لي كىچياڭ كۋبا مەملەكەت ىستەر كوميتەتىنىڭ ٴتوراعاسى، مينيسترلەر كەڭەسىنىڭ ٴتوراعاسى دياز كانىل مەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:52:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 11-ايدىڭ 8-كۇنى حالىق سارايىندا كۋبا مەملەكەت ىستەر كوميتەتىنىڭ ٴتوراعاسى، مينيسترلەر كەڭەسىنىڭ ٴتوراعاسى دياز كانىل مەن كەزدەستى.


    لي كىچياڭ بىلاي دەدى: جۇڭگو مەن كۋبانىڭ ٴداستۇرلى دوستىعى ارىدان جالعاسادى، باستان-اياق ٴبىر–بىرىنە سەنىپ، ٴوزارا قولداۋ كورسەتىپ كەلەدى. ٴتوراعا شي جينپيڭ سىزبەن كەڭەس وتكىزىپ جۇڭگو مەن كۋبانىڭ بولاشاق دامۋىن جوسپارلاعان بولاتىن. جۇڭگو كۋبامەن ٴوزارا ساياسي سەنىمدى نىعايتىپ، ناقتى سەلبەستىكتى ىشكەرلەتىپ، ەكى ەل قاتىناسىن تىڭ ورەگە كوتەرۋدى قالايدى.


    لي كىچياڭ مىنالاردى باسا دارىپتەدى: جۇڭگو كۋبامەن جاڭا ەنەرگيا، ينفورماتسيا حابارلاسۋ، بيولوگيالىق ٴدارى جاساۋ قاتارلى ٴتۇيىندى سالاداعى سەلبەستىكتى كۇشەيتىپ، جۇڭگو كاسىپورىندارىن كۋباعا بارىپ قارجى قوسىپ كاسىپتى كوركەيتۋىن قولدايدى. كۋبانىڭ ەرەكشەلىككە يە ونىمدەرىن كەڭ كولەمدە يمپورت ەتىپ، كۋبامەن ٴبىلىم سەلبەستىگىن نىعايتىپ، دامۋ تاجىريبەسىن اۋىستىرۋدى تەبىندەتەدى.


    دياز كانىل بىلاي دەدى: جۇڭگو كۋبا حالقىنىڭ جاقسى دوسى. كۋبا جۇڭگومەن ٴداستۇرلى دوستىقتى بەكەمدەۋدى جانە مۇراگەرلىك ەتۋدى، جوعارى دارەجەلىلەرمەن بارىس كەلىستى جيلىلەتۋدى، ٴتۇرلى سالاداعى ناقتى سەلبەستىكتى تەرەڭدەتۋدى، اۋىس-كۇيىس جاساپ ٴوزارا تاجىريبە قابىلداۋدى، ورتاق گۇلدەنىپ كوركەيۋدى ٴۇمىت ەتەدى.

اۋدارعان: كۇلان ىرىسباي قىزى