شي جينپيڭ ۇلگىلى ورگان قۇرۋدى باسا دارىپتەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-07-10 15:41:00

شي جينپيڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەت ماجىلىسىندە: ورتالىق پەن مەملەكەت ورگاندارىنىڭ پارتيا قۇرىلىسىنىڭ ساپاسىن جالپى بەتتىك جوعارىلاتىپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن ۇلگىلى ورگان قۇرۋ كەرەك، - دەپ باسا دارىپتەدى، ۋاڭ حۋنيڭ ءماجىلىستى باسقاردى، جاۋ لىجي، حان جىڭ ماجىلىسكە قاتىناستى

ءوز حابارىمىز. ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ءماجىلىسى 7 ـ ايدىڭ 9 ـ كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: جاڭا جاعدايدا ورتالىق پەن مەملەكەت ورگاندارى پارتيانىڭ ساياسي قۇرىلىسى ارقىلى ءبىر تۇتاس باسشىلىق ەتتىرۋ، نازاريامەن قارۋلانۋدى كۇش سالا تەرەڭدەتىپ، نەگىزگى ساتىنىڭ نەگىزىن كۇش سالا بەكەمدەۋ؛ ستيلدى دۇرىستاپ، ءتارتىپتى قاتايتىپ، ورتالىق پەن مەملەكەت ورگاندارىنىڭ پارتيا قۇرىلىسىنىڭ ساپاسىن جالپى بەتتىك جوعارىلاتۋ؛ پارتيانىڭ يدەيالىق نازارياسىن ىشكەرىلەي ۇيرەنۋ، دايەكتىلەندىرۋ جاعىندا، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ جاعىندا، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتى تياناقتاندىرۋ جاعىندا ونەگە كورسەتىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان قۇرۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ ءماجىلىستى باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.

شي جينپيڭ سوزىندە مىنالاردى انىق ايتتى: ورتالىق پەن مەملەكەت ورگاندارى پارتيا قۇرىلىسىندا، ءسوز جوق، الدا ءجۇرۋ، ۇلگى بولۋى كەرەك، مۇنى ورتالىق پەن مەملەكەت ورگاندارىنىڭ ورنى مەن رولى بەلگىلەگەن. ورتالىق پەن مەملەكەت ورگاندارى پارتيا ورتالىق كوميتەتىنە ەڭ جاقىن، پارتيا ورتالىق كوميتەتىنە ەڭ تىكە قىزمەت وتەيدى ءارى ورگان پارتيا قۇرىلىسىنا، اۋەلى باسقا سالالارداعى پارتيا قۇرىلىسىنا ماڭىزدى باعدار كورسەتۋ رولىنا يە. پارتيانى جالپى بەتتىك قاتاڭ باسقارۋدا، وزىندىك توڭكەرىس جاساۋدى ىشكەرىلەتۋدە، ءسوز جوق، ورتالىق پەن مەملەكەت ورگاندارىنان باستاپ، ورگان پارتيا قۇرىلىسىن مىقتى يگەرۋ كەرەك.

