باس شۋجي شي جينپيڭنىڭ پارتيا مەن مەملەكەت قۇرىلىمدارى رەفورماسىن ىشكەرىلەتۋ قورىتىندى ماجىلىسىندە سويلەگەن ماڭىزدى ٴسوزى كۇشتى اڭىس قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-10 15:29:00

 

    ءوز حابارىمىز: بىرنەشە كۇننەن بەرى، قالىڭ پارتيالى كادرلار باس شۋجي شي جينپيڭنىڭ پارتيا مەن مەملەكەت قۇرىلىمدارى رەفورماسىن ىشكەرىلەتۋ قورىتىندى ماجىلىسىندە سويلەگەن ماڭىزدى ٴسوزىن جابال تالقىلادى . كوپشىلىك پارتيا مەن مەملەكەت قۇرىلىمدارى رەفورماسىنىڭ كەلەلى تابىستارىن، مەملەكەت باسقارۋ جۇيەسى مەن باسقارۋ قابىلەتىن وسىزامانداندىرۋداعى تەرەڭ وزگەرىستەردى، جۇڭگوشا سوتسياليستىك ٴتۇزىمنىڭ اناعۇرلىم كەمەلدەنە تۇسكەندىگىن تولىق سەزىنگەندىكتەرىن ايتتى.


    پارتيا مەن مەملەكەت قۇرىلىمدارى رەفورماسىن ىشكەرىلەتۋ - پارتيا 19 ـ قۇرىلتايىنىڭ شەشىمدەرى مەن ورنالاستىرۋلارىن دايەكتى تياناقتاندىرۋداعى ماڭىزدى شارا؛ رەفورمانى جالپى بەتتىك ىشكەرىلەتۋدەگى ماڭىزدى ارەكەت؛ مەملەكەت باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى ٴبىر رەتكى شوعىرلى ارەكەت. قالىڭ كادرلار جۇرتشىلىعى بىلاي دەستى : رەفورما ارقىلى پارتيانىڭ جالپى بەتتىك باسشىلىعى ونان ارى كۇشەيدى ٴارى ەلىمىزدىڭ سوتسياليستىك ٴتۇزىمىنىڭ ساياسي ابزالدىلىعى تولىق ايگىلەندى.


    سۋ يگىلىك مينيسترى ى جيڭپيڭ بىلاي دەدى: رەفورما ارقىلى پارتيانىڭ سۋ يگىلىگى قىزمەتىنە بولعان ورتالىقتانعان ٴبىر تۇتاس باسشىلىعى ونان ارى كۇشەيتىلىپ، تاراۋلاردىڭ ساپالانۋى، سايكەستىلىگى، ونىمدىلىگى جۇزەگە استى، شي جينپيڭنىڭ ەكولوگيالىق وركەنيەت يدەياسىن جانە مەملەكەتتىڭ سۋ حاۋىپسىزدىگىن قامتاماسىزداندىرۋ جونىندەگى ماڭىزدى بايىمداۋلارىنىڭ رۋحىن اناعۇرلىم ويداعىداي جالپى بەتتىك دايەكتەندىرۋگە ءتيىمدى ورتا قالىپتاستى. وسى رەتكى قۇرىلىم رەفورماسىنان كەيىن، سۋ يگىلىگى مينيسترلىگىنىڭ مىندەتى اناعۇرلىم ايقىندالىپ، مىندەت اتقارۋى اناعۇرلىم ىركىلىسسىز، ٴونىمدى بولا ءتۇستى.


