لي جانشۋ نورۆەگيادا رەسىمي دوستىق ساپاردا بولدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-19 11:11:00

 

    ٴوز حابارىمىز: نورۆەگيانىڭ پارلامەنت باستىعى تروننىڭ ۇسىنىسىمەن مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5-ايدىڭ 15-كۇنىنەن 18-كۇنىنە دەيىن نورۆەگيادا رەسمي دوستىق ساپاردا بولدى، وسلو قالاسىندا نورۆەگيانىڭ 5-ۇرپاق پاتشاسى حالار، باس ٴۋازىرى سوربەگ جانە پارلامەنت باستىعى ترونمەن كەڭەستى.

 

5-ۇرپاق پاتشا حالارمەن كەزدەسكەندە لي جانشۋ الدىمەن ٴتوراعا شي جينپيڭنىڭ ىقىلاستى سالەمىن جەتكىزدىٴارى نورۆەگيانىڭ مەملەكەت مەرەكەسى كۇنىن قىزۋ قۇتتىقتاي كەلە بىلاي دەدى: بيىل جۇڭگو مەن نورۆەگيانىڭ ديپلوماتيالىق قاتىناس ورناتقاندىعىنىڭ 65 جىلدىعى. ەكى جاقتىڭ وسىنى وراي ەتىپٴوزارا قۇرمەت ەتۋ، تەڭ مامىلە جاساۋ نەگىزىندە دوستىقتى بەكەمدەپ، سەلبەستىكتى ارتتىرىپ، ەكى ەل قاتىناسىنىڭ اناعۇرلىم جاقسى دامۋىن جەبەۋدى ٴۇمىت ەتەمىن. 5-ۇرپاق پاتشا حالار بىلاي دەدى: ٴتوراعا شي جينپيڭ مەن جۇڭگو حالقىنىڭ نورۆەگياعا بولعان دوستىعىنا العىس ايتامىن.نورۆەگيا قىسقى سپورت سياقتى سالالاردا جۇڭگومەن سەلبەستىكتى كۇشەيتىپ، جۇڭگونىڭ 2022 ـ جىلعى قىسقى وليمپيادا سپورت جارىسىن ٴساتتى وتكىزۋىنە دەم بەردى.

 

سوربەگپەن كەزدەسكەندە لي جانشۋ بىلاي دەدى: نورۆەگيانىڭ «ٴبىر بەلدەۋ، ٴبىر جول» قۇرىلىسىنا بەلسەنە ات سالىسۋىن قارسى الامىز، ەۆروپا-ازيا قۇرىلىقتارىنىڭ ٴوزارا بايلانىسىن جەبەپ، ەكى جاقتىڭ ەكونوميكا ـ ساۋدا، قورشاعان ورتانى قورعاۋ، عىلىم ـ تەحنيكا، گۋمانيتارلىق، ساياحات سياقتى سالالارداعى سەلبەستىكتى كۇشەيتۋىن ٴۇمىت ەتەمىن. جۇڭگو كاسىپورىندارىنىڭ قارجى قوسىپ، جۇمىس جۇرگىزۋىنە نورۆەگيانىڭ ٴادىل، كەمسىتۋ بولماعان ساۋدا ورتاسىن ازىرلەۋىن ٴۇمىت ەتەمىن. سوربەگ بىلاي دەدى: جۇڭگو حالىقارالىق ىستەردە ماڭىزدى رول اتقارۋدا، نورۆەگيا جۇڭگومەن ب م ۇ، كليمات وزگەرىسىنە توتەپ بەرۋ، سولتۇستىك ۇيەك ىستەرى سياقتى جاقتارداعى قارىم ـ قاتىناس پەن سەلبەستىكتى جيىلەتەدى.

 

ترونمەن كەڭەس وتكىزگەندە ٴارى نورۆەگيانىڭ ديپلوماتيا جانە قورعانىس ىستەر كوميتەتىنىڭ مۇشەلەرىمەن توپتىق كەزدەسكەندە لي جانشۋ جۇڭگونىڭ دامۋ جولىن، ساياسي ٴتۇزىمىن تانىستىرا كەلىپ بىلاي دەدى: جۇڭگو دامۋدا ۇزدىكسىز تىڭ تابىستارعا قول جەتكىزۋدە، ۇيتكەنى ٴبىز ٴوز ەلىمىزدىڭ جاعدايىنا ۇيلەسەتىن دامۋ جولىن تاپتىق، مىنە بۇل جۇڭگوشا سوتسياليزم جولى، جۇڭگو حالقى وسى جولدان اۋىتقىماي جۇرە بەرەدى. جۇڭگونىڭ مەملەكەتتىك حالىق قۇرىلتايى نورۆەگيا پارلامەنتىمەن بىرلىكتە ەكى ەل باسشىلارى كەلىسكەن ماڭىزدى ورتاق تانىمدى تياناقتاندىرۋدى نەگىزگى جەلى ەتىپ، ٴار ساتىداعىلاردىڭ دوستىق بارىس-كەلىسىن قويۋلاتىپ، بۇكپەسىز سۇحباتتاسۋ ارقىلى تۇسىنىستىك پەن سەنىمدىلىكتى ارتتىرىپ، ناقتى سەلبەستىككە تاماشا ورتا ازىرلەيدى. ترون بىلاي دەدى: نورۆەگيا پارلامەنتى جۇڭگو مەملەكەتتىك حالىق قۇرىلتايىمەن جان ـ جاقتى اۋىس ـ كۇيىس، سەلبەستىك ورىستەتىپ، مەملەكەتتەر قاتىناسىنىڭ دامۋىنا بەلسەندى ۇلەستەر قوسۋدى قالايدى. ەكى جاق تاعى كوپ جاقتى ساۋدا جۇيەسىن بىرلىكتە قورعاۋ، باياندى دامۋ جانە باسقادا ورتاق كوڭىل بولەتىن ماسەلەلەر جونىندە پىكىر اۋىستىردى.

 

لي جانشۋ جۇڭگو مەن نورۆەگيا ديپلوماتيالىق قاتىناس ورناتقاندىعىنىڭ 65 جىلدىعىن قۇتتىقتاۋعا ارنالعان ەكونوميكا ـ ساۋدا اڭگىمە ماجىلىسىنە قاتىناستى ٴارى ٴسوز سويلەپ مىنالاردى اتاپ كورسەتتى: ٴتوراعا شي جينپيڭ «ٴبىر بەلدەۋ، ٴبىر جولدى» جوعارى ساپادا بىرلەسىپ قۇرۋ جانە جۇڭگونى بارىنشا اشىق ۇستاۋداي ساياسات قۋاتتاماسىن ورتاعا قويىپ، ٴارقايسى ەلدەردىڭ ورتاق دامۋىنا جاڭا وراي جاراتتى. ەكى ەل كاسىپورىندارىنىڭ ورايدى مىقتى يگەرىپ، كومەسكى كۇشتى قازبالاپ، سەلبەسۋ تىلەگىن ٴتىپتى دە كوپ ناقتى تابىسقا اينالدىرۋىن ٴۇمىت ەتەمىن.