شي جينپيڭ مىنالاردى باسا دارىپتەدى: پارتيا 18 ـ قۇرىلتايىنان بەرى، ورتالىق پەن مەملەكەت ورگاندارىنىڭ پارتيا قۇرىلىسىندا كورنەكتى ناتيجەلەرگە قول جەتىپ، ماڭىزدى تاجىريبەلەر توپتالدى. اماليات مىنانى دالەلدەدى: ورتالىق پەن مەملەكەت ورگاندارىنىڭ پارتيا قۇرىلىسى قىزمەتىن ويداعىداي ىستەۋ ءۇشىن، تەك پارتيانىڭ جالپى بەتتىك باسشىلىعىنا تاباندى بولىپ جانە كۇشەيتىپ، پارتيانى پارتيا باسقارۋعا، پارتيانى جالپى بەتتىك قاتاڭ باسقارۋعا تاباندى بولىپ، پارتيانىڭ ساياسي قۇرىلىسى ارقىلى ءبىر تۇتتاس باسشىلىق ەتتىرگەندە عانا، ورتالىق پەن مەملەكەت ورگاندارىنىڭ ساياسي ورگان رەتىندەگى ايقىن قاسيەتىن ماڭگى ساقتاۋعا بولادى؛ تەك جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، يدەيالىق تۋدى بيىك ۇستاپ، نازاريامەن قارۋلانۋدى كۇشەيتكەندە عانا، ورگان پارتيا قۇرىلىسى قىزمەتىنىڭ دۇرىس بەتالىسىنا باستان - اياق كەپىلدىك ەتۋگە بولادى؛ تەك وزەكتى تىعىز توڭىرەكتەپ، قوسىن قۇرىپ، بۇقاراعا قىزمەت وتەپ، پارتيا قۇرىلىسى مەن كاسىپتىڭ ىشكەرىلەي توعىسۋىن ىلگەرىلەتكەندە عانا، ورگان پارتيا قۇرىلىسى قىزمەتىنىڭ ورنىن ءدال تاۋىپ تۇراقتاندىرۋعا بولادى؛ تەك نەگىزگى ساتىنى تاباندىلىقپەن مىقتى يگەرىپ، نەگىز قالاپ، نەگىزگى ساتى پارتيا ۇيىمىنىڭ جاۋىنگەر قامالدىق رولى مەن پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرگەندە عانا، ورگان پارتيا قۇرىلىسى قىزمەتى تۇبەگەيلى تياناقتانادى؛ تەك داۋىرمەن جارىسا العا باسىپ، رەفورما جاساپ جاڭالىق جاراتىپ، باتىلدىقپەن ىزدەنىس جاساپ، امالياتتان وتكىزۋگە، تاجىريبەلەردى قورىتىندىلاۋعا شەبەر بولعاندا عانا، ورگان پارتيا قۇرىلىسى قىزمەتىنىڭ ساپاسىن ۇزدىكسىز جوعارىلاتىپ، ومىرشەڭدىك كۇشكە يە ەتۋگە بولادى؛ تەك پارتيا قۇرىلىسى جاۋاپكەرشىلىك ءتۇزىمىن جالپى بەتتىك تياناقتاندىرىپ، پارتيا باسشىلىق گرۋپپاسى (پارتكومى) باسشىلىق القاسى باستاماشى بولۋعا، جوعارى تومەنگە باستاماشى بولۋعا، ورگان ارقىلى جۇيەگە جەتەكشىلىك ەتۋگە تاباندى بولعاندا عانا، ورگان پارتيا قۇرىلىسى قىزمەتىندە قۇدىرەتتى كۇش بىرلىگىن قالىپتاستىرۋعا بولادى.

