مەملەكەتتىك كەڭەستىڭ اقپارات كەڭسەسى جاڭا داۋىردە جوعارى ساپالى، قارىشتاپ دامىعان يۇننانعا نازارىن شوعىرلاندىردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-13 09:43:00


    ٴوز حابارىمىز: مەملەكەتتىك كەڭەستىڭ اقپارات كەڭسەسى 8-ايدىڭ 12-كۇنى ولكە، اۆتونوميالى رايون، توتە قاراستى قالالاردىڭ جەلىلەس اقپارات جاريالاۋ ٴماجىلىسىن اشىپ، جاڭا داۋىردەگى جوعارى ساپالى، قارىشتاپ دامىعان يۇننانعا نازاردى شوعىرلاندىردى.

    وزگەشە تارتىمدىلىعىمەن جۇرتتى باۋراعان ەلىمىزدىڭ باتىس وڭتۇستىگىندەگى وسى مەرۋەرتتەي جارقىراعان مەكەن كوركەم كورىنىسىمەن ادامداردى ٴتانتى ەتىپ قانا قالماستان، بۇگىنگى كۇندە دە وراسان زور ىشكى كومەسكى كۇشىن ايگىلەۋدە. يۇننان ولكەلىك پارتكومنىڭ شۋجيى، يۇننان ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى چىن حاۋ بىلاي دەپ تانىستىردى: پارتيانىڭ 18 ـ قۇرىلتايىنان بەرى، يۇننان ولكەسىنىڭ ەكونوميكالىق جالپى مولشەرى بۇكىل ەلدەگى 24 ـ ورىننان 2018 ـ جىلى مەملەكەت بويىنشا 20 ـ ورىنعا كوتەرىلدى، 2013 ـ جىلدان 2018 ـ جىلعا دەيىن بۇكىل ولكەدەگى 7 ميلليون 70 مىڭ كەدەي تۇرعىن كەدەيلىك قامىتىن تاستادى. يۇننان ولكەسى مەملەكەتتىڭ دامۋ ستراتەگياسىنا ىرىقتىلىقپەن قىزمەت ەتىپ ٴارى وعان توعىسىپ، سەكىرمەلى دامۋ جولىن اشتى.


    يۇننان ولكەسى ۇلتتار ىنتىماعى العاباسارلىعىنداعى ۇلگىلى رايون قۇرىلىسىن بار كۇشپەن ىلگەرىلەتىپ، ۇلتتىق رايونداردىڭ نەگىزگى دامۋ كورسەتكىشىنىڭ جىلدىق ورتاشا ارتۋ مولشەرى كوپ جىلدان بەرى تۇتاس ولكەنىڭ ورتاشا دەڭگەيىنەن جوعارى بولدى. كەيبىر از ۇلتتار بايىرعى ٴوندىرىس، تۇرمىس تاسىلىنەن سوتسياليزمگە توتە ٴوتىپ، جاپپاي دوڭگەلەك داۋلەتتى قوعامعا قادام تاستادى. چىن حاۋ بىلاي دەدى: ۇلتتىق رايوندارداعى كەدەيلەر جان سانى 2012 ـ جىلعى 4 ميلليون 260 مىڭ ادامنان 2018 ـ جىلى 865 مىڭ ادامعا ازايدى. دۋلۇڭ ۇلتى، جينو ۇلتى، دى ـ اڭ ۇلتى تەگىس كەدەيلىكتەن قۇتىلدى.

اۋدارعان: امانتاي مۇسايىپ ۇلى