لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:24:00


    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ وسى ايدىڭ 10-كۇنى مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشىپ، سىرتقى ساۋدانى ونان ارى ورنىقتىرۋ شاراسىن بەلگىلەپ، ەسىك اشۋدى كەڭەيتۋ ارقىلى شارۋاشىلىقتى ارتتىرۋعا، جۇمىستانۋدى ورنىقتىرۋعا دەم بەردى؛ قوعامدىق قامسىزداندىرۋ اقىسىن تومەندەتۋ قىزمەتىن شىنايى جاقسى ىستەۋدى تالاپ ەتىپ، مەملەكەت مەنشىگىندەگى كاپيتالدىڭ ٴبىر بولەگىن قوعامدىق قامسىزداندىرۋ قورىن تولىقتىرۋدى جاپپاي اتقارۋدى ۇيعاردى؛ ورتالىق مەجە ەسەبىنىڭ اتقارىلۋى مەن باسقا دا قازىنالىق كىرىس-شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتىن ورنالاستىردى.


    ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، سىرتقى ساۋدانى ورنىقتىرۋ تالابىن تياناقتاندىرۋدىڭ تەتىگى سىرتقا ەسىك اشۋدى ونان ارى كەڭەيتۋ جانە بازارلاندىرۋ رەفورماسى مەن ەكونوميكالىق ٴتاسىل ارقىلى كاسىپورىنداردىڭ ىشكى قوزعاۋشى كۇشىن نىعايتۋعا اناعۇرلىم ٴمان بەرۋدە. ماجىلىستە سىرتقى ساۋدانى ونان ارى ورنىقتىرۋ شارالارى بەلگىلەندى. ٴبىرىنشى، يمپورت كەدەن باجىسىنىڭ جالپى دەڭگەيىن ۇزدىكسىز تومەندەتىپ، ەكسپورتتان باجى قايتارۋ ساياساتىن كەمەلدەندىرۋ. ەكىنشى، ەكسپورتتىڭ كەپىلدىك رولىن اناعۇرلىم ويداعىداي ساۋلەلەندىرىپ، قامسىزداندىرۋ اقىسىن تومەندەتىپ، كاسىپورىنداردىڭ قاجەتىنە ۇيلەسەتىن قامسىزداندىرۋ تۇرلەرىن زەرتتەپ ورتاعا قويۋ . فينانس قۇرىلىمدارىن قارجى قۇراۋدى قولداۋدى كۇشەيتۋگە جەتەكتەۋ . ٴۇشىنشى، شەكارا اتتاعان ەلەكتروندى ساۋدا قاتارلى جاڭا كاسىپ فورماتسياسىن دامىتىپ، يمپورت ساۋداسىنان ۇلگى كورسەتۋ رايونىن جەتىلدىرۋ. ٴتورتىنشى، ساۋدانى قولايلىلاندىرۋ دەڭگەيىن جوعارىلاتىپ، كەدەننەن ٴوتۋ ۋاقىتىن اناعۇرلىم قىسقارتىپ، شەكارا وتكەلىنەن اقى الۋدى تومەندەتۋ . جاعدايدىڭ وزگەرىسىنە ساي، ساياساتتىق زاپاستى كۇشەيتىپ ٴارى ونى دەركەزىندە شىعارىپ، سىرتقى ساۋدانىڭ ورنىقتىلىق بارىسىندا ساپاسىن جوعارىلاتۋدى جەبەۋ كەرەك.