شي جينپيڭ مىنالاردى انىق ايتتى: «ەكىنى قورعاۋدى» باستاماشىلدىقپەن ورىنداۋ ـ ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدەگى ماڭداي الدى مىندەت. ورتالىق پەن مەملەكەت ورگاندارىنداعى قالىڭ پارتيا مۇشەلەرى، كادرلار، وتە - موتە، پارتيالى باسشى كادرلار، ءبىرىنشى قول باسشى كادرلار قىزمەت ىستەگەندە، ەڭ اۋەلى، پارتيانىڭ نەگىزگى نازارياسىمەن، نەگىزگى لۋشيانىمەن، نەگىزگى جالپى جوباسىمەن سانالى تۇردە سالىستىرۋ؛ پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سالىستىرۋ؛ ساياسي دەڭگەيدى جوعارىلاتۋ؛ ساياسي بەتالىستى دۇرىس يگەرۋ؛ ساياسي تۇرعىنى بەكەمدەۋ؛ ساياسي پوزيتسيانى ايقىنداۋ؛ ساياسي تارتىپكە قاتاڭ بويسۇنۋ؛ اعاتتىقتاردى ۇنەمى تۇزەتۋ؛ پارتيا ورتالىق كوميتەتىنىڭ دارىپتەمەسىنە باتىل ءۇن قوسۋ؛ پارتيا ورتالىق كوميتەتىنىڭ قارارىن باتىل اتقارۋ؛ پارتيا ورتالىق كوميتەتى تيىم سالعان ىستەردەن باتىل تيلۋ كەرەك. «ەكىنى قورعاۋدى» پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرۋ ارەكەتىندە، قىزمەت جاۋاپكەرشىلىگىن ادا ەتۋدە، ءوز قىزمەتىن ويداعىداي ىستەۋدىڭ ناقتى ونىمدىلىگىندە، پارتيا مۇشەلەرىنىڭ، كادرلاردىڭ كۇندەلىكتى ءسوز ـ ارەكەتتەرىندە ايگىلەۋ كەرەك. پارتياعا ادال بولۋ تاربيەسىن بارىنشا كۇشەيتۋ، وزات تيپتەردەن ۇيرەنىپ، ۇگىتتەپ، پارتيا مۇشەلەرىن، كادرلاردى ۇلگىلەردەن ونەگە الۋعا جەتەكتەپ، پارتياعا ادال بولۋدى سەميا تاربيەسى، سەميا ستيلى قۇرىلىسىنا ەنگىزۋ كەرەك. «ەكىنى قورعاۋدى» باستاماشىلدىقپەن ورىنداۋ ءارى وسكەلەڭ اقىلدىق تانىمدى، سەزىمدىك تانىمدى ايگىلەۋ، ءارى مىزعىماس ۇستامدىلىق پەن قابىلەتتى قورعاۋ كەرەك.

شي جينپيڭ مىنالاردى باسا دارىپتەدى: ورتالىق پەن مەملەكەت ورگاندارى نازاريا ۇيرەنۋدىڭ الدىڭعى لەگىندە ءجۇرۋ؛ ۇيرەنۋ تاربيەسىنىڭ باعىتتامالىلىعى مەن ناقتى ونىمدىلىگىن جوعارىلاتۋ؛ جەتە ۇيرەنۋ، جەتە يگەرۋ، شىنايى تياناقتاندىرۋ جاعىندا ۇلگى كورسەتۋ؛ سانالى، ىرىقتىلىقپەن ۇيرەنۋ؛ دەر كەزىندە ۇيرەنۋ؛ ءىس جۇزىندىكپەن ۇشتاستىرىپ ۇيرەنۋ؛ شىن بەرىلىپ شىن ۇيرەنۋ؛ ۇيرەنۋ ارقىلى بەرىك سەنىم قالىپتاستىرۋ، ۇيرەنۋ ارقىلى بورىشتى ارقالاۋ؛ ۇيرەنگەندى كادەگە جاراتىپ، ءوز باسىنان ونەگە كورسەتۋ؛ ۇيرەنۋ ناتيجەسىن ءوز قىزمەتىن جاقسى ىستەۋ جاعىندا، ىستەرىمىزدىڭ دامۋىن ىلگەرىلەتۋ جاعىندا تياناقتاندىرۋ كەرەك. جاس كادرلار اراسىندا ساياسي نازاريانى كۇشەيتۋ؛ ساياسي بەكەمدىكتى كۇشەيتۋ؛ ساياسي قابىلەتتى جوعارىلاتۋ؛ ساياسي حاۋىپ - قاتەردەن ساقتانۋ ارناۋلى تاربيەسىن ورىستەتىپ، شارت - جاعداي جاراتىپ، كادرلاردىڭ كۇرەس امالياتى بارىسىندا بوران - شاشىندى باستان كەشىرۋىنە، ومىرگە كوز جەتكىزۋىنە، قابىلەتىن ءوسىرىپ، جىگەرىن شىڭداۋىنا مۇمكىندىك جاساۋ كەرەك.

