يۇننان، لياۋنيڭ، شيزاڭ سياقتى كوپتەگەن جەر «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ » تاقىرىپتىق تاربيەسىن ورىستەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2019-07-12 10:15:00

ءوز حابارىمىز. يۇننان، لياۋنيڭ، شيزاڭ سياقتى كوپتەگەن جەر تاياۋدا «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ » تاقىرىپتىق تاربيەسىن ورىستەتىپ، پارتيالى كادرلاردى وسى تانىمدى اناعۇرلىم بەرىك ورناتۋعا، حالىقتى وزەك ەتۋ يدەياسىنان اۋىتقىماۋعا تاربيەلەپ جانە جەتەكتەپ، بۇقارانىڭ ءتول مۇددەسىن قورعادى.


يۇننان ولكەسى كۇنميڭ قالاسىنىڭ ديانچى رايونى ماڭىندا، بۇقارانىڭ اشكەرەلەۋىن تاپسىرىپ العان زاڭ اتقارۋ قىزمەتكەرلەرى جاڭبىرعا قاراماي تەكسەرۋ جۇرگىزىپ، ءبىر مەترو جۇمىس ورنىندا بەلگىلەمەگە قايشى سۋ ىعىستىرۋ ارەكەتىن دەركەزىندە بايقاپ، توستى. كۇنميڭ قالاسىنىڭ كوپتەگەن تاراۋلارى تاياۋدا «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىن جەتەكشى ەتىپ، توراپتانعان جالپىلىق باقىلاۋ قولباسشىلىق ورتالىعى ارقىلى 1300 دەن استام اشكەرەلەۋدى تاپسىرىپ الىپ، 2600 ادام ـ رەتتەن استام زاڭ اتقارۋ قيمىلىن ورىستەتتى. كۇنميڭ قالاسى ديانچى رايوندىق باسقارۋ مەكەمەسى جالپىلىق زاڭ اتقارۋ باس اترەتىنىڭ باستىعى جاڭ يۇڭ بىلاي دەدى: قالا تۇرعىندارى ءبىرشاما كوڭىل ءبولىپ وتىرعان كەيبىر قۇرىلىس نىساندارىندا تاعى دا وسىنداي جاسىرىن سۋ ىعىستىرۋ جايتتەرى ساقتالىپ وتىر، رايوندىق ءارقايسى اترەتتەرىمىز مۇقيات تەكسەرىپ، باقىلاپ، بايقالىسىمەن قاتاڭ ءبىرجايلى ەتۋدە.


لياۋنيڭ ولكەسى نىسانانى نىشان ەتۋ مەن ماسەلەنى نىشان ەتۋدى ۇشتاستىرۋعا تاباندى بولىپ، ولكە، قالا، اۋدان سىندى 3 دارەجەلى ورىندار بىرلەسىپ، «ارىز ـ ارمان قىزمەتىندەگى كورنەكتى ماسەلەلەر» مەن «ساۋدا ورتاسى قۇرىلىسىنداعى كورنەكتى ماسەلەلەر» سىندى 2 ارناۋلى جونگە سالۋدى ءىس جۇزىندىك جاعدايمەن ۇشتاستىرىپ ورىستەتتى. لياۋنيڭ ولكەلىك حالىق ىستەرى مەكەمەسى ورگان پارتكومىنىڭ ارناۋلى ورىنباسار شۋجيى ۋي گۋاڭ بىلاي دەدى: «ورگانداعى پارتيالى كادرلاردىڭ پارتيانى جاپپاي قاتاڭ جونگە سالۋ، بۇقارامەن تىعىز بايلانىس ورناتۋ، قىزمەت مىندەتىن تىڭعىلىقتى اتقارۋ، جاۋاپكەرشىلىكتى ادا ەتۋ سياقتى جاقتارداعى پارقى مەن جەتەرسىزدىكتەرىن كۇش سالا وڭاپ، پارتيالى كادرلاردى وسى جاعىنداعى تانىمدى اناعۇرلىم بەرىك ورناتىپ، حالىقتى وزەك ەتكەن دامۋ يدەياسىن شىڭداۋعا تاربيەلەۋ ءارى جەتەكتەۋ كەرەك.


شيزاڭ اسكەري رايونىنىڭ ارميا تاريحى سارايىندا «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى جۇرگىزىلدى. قىرۋار باعالى مادەني مۇرالار جونىندەگى حۇجات - ماتەريالدار حالىق ازاتتىق ارمياسىنىڭ 60 نەشە جىلدان بەرگى شيزاڭدى ازات ەتۋ، شيزاڭدى قورعاۋ، شيزاڭدى گۇلدەندىرۋ سىندى شۇعىلالى ساتتەرى مەن سۇبەلى ەڭبەكتەرىن شىنايى ايگىلەدى. شيزاڭ اۆتونوميالى رايوندىق ءتارتىپ تەكسەرۋ كوميتەتى باس حاتشىسىنىڭ ورىنباسارى، باقىلاۋ ـ تەكسەرۋ كوميتەتىنىڭ مۇشەسى سىرىن ۋاڭدۇي بىلاي دەدى: كوممۋنيستىك پارتيا مۇشەلەرىنىڭ اۋەلگى ماقسات پەن بورىشتى ۇمىتۋىنا بولمايدى. پارتيا ۋستاۆى مەن نەگىزگى زاڭنىڭ بىزگە جۇكتەگەن مىندەتىن ادالدىقپەن وتەپ، وتاننىڭ تۇتاستىعىن قورعاۋ، ۇلتتار ىنتىماعىن كۇشەيتۋ، بولشەكتەۋشىلىككە قارسى تۇرۋ، سونداي-اق ءتارتىپ جاعىنان كەپىلدىك ەتۋ كەرەك.