    ماجىلىستە مىنالار اتاپ كورسەتىلدى: قوعامدىق قامسىزداندىرۋ اقىسىن تومەندەتۋ--كاسىپورىنداردىڭ اۋىرتپالىعىن جەڭىلدەتىپ، بازار سۋبيەكتىلەرىنىڭ ومىرشەڭدىك كۇشىن ارتتىرۋداعى ماڭىزدى شارا . كەزەكتە ەلىمىزدىڭ ٴتۇرلى قوعامدىق قامسىزداندىرۋ قورىنىڭ اينالىمى جالپى جاقتان ورنىقتى بولىپ، ۋاعىندا، تولىعىمەن تولەۋگە كەپىلدىك ەتۋگە بولادى. الدىڭعى جارتى جىلدا قوعامدىق قامسىزداندىرۋ اقىسىن تومەندەتۋ ساياساتىنىڭ ونىمدىلىگى كورنەكتى بولىپ، كاسىپورىن جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋى قاتارلى تاپسىرىلعان اقى 128 ميلليارد يۋاننان استى . كەلەسى قادامدا قوعامدىق قامسىزداندىرۋ قاراجاتىنىڭ تومەندەۋىنە، نەگىزدىك زەينەتاقىنىڭ ۋاعىندا، تولىق تاراتىلۋىنا كەپىلدىك ەتۋ تالابىن ارقاۋ ەتىپ، ساياساتتىڭ تياناقتانۋىنا كەپىلدىك ەتۋ كەرەك. اقى تاپسىرۋ ٴتاسىلىن ورنىقتىرىپ، ٴىشىنارا ولكەلەردە ورىن تەپكەن ولكە ىشىندەگى اقى مولشەرى، اقى تاپسىرۋ نەگىزدىك سان ولشەمى بىركەلكى بولماۋ قاتارلى ماسەلەلەرگە بيىل پرينسيپتىك جاقتان ساياساتتىق رەتتەۋ جۇرگىزىلمەيدى . جەر-جەر نەگىزدىك زەينەتاقىنى تاراتۋداعى تۇلعالىق جاۋاپكەرشىلىكتى ارقالاپ، بىردە- ٴبىر وتباسىنىڭ قاعىس قالماۋىنا كەپىلدىك ەتۋى كەرەك.


    قوعامدىق قامسىزداندىرۋ قورىنىڭ باياندىلىعىن كۇشەيتىپ، قارتتاردى كۇتىمگە الۋ قوعامدىق قامتاماسىزداندىرۋ ٴتۇزىمىنىڭ نەگىزىن بەكەمدەۋ ٴۇشىن، ماجىلىستە بيىل ورتالىق پەن جەرگىلىكتى ورىنداردىڭ مەملەكەت مەنشىگىندەگى جانە مەملەكەت مەنشىگىندەگى جارنامەن تىزگىندەلەتىن ٴىرى، ورتاشا كاسىپورىندار مەن فينانس قۇرىلىمدارىنىڭ %10 تىك مەملەكەت مەنشىگىندەگى جارنا ۇقىعىن قوعامدىق قامسىزداندىرۋ قور قوعامى مەن جەرگىلىكتى ورىندارعا ويىستىرۋ، سونداي-اق قازىنالىق قارجى قوسۋشى رەتىندە بەلگىلەمە بويىنشا پايدا الۋ ۇقىعى قاتارلى ۇقىقتاردان يگىلىكتەندىرۋ ۇيعارىلدى.


    ماجىلىستە مىنالار اتاپ كورسەتىلدى: 2018–جىلعى ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق كىرىس–شىعىستىڭ قازىنالىق باقىلاۋ ناتيجەسى جاريالاندى. قازىنالىق باقىلاۋدا بايقالعان ماسەلەلەر جونىندە جەر-جەر، تاراۋلار دەر كەزىندە رەتتەۋ ـ تۇزەتۋ جۇرگىزىپ، 10 ـ ايدىڭ سوڭىنان بۇرىن مەملەكەتتىك كەڭەسكە ناتيجەسىن مالىمدەۋى ٴارى مەملەكەتتىك حالىق قۇرىلتايىنىڭ تۇراقتى كوميتەتىنە مالىمدەگەننەن كەيىن جاريا ەتۋى كەرەك. مەجە ەسەپتىڭ جاريالىلىعى مەن بۇلجىماس تەجەمىن كۇشەيتىپ، ٴوز بەتىمەن اقشا جۇمساۋدىڭ الدىن الۋ كەرەك. ۇكىمەتتىڭ ۇنەمشىلدىكپەن تۇرمىس كەشىرۋىنە تاباندى بولىپ، دامۋ مەن حالىق تۇرمىسىنىڭ شۇعىل قاجەتىن قامتاماسىزداندىرۋ، اسىرەسە، باجىنى ازايتۋ، اقىنى تومەندەتۋ قاتارلى شارالاردىڭ تياناقتاندىرىلۋىنا شىنايى كەپىلدىك ەتۋ قاجەت.

اۋدارعان: نازار ٴارىپ ۇلى