شي جينپيڭ مىنالاردى انىق ايتتى: ورتالىق پەن مەملەكەت ورگاندارى نەگىزگى ساتىنى بارىنشا مىقتى يگەرۋدە ايقىن بەتالىس ورناتۋ؛ ۇيىمداستىرۋ قۋاتىن جوعارىلاتۋدى ءتۇيىن ەتىپ، ورگان نەگىزگى ساتى پارتيا ۇيىمدارىن پارمەندى، دارمەندى ەتىپ سومداۋ كەرەك. ەكى باسى ارقىلى ورتاسىن جەتەكتەۋدى مىقتى يگەرۋ؛ ارتتا قالعانداردى وزاتتارعا تەڭەلۋگە، ورتاداعىلاردى وزاتتاردان وزۋعا، ونان ارى العا باسۋعا جەبەۋ؛ نەگىزگى ساتى پارتيا ۇيىمدارىنىڭ جالپى بەتتىك العا باسۋىن، جالپى بەتتىك شىڭدالۋىن جۇزەگە اسىرۋ كەرەك. پارتيا مۇشەلەرىن تاربيەلەۋ، باسقارۋ، باقىلاۋدى قاتايتۋ؛ « ءۇش جيىن، ءبىر ساباق » قاتارلى تۇزىمدەردى ويداعىداي تياناقتاندىرىپ، ءاربىر پارتيا مۇشەسىن ءبىر-ءبىر قىزىل تۋعا، ءاربىر پارتيا ياچەيكاسىن پارتيا تۋى جەلبىرەپ تۇراتىن جاۋىنگەرلىك قامالعا اينالدىرۋ كەرەك. تۇرگە ءبولىپ جەتەكشىلىك ەتۋدى كۇشەيتىپ، عىلمي، دالمە ـ ءدال شارا قولدانۋ ارقىلى ورگان پارتيا قۇرىلىسى قىزمەتىنىڭ باعىتتامالىلىعى مەن ونىمدىلىگىن كۇشەيتۋ كەرەك.

شي جينپيڭ مىنالاردى باسا دارىپتەدى: ورتالىق پەن مەملەكەت ورگاندارى ستيلدى دۇرىستاپ، ءتارتىپتى قاتايتۋ؛ پارتيانىڭ داڭقتى ءداستۇرى مەن تاماشا ستيلىن باستاماشىلدىقپەن ساۋلەلەندىرىپ، ستيلى پاك، سالتى دۇرىس ساياسي ورگان قۇرىپ، بۇقاراعا جاڭا وزگەرىس، جاڭا بەينەنى شىنايى سەزىندىرۋ كەرەك. «ءتورت بۇرىس ستيلدى » تۇزەتۋ قىزمەتىن ۇزدىكسىز ىشكەرىلەتۋ؛ فورماشىلدىقتى، تورەشىلدىكتى باتىل جويۋ كەرەك. بۇقارامەن تىعىز بايلانىستا بولاتىن تاماشا ستيلدى بارىنشا ساۋلەلەندىرۋ؛ نەگىزگى ساتىعا ىشكەرىلەي ارالاسىپ، حالىق بۇقاراسىمەن سۇيىسپەنشىلىكتى كۇشەيتۋ؛ بۇقارالىق قىزمەت ءادىسىن ۇيرەنىپ، نەگىزگى ساتىنىڭ امالياتىنان ماسەلەنى شەشۋدىڭ التىن كىلتىن تابا ءبىلۋ كەرەك. قاتاڭ بولۋدى ماڭداي الدى ورىنعا قويۋعا تاباندى بولۋ؛ ءتارتىپتى ماڭداي الدى ورىنعا قويىپ، ءتارتىپتىڭ اتقارىلۋىن باقىلايتىن «ءتورت ءتۇرلى فورماتسيادان» پايدالانۋدى ىشكەرىلەتۋ؛ ءتارتىپ تاربيەسىن، ساياسي ءمورال تاربيەسىن، سەميا ستيلى تاربيەسىن مىقتى يگەرىپ، پارتيا مۇشەلەرى مەن كادرلاردى جان ـ جاقتى باسقارۋدى، باقىلاۋدى كۇشەيتىپ، جەمقورلىققا باتىلدىق ەتە المايتىن، جەمقورلىق ىستەي المايتىن، جەمقورلىق ىستەۋدى ويلامايتىن ەتۋ كەرەك.

