قىرعىزستان اقپارات قۇرالدارى ٴتوراعا شي جينپيڭنىڭ ساپارىنا نازار اۋدارىپ : بۇل ەكى ەلدىڭ سەلبەستىگىن اناعۇرلىم جوعارى دەڭگەيگە كوتەرەدى،-دەپ قارادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-12 09:51:00

 

    جۇڭگو حالىقارالىق راديو ستانسياسىنىڭ حابارى: جۇڭگونىڭ مەملەكەت ٴتوراعاسى شي جينپيڭ 6-ايدىڭ 12-كۇنىنەن باستاپ قىرعىزستان رەسپۋبليكاسىندا مەملەكەتتىك ساپاردا بولدى ٴارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 – ماجىلىسىنە قاتىناستى. قىرعىزستان اقپارات قۇرالدارى ٴتوراعا شي جينپيڭنىڭ ساپارىنا ايرىقشا نازار اۋدارىپ، وسى رەتكى ساپار مول تابىستارعا قول جەتكىزىپ، ەكى ەلدىڭ سەلبەستىگىن اناعۇرلىم جوعارى دەڭگەيگە كوتەرەدى دەپ قارادى.

 

قىرعىزستان تاۋلىكتىك اقپارات اگەنتتىگى: ٴتوراعا شي جينپيڭنىڭ وسى رەتكى ساپارى مول تابىسقا قول جەتكىزەدى دەپ حابارلادى. حاباردا مىنالار اتاپ كورسەتىلدى : قىرعىزستان مەن جۇڭگو اراسىنداعى ساياسي ىقپالداستىق ۇزدىكسىز كۇشەيىپ كەلەدى، ٴتوراعا شي جينپيڭنىڭ ساپارى كەزىندە ەكى جاق ٴبىر قىدىرۋ ماڭىزدى حۇجاتتارعا قول قويىپ، ەكى ەلدىڭ ەكى جاقتى سەلبەستىگىن جاپپاي تەرەڭدەتۋدى جوسپارلاپ وتىر.

 

قىرعىزستاننىڭ «حابار» مەملەكەتتىك اگەنتتىگى: ٴتوراعا شي جينپيڭنىڭ ساپارلاي كەلۋى جانە شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 ـ ماجىلىسىنە قاتىناسۋى وسى ايداعى ەڭ ماڭىزدى ىستەردىڭ ٴبىرى بولىپ، ەكى ەلدىڭ سەلبەستىگىن اناعۇرلىم جوعارى دەڭگەيگە كوتەرەدى،-دەپ حابارلادى.

 

قىرعىزستان پىرەزيدەنت كەڭسەسى سىرتقى ىستەر ساياسات تاراۋىنىڭ جاۋاپتىسى دانيار سادىقوۆ بىلاي دەپ اتاپ كورسەتتى: ەكى ەل قاتىناسى تاريحىندا قىرعىزستان مەن جۇڭگونىڭ قاتىناسى باستان-اياق جوعارى دەڭگەيدە بولىپ كەلەدى. قازىر ەكى جاق سەلبەستىكتى اناعۇرلىم جوعارى ورەگە كوتەرۋدى جوسپارلاپ وتىر. كوپ جىلدان بەرى جۇڭگو قىرعىزستاننىڭ ماڭىزدى ساۋدا جانە قارجى قوسۋ سەرىگى بولىپ كەلدى.