لي كىچياڭ ا ق ش-تىق قوناقتارمەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-10 18:37:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 1-ايدىڭ 9-كۇنى تۇستەن كەيىن جۇڭنانحايدىڭ زىگۋاڭگى سارايىندا ا ق ش تەسلا سەرىكتىگىنىڭ باس اتقارۋشى ٴمانساپتىسى مۋسكيمەن كەزدەستى. لي كىچياڭ تەسىلانىڭ شاڭحايداعى زاۆودىنىڭ جۋىردا قۇرىلىسىن باستاعاندىعىن قۇتتىقتادى. ول بىلاي دەدى: بۇل جۇڭگونىڭ جاڭا ەنەرگيالى اۆتوكولىك سالاسىنىڭ قارجى جارنا سالىستىرماسىن شەتەلگە اشىق ۇستاعاننان كەيىنگى تۇڭعىش شەتەل ساۋداگەرلەرىنىڭ دەربەس قارجىلى نىسانى. تەسلا سەرىكتىگىنەن جۇڭگونىڭ رەفورما جاساپ، ەسىكتى اشىق ۇستاۋدى تەرەڭدەتۋدەگى اتسالسۋشىلارىنان جانە جۇڭگو-ا ق ش قاتىناسىنىڭ ورنىقتى دامۋىن جەبەۋشىلەردەن بولۋدى ٴۇمىت ەتەمىن. لي كىچياڭ جاڭا ەنەرگيالى اۆتوكولىك كاسىبىن دامىتۋ، جۇڭگو-شەتەل عىلىم-تەحنيكا جانە گۋمانيتارلىق سالادا جاڭالىق جاراتۋ سەلبەستىگى قاتارلى كەڭەس تاقىرىپتاردا ماسكيمەن ىشكەرىلەي اڭگىمەلەستى. ول مىنالاردى اتاپ كورسەتتى: جۇڭگو شەتەل ساۋداگەرلەرىنىڭ قارجى قوسۋداعى كوكەيتەستى جەرى بولا بەرەدى جانە ۇزاق ۋاقىت بولادى، ٴار ەل كاسىپورىندارىنىڭ جۇڭگوعا قارجى قوسۋ سەلبەستىگىن كەڭەيتۋىن قارسى الامىز.

 

ماسكي بىلاي دەدى: جۇڭگونىڭ دامۋ قارقىنى جانە ئس ٴبىتىرۋ ونىمدىلىگى باسقا ەلدەرگە تەرەڭ اسەر قالدىرۋدا، وسىنشاما قىسقا ۋاقىت ىشىندە اۆتوكولىك زاۆودىن قۇرۋدىڭ بارلىق تارتىپتەرىن ورىنداپ بولعاندىعى بىزگە توسىن سەزىلەدى. تەسلا شاڭحايداعى زاۆودىن دۇنيەدەگى ەڭ وزىق زاۆودتاردىڭ ٴبىرى ەتۋگە قۇلشىنادى سونىمەن بىرگە، جۇڭگو بازارىنىڭ قاجەتىنە نەگىزدەلىپ ونىمدەرىن جەرلىككە ۇيلەستىرىپ، ٴوزارا پايدا جەتكىزىپ، تەڭ يگىلىككە كەنەلۋدى ويداعىداي ىسكە اسىرادى.