ساۋدا ىستەر مينيسترلىگى: جۇڭگو مەن ا ق ش بەيجيڭدە شارۋاشىلىق ساۋدا ماسەلەسى جايلى ورىنباسار مينيستر دارەجەلى ڭەڭەسىن وتكىزدى،- دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-11 15:36:00


ٴوز حابارىمىز: 1 - ايدىڭ 7 - كۇنىنەن 9 - كۇنىنە دەيىن، جۇڭگو مەن ا ق ش بەيجيڭدە شارۋاشىلىق ساۋدا ماسەلەسى جايلى ورىنباسار مينيستر دارەجەلى كەڭەسىن وتكىزدى، ەكى جاق ەكى ەل باسشىلارىنىڭ ماڭىزدى ورتاق تانىمىن بەلسەندى تياناقتاندىرۋ جانە ورتاق نازار اۋدارىپ وتىرعان ساۋدا ماسەلەسى جانە قۇرىلىمدىق سيپاتتى ماسەلەلەر جايلى كەڭ كولەمدى، ىشكەرلەي جانە ەگجەي -تەگجەيلى اۋىس - كۇيىستە بولىپ، ٴوزارا تۇسىنىكتى ارتتىرىپ، ٴوزارا كوڭىل ٴبولىپ وتىرعان ماسەلەلەردى شەشۋگە بەرىك نەگىز قالادى. ەكى جاق جالعاستى قويۋ قارىم - قاتىناستا بولۋعا قوسىلدى.


ساۋدا ىستەر مينيسترلىگىنىڭ اقپارات مالىمدەمەشىسى گاۋ فىڭ 1 - ايدىڭ 10 - كۇنى تۇستەن بۇرىن اشىلعان داعدىلى اقپارات جاريالاۋ ماجىلىسىندە بىلاي دەدى: جۇڭگو مەن ا ق ش وسى رەتكى كەڭەستە ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرۋ، ورتاق كوڭىل ٴبولىپ وتىرعان ساۋدا ماسەلەسى مەن قۇرىلىمدىق سيپاتتى ماسەلەلەردە كەڭ كولەمدى، ىشكەرلەي جانە ەگجەي-تەگجەيلى اۋىس - كۇيىستە بولىپ، ٴوزارا تۇسىنىكتى ارتتىرىپ، ٴوزارا كوڭىل ٴبولىپ وتىرعان ماسەلەلەردى شەشۋدى جەبەدى. قۇرلىمدىق سيپاتتى ماسەلە وسى رەتكى كەڭەستىڭ ماڭىزدى مازمۇنى بولدى، ەكى جاقتىڭ وسى سالاداعى كەڭەسىندە ىلگەرلەۋشىلىك بولىپ، ٴوزارا تۇسىنىگى ارتىپ، ٴوزارا كوڭىل بولەتىن تۇيىندەرىن شەشۋگە بەرىك نەگىز قالادى.


كەڭەس جارىم كۇن ۇزارتىلىپ اياقتاعاندىعى جايلى گاۋ فىڭ بىلاي دەدى: كەڭەس ۋاقىتىنىڭ ۇزارۋى ەكى جاقتىڭ كەڭەسكە ۇستاعان پوزەتسياسىنىڭ قاتاڭ دا مۇقيات ٴارى بۇكپەسىز ەكەندىگىن تۇسىندىرەدى، ەكى جاق ەكى ەل باسشىلارىنىڭ ماڭىزدى ورتاق تانىمىن تياناقتاندىرۋعا قاراي قۇلشىنۋدا. ٴارقانداي ٴبىر كەلىسىمدى اتقارۋ مەحانيزىمى توتەنشە ماڭىزدى، ەكى جاق بورىشتارىن ادا ەتۋگە تيىستى. الدا ەكى جاق كەڭەس ۇيىرمەسىندەگىلەر ورتاق قۇلشىنىپ، جوسپار بويىنشا كەڭەستى جالعاستىرا بەرەدى.