو «ٴبىر بەلدەۋ، ٴبىر جول» دارىپتەمەسىن ەۆرو-ازيا شارۋاشىلىق وداعىمەن ويداعىداي ۇشتاستىرىپ، ورتاق ساۋدالاسۋ، ورتاق قۇرۋ، ورتاق يگىلكتەنۋدى قالايدى، باسقا جاقتاردىڭ دا بەلسەندى قاتىناسۋىن قارسى الادى.


    مەدۆەدەۆ بىلاي دەدى: رەسەي مەن جۇڭگو جالپى بەتتىك ستىراتەگيالىق سەرىكتەستىك قاتىناسىن جالعاستى تەرەڭدەۋدە. رەسەي جۇڭگومەن ٴارقايسى جاقتارداعى بارىس-كەلىستى نىعايتىپ، ناقتىلى سەلبەستىكتى تەرەڭدەتۋگە، ساۋدا كولەمىن بارعان سايىن كەڭەيتۋگە، ەكى باعىتتاعى قارجى قوسۋدى ارتتىرىپ، تەزدەن جاڭالىق جاراتۋ قارجى قوسۋ قورىن قۇرىپ، جاڭالىق جاراتۋ، ەلەكتروندى ساۋدا، اۋىل-شارۋاشىلىق، ەنەرگيا قاتارلى سالالارداعى سەلبەستىكتى كۇشەيتۋدى، كوپ ۇيەكتەنۋدى جانە دۇنيە ساۋدا ۇيىمى ۇيىتقى بولعان ەركىن ساۋدا ٴتۇزىلسىن بىرلىكتە قورعاۋدى قالايدى.


    كەزدەسۋدەن بۇرىن، لي كىچياڭ حالىق سارايىنىڭ سولتۇستىك زالىندا مەدۆەدەۆتى قارسى الۋ سالتىن وتكىزدى.


    كەزدەسۋدەن كەيىن، ەكى ەل زۇڭليلارى «جۇڭگو-رەسەي زۇڭليلارىنىڭ 23-رەتكى كەزدەسۋىنىڭ ورتاق مازمۇنداماسىنا» قول قويدى جانە ەكى ەلدىڭ كوپ جاقتىلى سەلبەستىك قۇجاتىنا قول قويۋعا كۋا بولدى.

اۋدارعان: ەركەبۇلان ٴمۇتان ۇلى