مەملەكەتتىك كەڭەس كەڭسەسى « قاتىناس-تاسىمال سالاسىنداعى ورتالىق پەن جەرلىك قازىنانىڭ ٴىس ۇقىعى مەن شىعىس جاۋاپكەرشىلىگىن ايىرۋ رەفورما جوباسىن» باسىپ تاراتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 15:21:00


    ٴوز حابارىمىز: تاياۋدا مەملەكەتتىك كەڭەس كەڭسەسى «قاتىناس–تاسىمال سالاسىنداعى ورتالىق پەن جەرلىك ورىنداردىڭ قازىنالىق ٴىس ۇقىعى مەن شىعىس جاۋاپكەرشىلىگىن ايىرۋ رەفورما جوباسىن» باسىپ تاراتتى، بۇل رەفورما 2020-جىلى 1-ايدىڭ 1-كۇنىنەن باستاپ اتقارىلادى.

    
    «جوبادا» مىنالار العا قويىلدى: ورتالىقتىڭ شەشىم جاساۋ، جەرلىك ورىنداردىڭ اتقارۋ مەحانيزمىن كەمەلدەندىرۋ نەگىزىندە، ورتالىق ۇكىمەتتىڭ قاتىناس - تاسىمال نەگىزگى الەۋمەتتىك قىزمەت وتەۋ مىندەتى مەن قابىلەتىن لايىقتى كۇشەيتىپ، جەرلىك ۇكىمەتتەردىڭ ورتالىق ۇقىق بەرگەن كولەمدەگى جاۋاپكەرشىلىگىن ويداعىداي تياناقتاندىرىپ، جەرلىك ۇكىمەتتەردىڭ وڭىرلىك باسقارۋ ابزالدىلىعى مەن بەلسەندىلىگىن تولىق ساۋلەلەندىرۋ كەرەك . حالىق قاتىناس-تاسىمالىن حالىق ٴۇشىن جۇرگىزۋگە تاباندى بولىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى شىعار ٴتۇيىن جانە تياناق ەتىپ، قاتىناس-تاسىمالدىڭ نەگىزگى الەۋمەتتىك قىزمەت وتەۋمەن قامداۋ ونىمدىلىگىن جوعارىلاتىپ، قاتىناس-تاسىمال سالاسىنداعى دامۋدىڭ ٴار كەلكى، تولىق بولماۋى ماسەلەسىن كۇش سالا شەشۋ كەرەك . اينالىم جاعدايى جاقسى، باسقارۋى ٴونىمدى، كاسىپ سالاسىنىڭ دامۋ زاڭدىلىعىنا ۇيلەسەتىن ىستەردى قورىتىندىلاپ جانە تۇراقتاندىرىپ، ورىن تەپكەن ىستەردى رەتتەۋ جانە كەمەلدەندىرۋ كەرەك.


    «جوبادا» مىنالار باسا دارىپتەلدى: ٴار قايسى رايوندار مەن تاراۋلار ۇيىمدىق باسشىلىقتى جانە سايكەسۋدى شىنايى كۇشەيتىپ، مەجە ەسەپتى ورنالاستىرۋ مەن قارجى قوسۋ جوسپارىن بەلگىلەمە بويىنشا ويداعىداي ىستەۋى كەرەك.

اۋدارعان: ٴسانيا قازەك قىزى