مەملەكەتتىك 13 - كەزەكتى حالىق قۇرىلتايى 2 - ءماجىلىسىنىڭ ءتورالقاسى 3 - ءماجىلىسىن وتكىزدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-15 09:54:00

ءوز حابارىمىز. مەملەكەتتىك 13 - كەزەكتى حالىق قۇرىلتايى 2 - ءماجىلىسىنىڭ ءتورالقاسى 3-ايدىڭ 14-كۇنى تۇستەن بۇرىن حالىق سارايىندا 3 - ءماجىلىسىن وتكىزدى.ءتورالقانىڭ تۇراقتى ءتوراعاسى لي جانشۋ ءماجىلىستى باسقاردى.


ۋاكىلدەر ۇيىرمەلەرى 3-ايدىڭ 12-كۇنى تۇستەن كەيىن شەتەل ساۋداگەرلەرى قارجى قوسۋ زاڭى جوباسىنىڭ وزگەرىس ەنگىزىلگەن نۇسقاسىن مۇقيات قارادى. مەملەكەتتىك حالىق قۇرىلتايىنىڭ نەگىزگى زاڭى مەن زاڭ كوميتەتى ۋاكىلدەر ۇيىرمەلەرىنىڭ قاراۋ پىكىرىنە ساي، بۇل جوبانى قاراپ شىعىپ، جوبانىڭ داۋىسقا سالۋ نۇسقاسىن العا قويدى. ءتورالقا ماجىلىسىندە مەملەكەتتىك حالىق قۇرىلتايىنىڭ نەگىزگى زاڭ مەن زاڭ كوميتەتىنىڭ مەڭگەرۋشىسى لي في جاساعان مەملەكەتتىك حالىق قۇرىلتايىنىڭ نەگىزگى زاڭ مەن زاڭ كوميتەتىنىڭ شەتەل ساۋداگەرلەرى قارجى قوسۋ زاڭى جوباسىنىڭ وزگەرىس ەنگىزىلگەن نۇسقاسىنا وزگەرىس ەنگىزۋ پىكىرى جونىندەگى بايانداماسى تىڭدالدى. ءماجىلىس داۋىسقا سالۋ ارقىلى نەگىزگى زاڭ مەن زاڭ كوميتەتىنىڭ شەتەل ساۋداگەرلەرى قارجى قوسۋ زاڭى جوباسىنىڭ وزگەرىس ەنگىزىلگەن نۇسقاسىنا وزگەرىس ەنگىزۋ پىكىرى جونىندەگى بايانداماسىن جانە شەتەل ساۋداگەرلەرى قارجى قوسۋ زاڭى جوباسىنىڭ داۋىسقا سالۋ نۇسقاسىن ماقۇلداپ، جوبا ۇسىنىسىن داۋىسقا سالۋ نۇسقاسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.


ۋاكىلدەر ۇيىرمەلەرى 3-ايدىڭ 9-كۇنى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن مۇقيات قارادى. ۋاكىلدەر بۇل باياندامانى قۇپتايتىندىعىن ءبىر اۋىزدان ءبىلدىردى، ۋاكىلدەر ورتاعا قويعان پىكىرلەر مەن ۇسىنىستارعا ساي، باياندامادا 9 جەردە وزگەرىس ەنگىزىلدى. ءتورالقانىڭ تۇراقتى ءتوراعاسى تۇراقتى كوميتەتتىڭ وزگەرىس ەنگىزىلگەننەن كەيىنگى قىزمەت بايانداماسىن بەكىتۋدى ۇسىنىس ەتتى ءارى تۇراقتى كوميتەتتىڭ قىزمەت بايانداماسى جونىندەگى قاۋلى جوبانى دايىندادى. ءماجىلىس داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 2 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلى جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.


ۋاكىلدەر ۇيىرمەلەرى 3-ايدىڭ 12-كۇنى تۇستەن كەيىن جانە 3-ايدىڭ 13-كۇنى ەڭ جوعارى حالىق سوتىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات قارادى. ۋاكىلدەر ەڭ جوعارى حالىق سوتىنىڭ، ەڭ جوعارى حالىق پروكۋراتۋراسىنىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2019 ـ جىلعى قىزمەت ورنالاستىرۋلارىن قۇپتايتىندىعىن ءبىلدىردى، ۋاكىلدەر ۇيىرمەلەرى ەڭ جوعارى حالىق سوتىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋگە ءبىر اۋىزدان قوسىلدى. قاراۋ بارىسىندا ۋاكىلدەر دە كەيبىر پىكىرلەر مەن ۇسىنىستاردى ورتاعا قويدى. ەڭ جوعارى حالىق سوتى، ەڭ جوعارى حالىق پروكۋراتۋراسى ۋاكىلدەردىڭ قاراۋ پىكىرىنە ساي، بايانداماعا مۇقيات وزگەرىس ەنگىزدى، ءتورالقانىڭ تۇراقتى ءتوراعاسى ۋاكىلدەر ۇيىرمەلەرىنىڭ قاراۋ پىكىرى مەن بايانداماسىنا وزگەرىس ەنگىزۋ احۋالىنا ساي، ەڭ جوعارى حالىق سوتىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بەكىتۋدى ۇسىنىس ەتتى ءارى ەڭ جوعارى حالىق سوتىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن جاساۋ جونىندەگى ەكى قاۋلى جوبانى دايىندادى. ءماجىلىس داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 2 - ءماجىلىسىنىڭ ەڭ جوعارى حالىق سوتىنىڭ قىزمەت بايانداماسى جونىندەگى قاۋلى جوباسىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلى جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.