شي جينپيڭ مىنالاردى انىق ايتتى: پاكتىك پەن جاۋاپكەرشىلىكتى ارقالاۋدىڭ قاتىناسىن، ءسوز جوق، دۇرىس شەشۋ كەرەك. ءىرىپ ـ شىرۋگە قارسى تۇرۋدى جاۋاپكەرشىلىك ارقالاماۋدىڭ، بورىشىن وتەمەۋدىڭ سىلتاۋى ەتۋگە استە بولمايدى. كىرشىكسىز بولۋ مەن جاۋاپكەرشىلىك ارقالاۋدى، ۇكىمەت ىسىندە قاجىرلى بولۋ مەن ۇكىمەت ىسىندە پاك بولۋدى ءوزارا ۇشتاستىرۋ؛ اۋىر مىندەتتى باتىلدىقپەن ارقالاپ، قيىندىقتان قاشقالاقتاماۋ، قول كۇيدىرەر قولامتالى ىستەردى تايسالماي ىستەۋ كەرەك. جاڭا داۋىردەگى جاقسى كادر بولۋ ولشەمىن امالياتتا ايگىلەۋ؛ ساياسيدا سالعىرتتانعان، قىزمەتتەردى بەتالدى ىستەيتىن ساراماس ءمانساپتى بولماۋ؛ اس ءىشىپ، اياق بوساتاتىن، ەشتەڭەنى ويلامايتىن جالقاۋ ءمانساپتى بولماۋ؛ جاۋاپكەرشىلىكتى ءبىر - بىرىنە يتەرمەلەيتىن، العا باسقىسى كەلمەيتىن توعىشار ءمانساپتى بولماۋ، ۇقىعىنان پايدالانىپ قارا باسىنىڭ قامىن ويلايتىن، ازعىندايتىن پاراقور ءمانساپتى بولماۋ كەرەك.

شي جينپيڭ مىنالاردى باسا دارىپتەدى: ورتالىق پەن مەملەكەت ورگاندارىنىڭ پارتيا قۇرىلىسىنىڭ ساپاسىن جوعارىلاتۋدا، ءسوز جوق، ەرەكشەلىك پەن زاڭدىلىققا ىشكەرىلەي تالداۋ جاساۋ جانە دۇرىس يگەرۋ كەرەك. ورتاقتىق پەن دارالىقتىڭ قاتىناسىن ويداعىداي شەشۋ كەرەك. پارتيانى جالپى بەتتىك قاتاڭ باسقارۋ نازارياسىن ورگان پارتيا قۇرىلىسىن ىلگەرىلەتۋدىڭ وي جەلىسى مەن شارالارىنا اينالدىرۋعا شەبەر بولۋ؛ ورگان پارتيا قۇرىلىسى امالياتىنداعى جاڭالىق جاراتۋ تاجىريبەلەرىن قورىتىندىلاۋعا، سارالاۋعا ءمان بەرىپ، زاڭدىق تانىمىن ۇزدىكسىز جوعارىلاتىپ، ونىڭ رولىن ۇزاق ۋاقىت ساۋلەلەندىرە الۋىنا مۇمكىندىك جاساۋ كەرەك. پارتيا قۇرىلىسى مەن كاسىپتىڭ قاتىناسىن ويداعىداي شەشۋ كەرەك. پارتيا قۇرىلىسى قىزمەتى مەن كاسىپتىك قىزمەتتى بىرلىكتە جوسپارلاۋعا، بىرلىكتە ورنالاستىرۋعا، بىرلىكتە تياناقتاندىرۋعا، بىرلىكتە تەكسەرۋگە تاباندى بولۋ كەرەك. نىسانا ارقىلى جەتەكشىلىك ەتۋ مەن ماسەلەنى نىشان ەتۋدىڭ قاتىناسىن ويداعىداي شەشۋ؛ نىسانانى كوزدەۋ ءتۇيىنى ەتىپ، ءبىر تۇتاس جوسپارلاۋ، جوعارى دەڭگەيدە جوبالاۋ جاعىنا كۇش سالۋ؛ ءارى ماسەلەنى شەشۋدى كۇش سالۋ ءتۇيىنى ەتىپ، ولقىلىقتاردى تولىقتاۋ، ءالسىز بۋىندارعا ۇزدىكسىز كۇش سالۋ كەرەك. ەرەجە - ءتۇزىم ورناتۋ مەن ناقتى ونىمدىلىككە قول جەتكىزۋدىڭ قاتىناسىن ويداعىداي شەشۋ كەرەك. ءتۇزىمدى بەلگىلەۋ وتە ماڭىزدى، ءتۇزىمدى اتقارۋ ءتىپتى دە ماڭىزدى. پارتيا ۋستاۆىن، پارتيا ەرەجەسىن باستاماشىلدىقپەن ۇيرەنىپ، بويسۇنىپ، اتقارىپ، نەگىزگى تۇزىمنەن باستاپ قاتاڭ اتقارۋ، كۇندەلىكتى ىستەردى جۇيەلەندىرۋدى مىقتى يگەرۋ كەرەك. مۇراگەرلىك ەتۋ مەن جاڭالىق جاراتۋدىڭ قاتىناسىن ويداعىداي شەشۋ كەرەك. يدەيا مەن وي جەلىسىندە، ءادىس - تاسىلدە، نەگىزگى ساتى قىزمەتىندە جاڭالىق جاراتۋدى جەبەۋ، قىزمەتتى جاسامپازدىقپەن ورىستەتۋ كەرەك.

