لي جانشۋ كۋبا مەملەكەت ىستەر كوميتەتىنىڭ ٴتوراعاسى، مينيسترلەر كەڭەسىنىڭ ٴتوراعاسى دياز كانىل مەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:53:00


    ٴوز حابارىمىز: مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11-ايدىڭ 8-كۇنى حالىق سارايىندا كۋبا مەملەكەت ىستەر كوميتەتىنىڭ ٴتوراعاسى، مينيسترلەر كەڭەسىنىڭ ٴتوراعاسى دياز كانىل مەن كەزدەستى.


    لي جانشۋ بىلاي دەدى:ٴتوراعا شي جينپيڭ كەزىندە، جۇڭگو مەن كۋبا ەكى پارتياسى مەن ەلدەرى بەينەتتى بىرگە تارتقان، سەنىمدى دوس، تاتۋ اعايىن دەپ كورسەتكەن بولاتىن.حالقارالىق جاعداي قانداي اۋمالى-توكپەلى بولسادا جۇڭگو كۋبامەن ۇزاقتان بەرى جالعاسىپ كەلە جاتقان دوستىعىن باستان-اياق ماڭىزدى ورىنعا قويادى. ٴتوراعا شي جينپيڭ ورتاعا قويعان كۋباعا قاراتقان باعىت بويىنشا شىنايى سىرلاس قيماس دوستىقتاردان،ٴوزارا ٴتيىمدىلىك جەتكىزىپ ورتاق يگىلىكتەنەتىن سەلبەسۋشىلەردەن، رەفورما جاساپ دامۋدى مىزعىماي جەبەيتىن سەرىكتەردەن بولۋ كەرەك. جۇڭگو مەملەكەتتىك حالىق قۇرىلتايى كۋبا مەملەكەتتىك حالىق قۇرىلتايىمەن بىرلىكتە ەكى ەل باسشىلارى جاساسقان ماڭىزدى ورتاق تانىمدى ويدعىداي تياناقتاندىرىپ، اۋىس-كۇيىس پەن سەلبەستىكتى كۇشەيتىپ، ٴوزارا ۇيرەنىپ تاجىريبە قابىلداپ، جۇڭگو مەن كۋبا قاتىناسىن جاڭا داۋىردە تىڭ دامۋعا قول جەتكىزۋدى قالايدى.


    دياز كانىل بىلاي دەدى: كۋبا سوتسياليستىك قۇرىلىس ىستەرىندە جۇڭگو جاقتىڭ ورتا جانە ۇزاق ۋاقىتتىق تاباندى قولداعاندىعىنا العىس ايتادى. كۋبا پارتياسى، ۇكىمەتى مەن حالقى جۇڭگومەن ەرەكشە دوستىق قاتىناسقا مۇراگەرلىك ەتەدى جانە بەكەمدەيدى. ەكى ەلدىڭ زاڭ شىعارۋ قۇرلىمدارىنىڭ بارىس-كەلىستى قويۋلاتۋىن ٴۇمىت ەتەمىن.


    ديڭ جۇڭلي كەزدەسۋدە بىرگە بولدى.


    سول كۇنى تۇستەن بۇرىن دياز كانىل بەيجيڭ تيان-انمىن الاڭىنا بارىپ حالىق قاھارماندار ەسكەرتكىش سارايىنا گۇلشەڭبەر قويدى.

اۋدارعان: كۇلان ىرىسباي قىزى