ايبىندى 70 جىلدىق كۇرەستىڭ جاڭا ٴداۋىرى _ _ ەسكەرتكىش تاس بەيجيڭگە كەلدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-04-15 09:12:00

 

    < ايبىندى 70 جىلدىق كۇرەستىڭ جاڭا ٴداۋىرى > اتتى كولەمدى تاقىرىپتىق حابارىمىزدىڭ بۇگىنگى بەرىلىمىندە: < ەسكەرتكىش تاس بەيجيڭگە كەلدى > اتتى مازمۇندى تىڭدايسىزدار!

 

حالىق قاھارماندار ەسكەرتكىشىنىڭ جالپى بيىكتىگى 37.94 مەتر، وڭ بەتىنىڭ ۇزىندىعى 14.7 مەتر، ەنى 2.9 مەتر، قالىڭدىعى ٴبىر مەتر، اۋىرلىعى 60.23 توننا. بۇل بارلىق جۇڭگولىقتاردىڭ كوڭىلىندە ەڭ تانىس ٴارى ەڭ ۇلى ەسكەرتكىش سانالادى. الايدا، كوپتەگەن ادامدار چيڭداۋداعى فۋشان تاۋىنان كەلگەن وسى ەسكەرتكىش تاس كەزىندە جاپالى تاسىمال بارىسىن باستان كەشىرىپ، جۇڭگو تەمىر جول تاسىمالىنىڭ تاريحي سەكىرۋىنە كۋا بولعاندىعىن بىلە بەرمەيدى.

 

66 جىلدىڭ الدىندا ياعني 1953 - جىلى 8 - ايدا، جينان تەمىر جول مەكەمەسى ورنالاستىرۋ ٴبولىمىنىڭ باستىعى بولعان يۋان شيڭلۋ ەسكەرتكىش تاستى بەيجيڭگە جەتكىزۋ بۇيرىعىن تاپسىرىپ الادى.

 

ول كەزدە جينان تەمىر جول مەكەمەسىنىڭ اۆتوكولىگىنىڭ جۇك كوتەرىمدىلىگى ەڭ كوپ بولعاندا 60 توننادان اسپايتىن ەدى، بۇكىل جۇڭگودان 100 توننادان ارتىق جۇك تيەيتىن اۆتوموبيل تۇلعاسى تابىلمايدى. ەسكەرتكىش تاس سوڭىندا بۋدى قوزعاۋشى كۇش ەتكەن پاراۆوز ارقىلى شىعىس سولتۇستىك جۇڭگونى اينالىپ بەيجيڭگە قاراي جول الادى.

 

پويەز جينانعا تاياپ قالعان كەزدە ويلاماعان جاعداي تۋىلادى، ويتكەنى جينان بەكەتىنىڭ شىعىس جاق كومەيىندەگى اسپالى كوپىر وتە تار بولعاندىقتان پويەز بۇرىلا المايدى. سوڭىندا تۇندەلەتىپ ٴبىر تەمىر جول جوندەلىپ، جينان بەكەتىنەن اينالىپ ٴوتىپ، سولتۇستىككە قاراي جول الادى.

 

ەسكەرتكىش تاس تيەلگەن پويىز ەڭ سوڭىندا 17 كۇندىك تاسىمال ارقىلى 1953 - جىلى 10 - ايدىڭ 13 - كۇنى اقىرى بەيجيڭگە جەتەدى.

 

يۋان شيڭلۋ كەزىندە قىزمەت ىستەگەن جينان تەمىر جول مەكەمەسى قازىر جۇڭگو تەمىر جول جينان مەكەمەسى توبى شەكتى سەرىكتەستىگىنە وزگەرتىلگەن. سول جىلدارى تاسىعان ەسكەرتكىش تاس تۋرالى ٴسوز بولعاندا، زات تاسىمالى مينيسترلىگىنىڭ حاۋىپسىزدىك تەحنيكاسى ٴبولىمىنىڭ باستىعى ۋاڭ شىڭجۇڭ اسەرلەنە بىلاي دەيدى: بۇگىنگى تاسىمال قۋاتى جونىنەن العاندا، بۇل ەسكەرتكىش ٴبىر كۇندە - اق بيجيڭگە جەتكىزىلەتىن ەدى، قازىر 120 توننالىق جۇك تيەگەن كولىكپەن وسى ٴىستى بتىرۋگە بولادى.