شي جينپيڭ مىنالاردى انىق ايتتى: ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدە جانە جاقسارتۋدا، ءسوز جوق، پارتيانىڭ باسشىلىعىن شىنايى كۇشەيتىپ، جاۋاپكەرلىك ءتۇزىمى سىندى وسى «بۇيدانى» مىقتى يگەرۋ كەرەك. تاراۋلاردىڭ پارتگرۋپپالارى (پارتكومدارى) ورگان پارتيا قۇرىلىسىن مىقتى ۇستاۋ ـ ءتول مىندەت دەپ قارايتىن، ورگان پارتيا قۇرىلىسىن مىقتى ۇستاماۋ ـ مىندەت ۇدەسىنەن شىقپاعاندىق دەپ قارايتىن، ورگان پارتيا قۇرىلىسىن جاقسى ۇستاماۋ جاۋاپكەرسىزدىك دەپ قارايتىن تانىمدى كۇشەيتۋ؛ «شۋجي مىقتى ۇستاۋعا، شۋجيدى مىقتى ۇستاۋعا» تاباندى بولۋ؛ باسشىلىق القا مۇشەلەرى مەن ءار دارەجەلى باسشى كادرلار « ءبىر قىزمەت ورنىندا ەكى جاۋاپكەرشىلىك ارقالاۋ»، جاۋاپكەرشىلىگىن ايقىنداۋ، جاۋاپكەرشىلىگىن اتقارۋ، جاۋاپكەرشىلىگىن ادا ەتۋ كەرەك. ورگان پارتكومى نەگىزگى جاۋاپكەرشىلىكتى، نەگىزگى كاسىپتى نازارعا الىپ، فۋنكتسيالىق رولىن شىنايى ساۋلەلەندىرۋ كەرەك. ورتالىقتاعى قاتىستى تاراۋلار ءوز جاۋاپكەرشىلىگىن ارقالاپ، تىعىز سايكەسىپ، ورگان پارتيا قۇرىلىسى قىزمەتىن يگەرۋدە كۇش بىرلىگىن قالىپتاستىرۋ كەرەك. ورتالىق پەن مەملەكەت ورگاندارىنىڭ قىزمەت كوميتەتى جاۋاپكەرشىلىكتى كۇشەيتىپ، ورتالىق پەن مەملەكەت ورگاندارىنىڭ پارتيا قىزمەتىنە ءبىر تۇتاس باسشىلىق ەتۋ مىندەتىن ويداعىداي اتقارىپ، تاراۋلاردىڭ پارتيا باسشىلىق گرۋپپالارىنىڭ (پارتكومدارىنىڭ) ورگان پارتيا قۇرىلىسىنىڭ تۇلعالىق جاۋاپكەرشىلىگىن تياناقتاندىرۋعا جەتەكشىلىك ەتۋى جانە قۋزاۋى كەرەك. جوعارى ساپالى، ماماندانعان پارتيا ىستەرى كادرلار قوسىنىن قۇرىپ، پارتيا ىستەرى كادرلارىن ساياسيدا اڭعارلى كادرلار، پارتيا قۇرىلىسى قىزمەتىنە قانىق كادرلار، كادرـ جۇمىشسىلاردىڭ جاناشىرى ەتىپ جەتىلدىرۋ كەرەك.

