شي جينپيڭ ىلگەرىندى ـ كەيىندى 6 ۇيىرمە ـ گرۋپپاعا بارىپ، حالىققا دەگەن تەرەڭ سۇيىسپەنشىلىگىن ايگىلەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-15 09:51:00

ءوز حابارىمىز. بيىلعى ەكى ماجىلىستە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىلگەرىندى ـ كەيىندى 6 ۇيىرمە ـ گرۋپپالارعا بارىپ، ۋاكىلدەر جانە مۇشەلەرمەن بۇكپەسىز اڭگىمەلەسىپ، مەملەكەت ءىسىن بىرگە اقىلداستى. شي جينپيڭنىڭ ءار رەتكى سوزىندە «حالىقتى وزەك ەتۋ» سىندى دامۋ يدەياسى باستان ـ اياق قامتىلىپ كەلەدى. ەندەشە تومەندە ءبىز شي جينپيڭنىڭ بيىلعى ەكى ءماجىلىس كەزىندە سويلەگەن ماڭىزدى ءسوزىن قايتادان وي ەلەگىنەن وتكىزىپ،باس شۋجيدىڭ حالىققا دەگەن تەرەڭ سۇيىسپەنشىلىگىن سەزىنەيىك.


3-ايدىڭ 4-كۇنى، تۇستەن كەيىن شي جينپيڭ ساياسي كەڭەس 13ـ كەزەكتى مەملەكەتتىك كوميتەتىنىڭ 2 ـ ماجىلىسىنە قاتىناسقان ادەبيەت ـ كوركەمونەر سالاسىنداعى، قوعامدىق عىلىمدار سالاسىنداعى مۇشەلەرگە امانداسا بارىپ، حالىقتى وزەك ەتۋگە، سارا تۋىندىلار ارقىلى حالىققا ۇلەس قوسۋعا تاباندى بولۋدى باسا دارىپتەدى. ول بىلاي دەپ اتاپ كورسەتتى: ادەبيەت- كوركەمونەر جاسامپازدىعى، فيلوسوفيا-قوعامدىق عىلىمداردى زەرتتەۋدە الدىمەن كىم ءۇشىن جاسامپازدىق جاراتۋ، كىم ءۇشىن ءسوز سويلەۋ ماسەلەسىن ايقىنداۋ كەرەك، بۇل ءتۇبىرلى ماسەلە.


شي جينپيڭ مىنالاردى اتاپ كورسەتتى: حالىق- جاسامپازدىقتىڭ قاينار بۇلاعى، حالىققا تامىر تارتقاندا عانا، جاسامپازدىق سارقىلماس قاينارعا يە بولادى. مادەنيەت، ادەبيەت ـ كوركەمونەر قىزمەتكەرلەرى امالياتقا ىشكەرىلەي ارالاسىپ، حالىق تۇرمىسىنا كوز جىبەرىپ، حالىقتىڭ جۇرەك ءۇنىن ءبىلدىرىپ، حالىقتى شىن نيەتىمەن، سۇيىسپەنشىلىگىمەن شەبەر بەينەلەۋى كەرەك. فيلوسوفيا، قوعامدىق عىلىم قىزمەتكەرلەرى ناق مايداندا كوبىرەك تەكسەرىپ-زەرتتەۋ جۇرگىزىپ، بۇقارانىڭ تۇرمىس جاعدايىن ۇعىسىپ، بۇقارانىڭ يدەيالىق نەگىزىن بەكەمدەپ، بۇقارانىڭ قاجەتىن كوزدە ۇستاي وتىرىپ، كۇدىك - كۇماننان ارىلتىپ، ءىستىڭ ءجونىن ءتۇسىندىرىپ، ءبىلىمدى بۇقارانىڭ كوكەيىنە ۇيالاتۋ كەرەك.


3-ايدىڭ 5-كۇنى تۇستەن كەيىن شي جينپيڭ ءوزى تۇرعان مەملەكەتتىك 13 ـ كەزەكتى حالىق قۇرىلتايىنىڭ 2 ـ ماجىلىسىندەگى ىشكى موڭعۇل ۋاكىلدەر ۇيىرمەسىنىڭ تالقىسىنا قاتىناسىپ، ەكولوگيالىق ورتانى قورعاۋ ماسەلەسىنە ءتۇيىندى تۇردە توقتالدى. ول مىنالاردى باسا دارىپتەدى: ىشكى موڭعۇلدىڭ ەكولوگيالىق جاعدايىنىڭ قانداي بولۋى تۇتاس رايونىمىزداعى ءار ۇلت بۇقاراسىنىڭ ءومىر ءسۇرۋى مەن دامۋىنا قاتىستى بولىپ قالماستان، سولتۇستىك جۇڭگو، شىعىس سولتۇستىك جۇڭگو، باتىس سولتۇستىك جۇڭگو، ءتىپتى بۇكىل ەلدىڭ ەكولوگيالىق حاۋىپسىزدىگىنە سايادى. ەكولوگيالىق وركەنيەت قۇرىلىسىن كۇشەيتۋدىڭ ستراتەگيالىق تاباندىلىعىن ساقتاپ، وتانىمىزدىڭ سولتۇستىك جيەگى سىندى كوركەم كورىنىستى ويداعىداي قورعاۋ كەرەك. ءسوز سوڭىندا شي جينپيڭ پارتيا مەن ۇكىمەت باستاماشىلدىقپەن ۇنەمشىل تۇرمىس كەشىرۋدى ەرەكشە دارىپتەدى.


