مەملەكەتتىك حالىق قۇرىلتايى تۇراقتى كوميتەتىنىڭ پارتگرۋپپاسى «جاڭا داۋىردەگى پارتيانىڭ تاريحي بورىشىن» ارقاۋ ەتە وتىرىپ ارناۋلى ۇيرەنۋ قيمىلىن جۇرگىزدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:25:00


    ٴوز حابارىمىز: مەملەكەتتىك حالىق قۇرىلتايى تۇراقتى كوميتەتىنىڭ پارتگرۋپپاسى 7-ايدىڭ 8-كۇنىنەن 10-كۇنىنە دەيىن ٴماجىلىس اشىپ، «جاڭا داۋىردەگى پارتيانىڭ تاريحي بورىشىن » ارقاۋ ەتىپ ارناۋلى تاقىرىپتا ۇيرەنۋ جۇرگىزدى . ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى، پارتگرۋپپاسىنىڭ شۋجيى لي جانشۋ ٴماجىلىستى باسقاردى ٴارى ٴسوز سويلەدى.


    ماجىلىستە بىلاي دەپ قارالدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ--جۇڭگو كوممۋنيستىك پارتياسىنىڭ تۋباستاعى تاريحي بورىشى، ول پارتيانىڭ بارلىق كۇرەسىنە سىڭىرىلگەن. توڭكەرىس، قۇرىلىس، رەفورما سىندى تۇرلىشە داۋىردە، نەشە ۇرپاق جۇڭگو كوممۋنيستەرىنىڭ حالىققا باسشىلىق ەتىپ، ۇزدىكسىز كۇرەس جاسايتىن ناقتى نىسانا جانە مىندەتتەرى ۇقساماعانىمەن، جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ سىندى اۋەلگى ماقسات، بورىش -- باستان ـ اياق توعىساتىن باستى جەلى بولىپ كەلدى. جاڭا جۇڭگو قۇرىلعاندىعىنىڭ 70 جىلدىعى جانە پارتيامىزدىڭ بۇكىل ەلگە بيلىك جۇرگىزگەندىگىنە 70 جىل تولۋ قارساڭىندا، اۋەلگى ماقساتتى ۇمىتپاي، بورىشتى ەستە بەرىك ساقتاۋ ارەكەتى --- پارتيانىڭ باسشىلىعىنا تاباندى بولىپ، «ٴتورت تانىمدى» بەرىك ورناتۋ، «ەكىنى قورعاۋدى» ورىنداۋ سانالىلىعى مەن تاباندىلىعىن ونان ارى كۇشەيتىپ، پارتيانىڭ تاريحي بورىشىن جۇزەگە اسىرۋ جولىندا قاجىماي-تالماي كۇرەس جۇرگىزۋ جاۋاپكەرشىلىگىمىز بەن بورىشتىلىق سەزىمىمىزدى كۇشەيتتى.


    ماجىلىستە مىنالار باسا دارىپتەلدى: مەملەكەتتىك حالىق قۇرىلتايى مەن ونىڭ تۇراقتى كوميتەتى پارتيانىڭ حالىققا باسشىلىق ەتىپ، مەملەكەتتى باسقارۋ، تاريحي بورىشتى جۇزەگە اسىرۋ ۇلى امالياتىندا ماڭىزدى جاۋاپكەرشىلىك ارقالاپ وتىر. شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، وزىندىك فۋنكتسيالىق ورنىمىزدى شىعار ٴتۇيىن ەتۋگە تاباندى بولىپ، زاڭ شىعارۋ ۇقىعىن، باقىلاۋ ۇقىعىن زاڭ بويىنشا جۇرگىزىپ، ۋاكىلدەر قىزمەتىن تىڭعىلىقتى ىستەپ، سىرتپەن بارىس-كەلىس جاساپ، جاڭا داۋىردەگى پارتيانىڭ تاريحي بورىشىن جۇزەگە اسىرۋعا حالىق قۇرىلتايىنىڭ ٴتيىستى ۇلەسىن قوسۋىمىز كەرەك . مەملەكەتتىك حالىق قۇرىلتايى تۇراقتى كوميتەت پارتگرۋپپاسى، تۇراقتى كوميتەت قۇرامىنداعىلار مىندەتىن بۇلجىتپاي وتەپ، قاجىرلىلىقپەن جۇمىس ىستەپ، ادال، كىرشىكسىز، جاۋاپكەرشىلىك ارقالاۋدىڭ ۇلگىسى بولۋعا قۇلشىنۋلارى كەرەك. باتىلدىقپەن جاۋاپكەرشىلىك ارقالاپ، ٴىس تىندىرىپ، قيىنشىلىقتاردان قورىقپاي، حاۋىپ-قاتەرلەردەن تايسالماي، پارتيا ورتالىق كوميتەتى تاپسىرعان كەلەلى مىندەتتەردى بار كۇشپەن ويداعىداي ورىنداۋى كەرەك . ٴتۇرلى بورىشتاردى ەرەكشە جاۋاپتى بولۋ رۋحى جانە ۇزدىك قىزمەت ولشەمىمەن اتقارىپ، مۇقياتتىلىقتى، ونىمدىلىكتى دارىپتەپ، حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك.

اۋدارعان: نازار ٴارىپ ۇلى