ۋاڭ حۋنيڭ ءماجىلىستى باسقارعاندا بىلاي دەدى: باس شۋجي شي جينپيڭ ماڭىزدى ءسوز سويلەپ، ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدىڭ جانە جاقسارتۋدىڭ كەلەلى ءمانىن ەگجەي ـ تەگجەيلى بايىمدادى؛ جاڭا جاعدايداعى ورتالىق پەن مەملەكەت ورگاندارىنىڭ پارتيا قۇرىلىسىنىڭ بورىشى مەن مىندەتىن، ءتۇيىندى قىزمەتىن، شەشۋشى شارالارىن ىشكەرىلەي بايىمدادى؛ ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جانە جاقسارتۋ جونىندە جالپى بەتتىك ورنالاستىرۋ جاسادى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ دايەكتەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، « ءتورت تانىمدى كۇشەيتىپ»، «ءتورت سەنىمدى » بەكەمدەپ، «ەكىنى قورعاۋدى» ورىنداپ، ءتۇرلى قىزمەتتەردىڭ تياناقتانۋىن بار كۇشپەن ويداعىداي يگەرىپ، ورتالىق پەن مەملەكەت ورگاندارىنىڭ پارتيا قۇرىلىسىنىڭ ساپاسى مەن دەڭگەيىن جالپى بەتتىك جوعارىلاتۋىمىز كەرەك.

ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق پەن مەملەكەت ورگاندارى قىزمەت كوميتەتىنىڭ شۋجيى ديڭ شۋەشياڭ قورىتىندى سوزىندە بىلاي دەدى: باس شۋجي شي جينپيڭنىڭ ماڭىزدى ءسوزى ورتالىق پەن مەملەكەت ورگاندارىنىڭ پارتيا قۇرىلىسىنىڭ جوعارى ساپالى دامۋىن ىلگەرىلەتۋگە قۇلشىنىس بەتالىسىن كورسەتىپ، ءتۇبىرلى ولشەم ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحى بويىنشا يدەيا مەن ارەكەتتى سانالى تۇردە بىرلىككە كەلتىرىپ، ورتالىق پەن مەملەكەت ورگاندارىنىڭ پارتيا قۇرىلىسى جونىندەگى ءتۇرلى ورنالاستىرۋلارىنىڭ تياناقتانۋىن كۇش سالا ىلگەرىلەتىپ، ورتالىق پەن مەملەكەت ورگاندارىنىڭ پارتيا قۇرىلىسىندا ۇزدىكسىز جاڭا جاعداي جاراتۋ كەرەك.

ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق شۋجيچۋدىڭ شۋجيلارى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى قاتىستى باسشى جولداستار، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.

ورتالىقتىڭ پارتيا قۇرىلىسى قىزمەت باسشىلىق گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، قاتىستى فينانس قۇرىلىمدارىنداعى، مەملەكەتتىك مەنشىگىندەگى ءىرى كاسىپورىندارداعى جاۋاپتى جولداستار ماجىلىسكە قاتىناستى.