    مەملەكەتتىك ورمان شارۋاشىلىعى جانە جايىلىم مەكەمەسىنىڭ باستىعى جاڭ جيانلۇڭ بىلاي دەدى: پارتيا مەن مەملەكەت قۇرىلىمدارى رەفورماسىن ىشكەرىلەتۋ بارىسىندا مەملەكەتتىك ورمان شارۋاشىلىعى جانە جايىلىم مەكەمەسى قۇرىلىپ، مەملەكەت باقشاسىن باسقارۋ مەكەمەسىنىڭ ۆيۋەسكاسى اسىلىپ، جاراتىلىستىق بايلىق مينيسترلىگىنىڭ باسقارۋىنا بەرىلدى، بۇل ـ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايىن كوزدە ۇستاي وتىرىپ جاساعان كەلەلى شەشىمى ءارى پارتيا ورتالىق كوميتەتى مەن مەملەكەتتىك كەڭەستىڭ ورمان شارۋاشىلىعىنا جانە جايىلىم قىزمەتىنە وسكەلەڭ ٴمان بەرەتىنىن تولىق ايگىلەيدى، ول مەملەكەت باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ، تابيعي ەكولوگيالىق جۇيەنى قورعاۋدى، قالپىنا كەلتىرۋدى كۇشەيتۋ، تاۋ، سۋ، ورمان، اتىز، كول، جايىلىم جۇيەسىن ٴبىر تۇتاس باسقارۋدى ٴبىر تۇتاس جوسپارلاۋدا كەلەلى مانگە يە.


    قالىڭ پارتيالى كادرلار بىلاي دەستى: وسى رەتكى قۇرىلىم رەفورماسى ارقىلى ٴتۇرلى قۇرىلىمداردى ورنالاستىرۋدىڭ جانە فۋنكتسيا ءبولىسىنىڭ «بەستى ٴبىر تۇلعالاندىرۋ» جالپى تۇلعالىق ورنالاستىرۋىن ٴبىر تۇتاس ىلگەرىلەتۋدىڭ جانە «ٴتورت جالكى بەتتىك» ستراتەگيالىق ورنالاستىرۋىن سايكەستى ىلگەرىلەتۋدىڭ قاجەتىنە اناعۇرلىم ۇيلەسۋىنە مۇمكىندىك جاسالدى، تاراۋلاردىڭ مىندەت اتقارۋى اناعۇرلىم ٴونىمدى، ىركىلىسسىز بولا ءتۇستى.


    قۇرىلىم رەفورماسىنىڭ وزگەرىسىن اۋىزعا العاندا، ورتا قورعاۋ شەبىندە 30 جىل قىزمەت ىستەگەن ەكولوگيالىق ورتا مينيسترى لي گانجيە تەبىرەنە بىلاي دەدى: وسى رەتكى قۇرىلىم رەفورماسىندا ەكولوگيالىق ورتا مينيسترلىگى بىرىكتىرىلدى، بۇل شي جينپيڭ جولداستى ۇيتقى ەتكەن پارتيا ورتالىعىنىڭ پارمەندى باسشىلىعىندا قول جەتكىزگەن ماڭىزدى رەفورما جەتىستىگى سانالىپ، ورتا قورعاۋ قىزمەتىندە ۇزاق ۋاقىت ورىن تەپكەن ٴتۇزىلىس كەدەرگىسىن ارىلتتى. بانكە حاۋىپسىزدىگىن باقىلاۋ ـ باسقارۋ كوميتەتىنىڭ قاتىستى جاۋاپتىسى بىلاي دەدى: وسى رەتكى قۇرىلىم رەفورماسى فينانستى باقىلاۋ-باسقارۋ جونىنەن ماڭىزدى قايتا قۇرۋ سانالادى، رەفورما الا كەلگەن ەڭ ۇلكەن وزگەرىس فينانستى باقىلاۋ-باسقارۋدىڭ وسىزامانعى فينانس ەرەكشەلىگىنە ۇيلەسەتىن، ٴبىر تۇتاس سايكەستىرىپ، باقىلاپ-باسقاراتىن، پارمەندى دە ٴونىمدى وسى زامانعى فينانستى باقىلاۋ-باسقارۋدىڭ جۇلگەسىنە نىق قاداممەن ىلگەرىلەگەندىگى بولدى.


    پارتيا مەن مەملەكەت قۇرىلىمدارى رەفورماسىن ىشكەرلەتۋدى جەرلىك ورىندار مەن ورتالىق بىرگە جەبەدى، قالىڭ پارتيالى كادرلار بىلاي دەستى: ورتالىقپەن نەگىزىنەن سايكەستى بولعان ولكە، قالا، اۋدانداردىڭ نەگىزگى قۇرىلىمدارىن ورنالاستىرۋ جانە فۋنكتسيالىق ورنالاستىرۋ ارقىلى رەفورمانىڭ جالپى تۇلعالىق اسەرى ٴتىپتى دە كۇشەيدى، سونداي-اق جەرگىلىكتى قۇرىلىمداردىڭ فۋنكتسياسى مەن ۇقىق-جاۋاپكەرشىلىگىن اناعۇرلىم رەتتەدى جانە ايقىندادى.