ماجىلىستە ءماجىلىستىڭ ورىنباسار باس حاتشىسى شين چۇنيىڭ جاساعان ءماجىلىس حاتشىلار باسقارماسىنىڭ مەملەكەتتىك 13 ـ كەزەكتى حالىق قۇرىلتايى 2 ـ ماجىلىسىندە ۋاكىلدەر ورتاعا قويعان كەڭەس جوبالاردى ءبىر جاقتى ەتۋ پىكىرى جونىندەگى بايانداماسى تىڭدالدى. شين چۇنيىڭ بىلاي دەدى: 3-ايدىڭ 11-كۇنى ساعات 12 گە دەيىن، ءماجىلىستىڭ حاتشىلار باسقارماسى ۋاكىلدەردىڭ ۇسىنعان كەڭەس جوبالارىنان 491 ىن تاپسىرىپ الىپ، بىلتىرعىدان % 51 ارتتى. مۇنىڭ 487 ى زاڭ شىعارۋعا قاتىستى، 4 ى باقىلاۋعا قاتىستى، 14 ى ۋاكىلدەر ۇيىرمەسى ورتاعا قويعان، 477 ى ۋاكىلدەر بىرلەسىپ ورتاعا قويعان. كەڭەس جوبانىڭ مازمۇنى نەگىزىنەن مىنا بىرنەشە جاققا شوعىرلانعان: ءبىرىنشى، رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتىپ، جوعارى ساپالى دامۋدى ىلگەرىلەتۋ ؛ ەكىنشى، حالىق تۇرمىسىن قامتاماسىزداندىرىپ جانە جاقسارتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ ؛ ءۇشىنشى، ەكولوگيالىق وركەنيەت قۇرىلىسى مەن جاسىل دامۋدى ىلگەرىلەتۋ ؛ ءتورتىنشى، مەملەكەتتىڭ حاۋىپسىزدىگىن قورعاپ، قوعامدى جونگە سالۋدا جاڭالىق اشۋ ؛ بەسىنشى، مادەنيەت ىستەرى مەن مادەنيەت شارۋاشىلىعىن دامىتۋ. ءماجىلىستىڭ حاتشىلار باسقارماسى ۋاكىلدەردىڭ قويعان كەڭەس جوبالارىنا ءبىر - بىرلەپ مۇقيات تالداۋ جاساپ، زەرتتەۋ جۇرگىزىپ، وسى رەتكى ءماجىلىستىڭ قاراۋىنا ەنگىزۋگە ءتيىستى كەڭەس جوبالار جوق دەپ قارادى. ءماجىلىستىڭ حاتشىلار باسقارماسى ۋاكىلدەردىڭ قويعان ۇسىنىس جوبالارىن جەكە - جەكە مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرۋدى ۇسىنىس ەتتى. قاتىستى ارناۋلى كوميتەتتەر جوعارىداعى ۇسىنىس جوبالاردى قاراعاننان كەيىن، مەملەكەتتىك حالىق قۇرىلتايىنىڭ تۇراقتى كوميتەتىنە قاراۋ ناتيجەسى جونىندە بايانداما ۇسىنادى، مەملەكەتتىك حالىق قۇرىلتايىنىڭ تۇراقتى كوميتەتى قاراپ ماقۇلداعاننان كەيىن، مەملەكەتتىك 13 - كەزەكتى حالىق قۇرىلتايىنىڭ 3 - ماجىلىسىنە باسىپ تاراتادى. ءماجىلىستىڭ حاتشىلار باسقارماسى ۋاكىلدەردىڭ كەڭەس جوبالارىن قاراۋ جانە قاتىستى قىزمەتتەر جونىندە مىناداي ۇسىنىستار قويدى: ۋاكىلدەردىڭ كەڭەس جوبالارىن قاراۋ قىزمەت مەحانيزمىن كەمەلدەندىرىپ، ۋاكىلدەردىڭ كەڭەس جوبالارىن قاراۋ ساپاسىن جوعارىلاتۋ ؛ ءتۇيىندى سالالاردا زاڭ شىعارۋدى بەلسەنە ىلگەرىلەتىپ، زاڭ شىعارۋ، وزگەرىس ەنگىزۋ، كۇشىنەن قالدىرۋ، تۇسىنىك بەرۋدى قاتار جۇرگىزۋگە تاباندى بولىپ، زاڭ شىعارۋ قىزمەتىنىڭ ساپاسى مەن ونىمدىلىگىن ۇزدىكسىز جوعارىلاتۋ ؛ ۋاكىلدەردىڭ كەڭەس جوبالارىن قاراۋدى ۋاكىلدەر جانە حالىق بۇقاراسىمەن بولعان بايلانىستى كۇشەيتۋمەن ۇشتاستىرىپ، حالىقتىڭ ۇندەۋىن جۇزەگە اسىرۋ كەرەك.


ءماجىلىس داۋىسقا سالۋ ارقىلى ءماجىلىس حاتشىلار باسقارماسىنىڭ مەملەكەتتىك 13 ـ كەزەكتى حالىق قۇرىلتايى 2 ـ ماجىلىسىندە ۋاكىلدەر ورتاعا قويعان كەڭەس جوبالاردى ءبىر جاقتى ەتۋ پىكىرى جونىندەگى بايانداماسىن ماقۇلدادى.