شينجياڭنىڭ دەنساۋلىق ساقتاۋ قۇرىلىسى جاعىنداعى جەتىستىكتەر
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-11 17:18:00

 

    شينحۋا اگەنتتىگىنىڭ حابارى: ٴبىر جىلدا ٴبىر رەت تەگىن دەنساۋلىق تەكسەرۋ، ٴبىر كۇندە ٴبىر ۋاق تاماقپەن تەگىن قامداۋ، بالنيساعا جاتۋدا الدىمەن دياگنوز قويعاننان كەيىن اقىسىن تولەۋ مىنە وسىنداي كىشى-كىرىم حالىققا تيىمدى شارالار شينجياڭنىڭ دەنساۋلىق ساقتاۋ قۇرىلىسى اياق الىسىندا دەنساۋلىق ساقتاۋ جاعىنان تيىمدىلىك جاراتىپ قالماستان، ٴار ۇلت بۇقاراسىنىڭ تۇرمىسىن جاقسارتۋدى ٴبىر ارناعا توعىستىردى.

 

شينجياڭ 2018-جىلى جالعاسىنان 3 جىل جالپى حالىقتىڭ دەنساۋلىعىن تەكسەرۋ قىزمەتىن جولعا قويدى، وكپە تۋبەركۋلەزىن تەكسەرۋدىڭ كولەمىنە ەنگىزىپ، 65 جاستان اسقانداردان 15 جاستان اسقاندارعا دەيىن كەڭەيتتى جانە قانتتى نەسەپ، جوعارى قان قىسىم قاتارلى سوزىلمالى ناۋقاستارعا دەنساۋلىق ساقتاۋ جەتەكشىلىگى مەن كەڭەس بەرۋ قاتارلى نىسانداردى ورىستەتىپ، بۇقارانىڭ ناۋقاستى ەرتە بايقاۋىنا، ەرتە دياگنوز قويدىرۋىنا، ەرتە ەمدەلۋىنە كومەكتەسۋمەن قاتار، جالپى حالىقتىڭ دەنساۋلىعىن تەكسەرتۋدە ٴتىپتى دە حالىققا تيىمدىلىك جاراتىپ، نەگىزگى ساتىعا قىزمەت وتەي ٴبىلدى.

 

شينجياڭدا 2018-جىلى 17 ميلليون 492 مىڭ 300 ادام 3-رەتكى جالپى حالىقتىق دەنساۋلىق تەكسەرۋگە قاتىناسىپ، دەنساۋلىقتى تەكسەرۋگە قوسىلعان قارجى 406 ميلليارد 800 ميلليون يۋان بولدى. جالپى حالىقتىڭ دەنساۋلىعىن تەكسەرۋدىڭ ۇزدىكسىز ىشكەرىلەي ورىستەتىلۋىنە بايلانىستى، شينجياڭنىڭ نەگىزگى ساتى ەمدەۋ شارت-جاعدايى كورنەكتى جاقساردى. كەزەكتە شينجياڭنىڭ اۋىل، قالاشىقتارداعى دەنساۋلىق ساقتاۋ ورىندارى مەن دەنساۋلىق ساقتاۋ ۇيلەرىن ولشەمدەندىرۋ قۇرىلىس مولشەرى تۇگەلدەي %89 تەن اسىپ، نەگىزگى ساتى ەمدەۋ قۇرىلىمدارىنا DR، B تيىپتەگى اسىرە دىبىس تولقىنى، ەلەكتروكارديوگرامما، اۆتوماتتى بيو حيميالىق اناليز جاساۋ اسپابى قاتارلى تەكسەرۋ جابدىقتارى كوبەيتىلدى.

 

بۇقارانىڭ اۋرۋدان كەدەيلەسۋ، اۋرۋدان قايتالاي كەدەيلەسۋ سىندى قيىن ماسەلەلەرىن شەشۋ ٴۇشىن، جاقىنعى جىلداردان بەرى شينجياڭ دەنساۋلىق ساقتاۋ جاعىنان كەدەيلەردى سۇيەمەلدەۋدى بەلسەنە ورىستەتىپ، وڭتۇستىك شينجياڭداعى 22 كەدەي اۋداندا ارحيۆكە الىنىپ، كارتچكا بەرىلگەن كەدەي جان سانى مەن اۋىل قالاشىق تۇرعىندارىنىڭ زەينەتكەرلىك قامسىزداندىرۋىن، ەمدەۋ قامسىزداندىرۋىن بۇكىلدەي جالپىلاستىرۋدى بار كۇشپەن جەبەدى؛ ٴبىر توپ سالماقتى ناۋقاستار شوعىرلى ەمدەۋ، ٴبىر توپ سوزىلمالى ناۋقاستارمەن توقتامعا وتىرىپ قىزمەت وتەۋدى باسقارۋ، ٴبىر توپ سالماقتى ناۋقاستاردى ەڭ تومەنگى شەكتە قامتاماسىز ەتۋ قىزمەت تالابىن تياناقتاندىرىپ، دەنساۋلىق ساقتاۋ جاعىنان كەدەيلەردى سۇيەمەلدەۋدى ادامدارعا، ناۋقاستاردى دالمە-ٴدال سۇيەمەلدەۋگە دەيىن جالپىلاستىردى.

 

شينجياڭ ۇيعور اۆتونوميالى رايوندىق دامۋ جانە رەفورما كوميتەتىنىڭ تانستىرۋىنا قاراعاندا، 2018-جىلى جالپى حالىقتىڭ دەنساۋلىق قامتاماسىز ەتۋ ينجەنەرياسىن جەبەپ، ورتالىقتىڭ مەجە ەسەبىنەن بوساتىلعان 859 ميلليون يۋان قارجىنى تياناقتاندىرىپ، اۋدان دارەجەلى شيپاحانا، انا-بالالار دەنساۋلىعىن قامتاماسىز ەتۋ، الەۋمەتتىك دەنساۋلىق قىزمەت وتەۋ قۋاتىن جوعارىلاتۋ، جۇڭگوشا شيپاگەرلىككە مۇراگەرلىك ەتۋدە جاڭالىق جاراتۋ قاتارلى 69 نىسان قۇرىلىسىن جەبەپ، شينجياڭنىڭ اۋىل، قالاشىق ەمدەۋ دەنساۋلىق ساقتاۋ قىزمەت وتەۋ جۇيەسىن ۇزدىكسىز كەمەلدەندىردى.