شي جينپيڭ ا ق ش نىڭ بۇرىنعى مەملەكەت ىستەر حاتشىسى كەسەنگىرمەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:57:00

 

    ٴوز حابارىمىز: مەملەكەت ٴتوراعاسى شي جينپيڭ 11-ايدىڭ 8-كۇنى حالىق سارايىندا ا ق ش نىڭ بۇرىنعى مەملەكەت ىستەر حاتشىسى كەسەنگىرمەن كەزدەستى. شي جينپيڭ بىلاي دەدى: كەسەنگىر دوكتور جۇڭگو حالقىنىڭ كونە دوسى، جۇڭگو مەن ا ق ش قاتىناسىن دامىتۋعا تاريحي ۇلەس قوسقان، ٴبىز مۇنى ەستەن شىعارمايمىز. 40 جىلدان باستام ۋاقىتتان بەرى، جۇڭگو مەن ا ق ش قاتىناسى تالاي اۋمالى -توكپەلى كەزەڭدى باستان كەشتى، الايدا تۇلعالىق جاقتان ورنىقتى العا ىلگەرلەۋدە. قازىر بۇكىل دۇنيە عاسىردا سيرەك كەزدەسەتىن زور وزگەرىسكە ٴدوپ كەلۋدە، حالىقارالىق قوعام جۇڭگو مەن اق ش قاتىناسىنىڭ دۇرىس باعىتپەن العا قاراي جالعاستى دامۋىن جالپى بەتتىك كۇتۋدە. پرەزيدەنت ترامپپەن ارگەنتينادا وتكىزىلەتىن 20 ەل توبى باسشىلار ٴماجىلىسى كەزىندە كەزدەسۋگە ۋادەلەستىك، كەزدەسۋدە ەكى جاق ورتاق كوڭىل بولىپ وتىرعان ماسەلەلەردە ىشكەرلەي پىكىرلەسەدى.


    شي جينپيڭ باسا دارىپتەپ بىلاي دەدى: جۇڭگو مەن ا ق ش قارسى جاقتىڭ ستراتەگيالىق جوسپارىنا ٴدال تۇجىرىم جاساي بىلۋى كەرەك. ٴبىر مەزەتتەن بەرى، ا ق ش ەل ىشىندە جۇڭگوعا ساياساتىن كەرى ۇندەر كوبەيۋدە، بۇعان ٴبىز ٴمان بەرۋىمىز تيىس. جۇڭگو بەيبىت دامۋ جولىمەن جۇرۋگە تاباندى بولۋمەن بىرگە قارسىلاسۋ، قاقتىعىسۋدىڭ ورنىنا ٴوزارا قۇرمەتتەپ، سەلبەستىك ارقىلى ورتاق پايداعا كەنەلۋ سىندى جۇڭگو مەن ا ق ش قاتىناسىن دامىتۋعا كۇش سالىپ كەلەدى ٴارى اق ش ىمەن تەڭ قاتار تۇرۋ ٴوزارا پايدا جەتكىزۋ نەگىزىندە ٴبىرىن -ٴبىرى تۇسىنۋ رۋحى بويىنشا، ەكى ەل قاتىناسىن دامىتۋدا بايقالعان ماسەلەلەردى لايىقتى جولمەن كەڭەسىپ شەشۋدى قالايدى. ا ق ش جۇڭگونىڭ ٴوزى تالداعان دامۋ جولىمەن ٴجۇرۋ ۇقىعى مەن لايىقتى ۇقىق مۇددەسىنە قۇرمەت ەتىپ، جۇڭگومەن بىرگە دامىىپ، جۇڭگو مەن ا ق ش قاتىناسىنىڭ اقاۋسىز ورنىقتى دامۋىن بىرلىكتە قورعاۋى كەرەك.


    كەسەنگىر بىلاي دەدى: ا ق ش مەن جۇڭگو قاتىناسى تىڭ دامۋ كەزەڭىنە قادام تاستاعان ماڭىزدى ساتتە جۇڭگوعا تاعىدا ساپارا بولىپ ٴتوراعا شي جينپيڭمەن كەزدەسكەنىمە ەرەكشە قۋانىشتانىم. وتكەن نەشە 10 جىلدىڭ ىشىندە مەن جۇڭگوعا تالاي رەت ساپارلاي كەلىپ، جۇڭگونىڭ دامۋىنا كۋا بولدىم. قازىرگى جاعدايدا ا ق ش مەن جۇڭگونىڭ سەلبەستىگى دۇنيە ٴجۇزىنىڭ بەيبىتشىلىگى مەن ورنىقتى دامۋىنا اسا ماڭىزدى. جۇڭگونىڭ بۇل جاقتاعى قۇلشىنىسىن وسكەلەڭ باعالايمىن. ا ق ش مەن جۇڭگونىڭ قاتىناسىن دامىتۋدا ستراتەگيالىق تانىم جانە بولاشاقتىق كوزقاراس بولۋ كەرەك، ا ق ش مەن جۇڭگو ٴوزارا تۇسىنىكتە بولىپ، ستراتەگيالىق قارىم-قاتىناستى كۇشەيتىپ، ورتاق مۇددەنى بىرلىكتە كەڭەيتىپ، الاۋىزدىقتى لايىقتى مەڭگەرىپ، دۇنيە حالقىنا ا ق ش مەن جۇڭگونىڭ ورتاق مۇددەسى الاۋىزدىقتان الدە قايتا ماڭىزدى ورىندا تۇراتىندىعىن ايگىلەۋ كەرەك. پرەزيدەنت ترامپ پەن ٴتوراعا شي جينپيڭنىڭ الدا ارگەنتينادا وتكىزىلەتىن 20 ەل توبى باسشىلار ٴماجىلىسى كەزىندەگى كەزدەسۋىنىڭ تابىستى بولۋىن ٴۇمىت ەتەمىن.

اۋدارعان: نازار ٴارىپ ۇلى