    جياڭسۋ ولكەلىك قۇرىلىم رەفورماسى قىزمەتى باسشىلىق گرۋپپا كەڭسەسىنىڭ ورىنباسار مەڭگەرۋشىسى، ولكەلىك پارتكوم شتات كەڭسەسىنىڭ مەڭگەرۋشىسى يۇي جۇن بىلاي دەدى: بىلتىردان بەرى، جياڭسۋ ولكەسىنىڭ ولكە دارەجەلى قۇرىلىمدار ورنالاستىرۋىندا ورتالىقتىڭ تالابىنا ساي قاتاڭ سايكەستى. رەفورمادان كەيىن قۇرىلىمدىق ورنالاستىرۋ اناعۇرلىم ىقشامدالىپ، سۇرىپتالىپ، قىزمەت جاۋاپكەرشىلىگى مەن جۇمىس ٴبولىسى اناعۇرلىم ايقىندالىپ، شتات قۇرىلىمى اناعۇرلىم عىلميلانىپ، ساپالانىپ، قۇرىلىم شتاتىنىڭ بۇلجىماس تەجەمى كۇشەيتىلدى.


    حيلۇڭجياڭ ولكەسى چيتايحى قالالىق پارتكومنىڭ شۋجيى ياڭ تيڭشۋاڭ بىلاي دەپ قارادى: قۇرىلىم رەفورماسى ارقىلى ٴىشىنارا پارتيا، ۇكىمەت قۇرىلىمدارى قاباتتاسۋ، مىندەت پەن جاۋاپكەرشىلىك ارالاسۋ، ۇقىق پەن جاۋاپكەرشىلىك ٴبىر-بىرىنەن قول ٴۇزۋ جانە ونىمدىلىگى جوعارى بولماۋ سىندى كورنەكتى ماسەلەلەر ٴونىمدى شەشىلدى، رەفورما- قىزمەت جۇيەسىنىڭ اينالىمىن اناعۇرلىم ىركىلىسسىزدەندىرىپ، جوعارى ونىمدىلىككە، نەگىزگى ساتى قىزمەتىن ومىرشەڭدىككە يە ەتتى. چيتايحى قالاسى تيپتىك بايلىق قاينارىندىق قالا رەتىندە قۇرىلىم رەفورماسىندا جارىققا شىققان ٴتيىمدى شارت - جاعدايدان ويداعىداي پايدالانىپ، قالانى دامىتۋ فورماسىندا بۇرىلىس جاساپ، گۇلدەنىپ-كوركەيۋىن ۇيىمدىق جاقتان پارمەندى قامتاماسىزداندىردى.


    حۋبەي ولكەسى شىيان قالالىق پارتكومنىڭ ورىنباسار شۋجيى، ساياسي-زاڭ كوميتەتىنىڭ شۋجيى ۋاڭ جيمين بىلاي دەدى: قۇرىلىم رەفورماسى تاراۋلاردىڭ مىندەتىن اناعۇرلىم اشالاپ، قىزمەت بەتالىسىن ايقىنداپ قانا قويماي، ونان دا ماڭىزدىسى، رەفورما ارقىلى پارتيالى كادرلاردىڭ جۇمىستى تىڭعىلىقتى ىستەپ، ويداعداي قىزمەت وتەۋىنە ٴتۇزىلىس مەحانيزىمىن دايىندادى، بۇل قىزمەت جاۋاپكەرشىلىگىن وتەۋ قابىلەتى مەن ورەسىن جوعارىلاتۋعا ٴتيىمدى . شىيان قالالىق ساياسي ـ زاڭ جۇيەسى رەفورماسىنان كەيىن 2 ـ توقسانداعىنى وتكەن جىلمەن سالىستىرعاندا، بۇكىل قالاداعى قىلمىستىق ىستەر تۋىلۋ سالىستىرماسى %3.5 تومەندەپ، حالىق الاڭىسىزداندى.


اۋدارعان: قاناتبەك جۇماباي ۇلى