شي جينپيڭ بىلاي دەدى : پارتيا مەن ۇكىمەتتىڭ باس بولىپ، تارتا تۇرمىس كەشىرۋدەگى ماقساتى بۇقارانى جاقسى تۇرمىسقا كەنەلتۋ، مۇنى پارتيامىزدىڭ ماقساتى مەن سيپاتى بەلگىلەگەن. ەلىمىز دامىپ قانداي ورەگە جەتسە دە، حالىق تۇرمىسى جاقسارسا دا، قاجىرلىلىقپەن كۇرەس جۇرگىزۋ، ۇقىپتى، ۇنەمشىل بولۋ يدەياسىن ماڭگى جوعالتۋعا بولمايدى. قاجىرلىلىقپەن كۇرەس جۇرگىزۋ، ۇقىپتى، ۇنەمشىل بولۋ- ءبىزدىڭ ساپارىمىز بەن دامۋىمىزدىڭ ماڭىزدى كەپىلى، سونداي ـ اق بۇرىنعىعا مۇراگەر، كەيىنگىگە بۇيداگەر بولىپ، تاعى دا شۇعىلالى ناتيجە جاراتۋىمىزدىڭ ماڭىزدى كەپىلى.


3-ايدىڭ 7-كۇنى، تۇستەن كەيىن شي جينپيڭ گانسۋ ۋاكىلدەر ۇيىرمەسىنىڭ تالقىسىنا قاتىناسقاندا، كەدەيلىكتەن قۇتىلدىرۋدان قامال الۋ قىزمەتىن ارقاۋ ەتىپ، ايقىن تالاپتار قويدى. ول مىنالاردى باسا دارىپتەدى: بۇكىلدەي كەدەيلىك ماسەلەسىن كۇش ـ قۋاتتى شوعىرلاندىرا وتىرىپ شەشىپ، كەدەي ەمەس اۋدان-قىستاقتارداعى كەدەيلەردى قولداۋ تەبىنىن ارتتىرۋ؛ كەدەيلەردى سۇيەمەلدەۋدى ەرىك ـ جىگەر مەن اقىل ـ پاراسات جاعىنان سۇيەمەلدەۋدى ءوزارا ۇشتاستىرىپ، قايتا كەدەيلەسكەندەر مەن جاڭادان جارىققا شىققان كەدەيلەردى دەر كەزىندە سۇيەمەلدەۋ كەرەك.


شي جينپيڭ مىنالاردى باسا دارىپتەدى: كەدەي اۋدانداردىڭ كەدەيلىك قالپاعىن الىپ تاستاعاننان كەيىن دەرەۋ شارالاردى كۇشىنەن قالدىرۋعا، تابانسىزدىق ىستەۋگە،جايبىراقاتتانۋعا بولمايدى. كەدەيلىكتەن قۇتىلدىرۋ ماسەلەسىن ۇزدىكسىز ورىنداپ، كەدەيلىك قالپاعىن الىپ تاستاعانمەن ساياساتتى، كومەكتەسۋ ـ سۇيەمەلدەۋدى، باقىلاۋ ـ باسقارۋدى جالعاستى ۇزبەي اتقارۋ كەرەك.


3-ايدىڭ 8-كۇنى تۇستەن بۇرىن شي جينپيڭ حىنان ۋاكىلدەر ۇيىرمەسىنىڭ تالقىسىنا قاتىناستى. سول كۇنى 8 ـ ناۋرىز حالىقارالىق ەڭبەكشى ايەلدەر مەرەكەسى بايلانىسىمەن، باس شۋجي قالىڭ ايەل باۋىرلاستارعا ارنايى ىزگى تىلەك ءبىلدىردى.


وسىدان كەيىنگى سوزىندە شي جينپيڭ نەگىزگى تاقىرىپتى اۋىل ـ قىستاقتى گۇلدەندىرۋ ستراتەگياسىن اتقارىپ، اۋىل شارۋاشىلىعى، اۋىل ـ قىستاق، شارۋالار قىزمەتىن جاقسى ىستەۋگە ويىستىردى. ناق مايدانداعى كەيبىر ۋاكىلدەر «شارۋالاردىڭ سەگىز ارمانى» جونىندە توقتالدى، شي جينپيڭ بىلاي دەپ جاۋاپ قايتاردى: مەن ۇنەمى كەيبىر كەدەي وڭىرلەرگە، اۋىل ـ قىستاقتارعا بارامىن، سوندا مەن سىزدەرگە تاعى نە قاجەت؟ دەپ سۇرايمىن. بۇگىنگى ايتقاندارىڭىز ءدال قالىڭ ديقان جولداستاردىڭ باقىتتى تۇرمىسقا دەگەن تالپىنىسى بولدى. كەيبىرەۋلەرىن ورىنداپ بولدىق، كەيبىرەۋلەرىن ءالى دە ورىنداۋ ۇستىندەمىز، كەيبىرەۋلەرىن كەلەسى قادامدا ىستەۋدى جوسپارلادىق. ءبىزدىڭ نەگىزگى ماقساتىمىز - حالىق ءۇشىن قىزمەت ىستەۋ، حالىق بۇقاراسىنىڭ باقىتتى تۇرمىسقا دەگەن تالپىنىسىن ارقاۋ ەتە امالياتتان وتكىزۋ، ءبىزدىڭ بۇل اماليات بارىسىمىز نىق قاداممەن العا باسۋ.


