شي جينپيڭ پانامانىڭ پرەزيدەنتى ۆارەلامەن بىرگە پاناما كانالىنداعى جاڭا كەمە توسپاسىن ەكسىكۋرسيالادى
كەلۋقاينارى: |جاۋاپتى رەداكتور: | جاڭالانعان ۋاقىت:2018-12-04 16:36:00


ءوز حابارىمىز. مەملەكەت ءتوراعاسى شي جينپيڭ جەرگىلىكتى ۋاقىت 12-ايدىڭ 3-كۇنى پاناما قالاسىندا پانامانىڭ پرەزيدەنتى ۆارەلامەن بىرگە پاناما كانالىنىڭ جاڭا كەمە توسپاسىن ەكىسكۋرسيالادى.


شي جينپيڭ مەن زايىبى پىڭ لييۋان جاڭا كەمە توسپاسىنا جەتكەندە، پرەزيدەنت ۆارەلا مەن زايىبى كاستيللو كولىك توقتاتۋ ورنىنان قارسى الدى.


تاياۋ ماڭدا، جۇك قورابى تولتىرا تيەلگەن جۇڭگو يۋانياڭ تەڭىز تاسىمال توبىنىڭ «روزا» پاراحوتى 1-كەمە توسپاسىندا توسپادان ءوتۋ شىرەتىندە تۇر. وسى پاراحوت بيىل 10-ايدىڭ 1-كۇنى چيڭداۋدان جولعا شىعىپ، تىنىق مۇحيتىن ەندەي ءوتىپ، پاناما كانالى ارقىلى اتلانت مۇحيتىن اينالىپ، ا ق ش-ىنداعى 3 پورتقا بارعان، قازىر پاناما كانالىمەن كەرى قايتپاقشى.


ەكى ەل باسشىلارى جۇڭگو يۋانياڭ تەڭىز تاسىمال توبى جاۋاپتىسىنىڭ «روزا» پاراحوتىنىڭ جاعدايى جانە جۇڭيۋان تەڭىز تاسىمال توبىنىڭ پاناماداعى تيجارات احۋالى جونىندەگى تانىستىرۋىن تىڭدادى. ەكى ەل باسشسى جانە ولاردىڭ زايىبى «روزا» پاراحوتىنداعى ماتورستارعا قول بۇلعاپ قۇرمەت ءبىلدىردى. ماتورستار جۇڭگو جانە پاناما ەلدەرىنىڭ تۋىن جەلبىرەتىپ، ەكى ەل باسشسىنا جانە ولاردىڭ زايىپتارىنا ىزەت ءبىلدىردى.


شي جينپيڭ «روزا» پاراحوتىنىڭ كايپتانىمەن تەلەفوندا سويلەسىپ، كەمەدەگى قىزمەتتىڭ جاعدايىن جانە ولاردىڭ تۇرمىس شارت-جاعدايىن ۇعىسىپ، بارلىق ماتورستاردان حال سۇرادى. شي جينپيڭ بىلاي دەدى: پاناما كانالىندا «روزا» پاراحوتىنىڭ كايپتانىمەن جانە ماتورستارمەن تەلەفوندا سويلەسكەنىمە وتە قۋانىشتامىن. سىزدەردەن پاناما كانالىن ويداعىداي پايدالانىپ، زات اينالىم تاسىمالىن ۇزدىكسىز ساپالاندىرىپ، مەملەكەتتىڭ تاسىمال ىستەرىن جانە الەم ساۋداسىنىڭ گۇلدەنۋىن جەبەۋگە ءتىپتى دە زور ۇلەس قوسۋلارىڭىزدى ءۇمىت ەتەمىن. سىرتتا جۇمىس ىستەيتىن ماتورستارعا وتە كوڭىل بولەمىن، كوپشىلىكتەن قىزمەتتەرىنىڭ ءساتتى، تۇرمىستارىنىڭ كوڭىلدى بولۋىن، كوڭىلدىلىكپەن ساپارعا اتتانىپ، امان-ەسەن ۇيلەرىڭىزگە ورالۋلارىڭىزدى ءۇمىت ەتەمىن. كوپشىلىكتەن بارلىق ئستىڭ وڭىنا باسۋىن تىلەيمىن.


«روزا» پاراحوتىنىڭ كاپيتانى جانە ماتورستار شي جينپيڭنىڭ ىقىلاستى سالەمى مەن تاپسىرماسىن تىڭداپ توتەنشە تەبىرەندى. ولار ءتوراعا شي جينپيڭنىڭ ماتورستارعا كوڭىل بولگەندىگىنە جانە حال سۇراعاندىعىنا العىس ايتىپ، ءتوراعا شي جينپيڭنىڭ تاپسىرماسىن ەستە بەرىك ساقتاپ، ئس جۇزىندىك ارەكەتتەرى ارقىلى جۇڭگو مەن شەتەلدىڭ شارۋاشىلىق-ساۋدا بارىس-كەلىسىنە كۇش قوسامىز،-دەستى.


سوڭىنان، ەكى ەل باسشىسى جانە ولاردىڭ زايىبى كەمە توسپاسىنداعى مەڭگەرۋ تەكشەسىنە بارىپ، پاناما كانالىن باسقارۋ-تيجارات احۋالى جونىندەگى تانىستىرۋدى تىڭدادى. مەڭگەرۋ بولمەسىنىڭ سىرتىنداعى تەكشەدە، ەكى ەل باسشىسى جاڭا كەمە توسپاسى مەن كانالدىڭ بارلىق كورىنىسىن تاماشالادى. ۆارەلا شي جينپيڭگە كانالدىڭ تاريحىن، قازىرگى جاعدايىن جانە كەلەشەكتەگى دامۋ پلانىن ەگجەي-تەگجەيلى تانىستىردى.


ەكى ەل باسشىسى مەڭگەرۋ بولمەسىنە باردى، ۆارەلا شي جيپيڭدى مەڭگەرۋ تەتىگىن باسىپ، كەمە توسپاسىن اعىتۋعا ۇسىنىس ەتتى. كەمە توسپاسى ەكى جاققا اعىتىلىپ، «روزا» پاراحوتى كەمە توسپاسىنان باياۋ جىلجىپ ءوتتى. مەڭگەرۋ بولمەسىندە دۇركىن-دۇركىن شاپالاق ءۇنى شارىقتادى.


پاناما كانالى-تىنىق مۇحيت پەن اتلانت مۇحيتقا باراتىن ماڭىزدى حالىقارالىق سۋ جولى. 1914-جىلى رەسىمي اشىلىپ، 1999-جىلى، پاناما تاسىمال ۇقىعىن ءوز يەلىگىنە العان بولاتىن. 2016-جىلى، كانالدى كەڭەيتىپ سالۋ قۇرىلىسى ءبىتتى.