3-ايدىڭ 10-كۇنى تۇستەن كەيىن شي جينپيڭ فۋجيان ۋاكىلدەر ۇيىرمەسىنىڭ تالقىسىنا قاتىناسقاندا، فۋجيان ولكەسىنىڭ تاماشا دامۋ ورتاسىن جاراتۋ جاعىندا تاعى دا تاماشا ناتيجە جاراتىپ، ەكى جاعالاۋدىڭ توعىسپالى دامۋىن ىلگەرىلەتۋدە ۇلگى كورسەتۋىن ءۇمىت ەتتى.


شي جينپيڭ بىلاي دەدى: ەكى جاعالاۋدىڭ اۋىس ـ كۇيىسىن، سەلبەستىگىن كۇشەيتىپ، مادەنيەت اۋىس ـ كۇيىس سەرپىنىن ارتتىرىپ، تايۋاندىق باۋىرلاستارمەن ءتىل تابىسىپ، تايۋاندىق باۋىرلاستاردىڭ ۇلت، مەملەكەت جونىندەگى تانىمى مەن سۇيىسپەنشىلىگىن نىعايتۋ كەرەك. تايۋان قىزمەتى بارىسىندا حالىقتى وزەك ەتكەن دامۋ يدەياسىن ويداعىداي دايەكتىلەندىرىپ، تايۋاندىق باۋىرلاستارعا بىردەي مامىلە جاساپ، بەينە ۇلى قۇرلىقتاعى بۇقارا ءۇشىن قىزمەت ەتكەندەي تايۋاندىق باۋىرلاستارعا باقىت جاراتۋ كەرەك.


شي جينپيڭ تاعى دا بايىرعى توڭكەرىستىك رايونداردىڭ، ورتالىق سوۆەت رايوندارىنىڭ كەدەيلىكتەن قۇتىلىپ، دوڭگەلەك داۋلەتتى ورەگە جەتۋ قىزمەتىن ويداعىداي ىستەۋ كەرەكتىگىن باسا دارىپتەدى. ول بىلاي دەدى: بيىل جاڭا جۇڭگو قۇرىلعاندىعىنىڭ 70 جىلدىعى، سۋ ىشكەندە قاينارىن ۇمىتپا دەمەكشى، بايىرعى رايونداعى سوۆەت رايونىنداعى حالىقتى استە ۇمىتپاۋىمىز قاجەت. ەگجەي ـ تەگجەيلى تەكسەرىپ، قىزمەتتى مىقتى يگەرىپ، بايىرعى توڭكەرىستىك رايون مەن سوۆەت رايونىنىڭ جاپپاي دوڭگەلەك داۋلەتتى قوعام قۇرۋ بارىسىندا بىردەـ ءبىرىنىڭ قاتاردان قالماۋىنا كەپىلدىك ەتۋ كەرەك.


3-ايدىڭ 12-كۇنى تۇستەن كەيىن شي جينپيڭ ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناستى، ول ارميا مەن ۇكىمەتتىڭ، ارميا مەن حالىقتىڭ ىنتىماعى ماسەلەسىن باسا دارىپتەدى.


شي جينپيڭ بىلاي دەدى: ارميا جەرگىلىكتى ورىننىڭ ەكونوميكالىق، قوعامدىق دامۋىنا جانە ەكولوگيالىق وركەنيەت قۇرىلىسىنا بەلسەنە كومەكتەسىپ، قاتەردەن اراشالاۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەردى باتىلدىقپەن ارقالاپ، كەدەي قىستاقتارعا، كەدەي بۇقاراعا باعىتتامالى كومەكتەسۋ قىزمەتىن جاقسى ىستەۋى كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى مەن ارميا قۇرىلىسىن قولداپ، قوسىننان شەگىنگەن اسكەريلەردى ورنالاستىرۋ، جارالانعان، ناۋقاستانعان، مۇگەدەك اسكەريلەرگە ءمان بەرۋ، ارميامەن بىرگە وتباسىنداعىلاردى جۇمىسقا ورنالاستىرۋ، اسكەريلەردىڭ بالالارىنىڭ وقۋعا ءتۇسۋى سياقتى قىزمەتتەردى ويداعىداي ىستەپ، ارميانىڭ اقىلى قىزمەت وتەۋىن جاپپاي توقتاتۋ قىزمەتىنە سايكەسىپ، ارميانى قۇدىرەتتەندىرۋ ىستەرىن بىرگە العا ىلگەرىلەتۋى كەرەك.