ەكى ءماجىلىستىڭ مەنىمەن قانداي قاتىسى بار؟
0
2017-03-08 16:19:00
|
كەلۋقاينارى:
|
جاۋاپتى رەداكتور :

 

«ەكى ءماجىلىستىڭ مەنىمەن قانداي قاتىسى بار؟» دەۋشىلەرمەن بۇگىن «ورتالىق راديو ستانسياسياسىنىڭ جاڭا اۋەن» باعدارلاماسى اڭگىمەدە بولادى.

 

بىرنەشە كۇننەن بەرى، استانامىز بەيجيڭدە ەكى ءماجىلىس اشىلىپ جاتىر. ولاي بولسا ەكى ءماجىلىستىڭ جاي بۇقارامەن قانداي قاتىسى بار؟ «ورتالىق راديو ستانسياسىنىڭ جاڭا اۋەن» باعدارلاماسى بۇگىن ءدال وسى ماسەلەنى ارقاۋ ەتىپ، سىزدەرمەن اڭگىمەدە بولماقشى.

 

 

ءبىرىنشى: وسى جىل ىشىندە ۇيالى تەلەفوننىڭ مەملەكەت ىشىندەگى سويلەسۋ اقىسى مەن الىس ارالىق اقىسى ءبىرتۇتاس الىنبايدى.

 

بيىلعى ۇكىمەت قىزمەت بايانداماسىندا:« وسى جىل ىشىندە ۇيالى تەلەفوننىڭ مەملەكەت ىشىندەگى سويلەسۋ اقىسى مەن ۇزاق جولدى اقىسى ءبىر تۇتاس الىنباۋى، ورتا جانە شاعىن كاسىپورىنداردىڭ توعىسپالى تورىن توعىستىرۋ اقىسى، تەلەفون اقىسى تومەندەتىلۋى كەرەك» دەلىنگەن.

 

جۇڭگو جىلجىمالى حابارلاسۋ، جۇڭگو تەلەگراف، جۇڭگو بىرلەسپە حابارلاسۋ قاتارلى ءۇش اينالىم سەرىكتىگى 6-ناۋرىز كۇنى مەملەكەتتىك كەڭەستىڭ اقپارات كەڭسەسىندە وتكىزىلگەن مەملەكەتتىك كەڭەستىڭ ساياساتتارىنان قۇلاق قاعىس ەتۋ جينالىسىندا، بيىل قازاننىڭ 1-كۇنىنەن باستاپ، بارلىق ۇيالى تەلەفوننىڭ مەملەكەت ىشىندەگى سويلەسۋ اقىسى مەن الىس ارالىق اقىسى ءبىر تۇتاس الىنبايتىندىعى ايتىلدى.

 

ٴوزىڭ ايتشى، بيىلعى 1-قازاننان باستاپ « جىل بويعى ۇيالى تەلەفوننىڭ مەملەكەت ىشىندەگى سويلەسۋ اقىسى مەن الىس ارالىق اقىسى ءبىر تۇتاس الىنبايدى» دەگەن بۇل ءىس سىزبەن ەشقانداي قاتىسسىز با؟ ۇنەمى قىزمەت بابىمەن ساپاردا جۇرەتىن ادامدار ءۇشىن، بۇل ءبىر جاعىمدى حابار. بۇدان كەيىن ىسساپارعا شىققاندا، الىس ارالىقتى تەلەفون اقىسى الىناتىن بولدى دەپ الاڭدامايتىن بولدىڭىز. جۇمىس بابىمەن جۇرگەندە تەك تەلەفون اقىسىنا كەتەتىن اقشاڭىزدان-اق بىراز نارسە ىركىپ قالارىڭىز انىق.

 

 

ەكىنشى: دارىگەرگە كورىنۋ جانە ەمدەلۋ جايىندا. اس ادامنىڭ ارقاۋى، بۇل جالعاندا اۋىرىپ-سىرقامايتىن جان پەندەسى بولماس. ءبىراق، ەمدەلۋ، ەسەپتەن كوتەرۋ قيىنعا سوعىپ، وسى ءىس قالىڭ حالىق بۇقاراسىنىڭ ۋايىمىنا اينالعان-دى. الايدا قالا-قالاشىق ەمدەلۋ قامسىزداندىرۋىنىڭ پايدا بولۋىمەن، مەيلى قالا تۇرعىنى، الدە اۋىل ادامدارى بولسىن، ءبىر ءبولىم ءدارى-دارمەك قاراجاتىن ەسەپتەن كوتەرگىزەتىن بولىپ، بۇقارانىڭ اۋىرتپالىعىنىڭ جەڭىلدەۋىنە سەپ بولدى. ءبىز بۇگىن سىزدەرمەن مىنا ءبىر قۋانىشتى حابارمەن ورتاقتاسايىق دەپ وتىرمىز، سويتىپ «قالا-اۋىل تۇرعىندارىنا ەمدەلۋگە بەرىلەتىن قازىنالىق كومەك قاراجاتى 450 يۋانعا جوعارىلايتىن بولدى».

 

زۇڭلي بايانداماسىندا:«ءار جىلى قالا-اۋىل تۇرعىندارىنا بەرىلەتىن قازىنالىق كومەك قاراجاتى 420 يۋاننان 450 يۋانعا، سونىمەن قاتار جەكەنىڭ اقشا تاپسىرۋ ولشەمىن جوعارىلاتىپ، ءدارىنى قامسىزداندىرۋ كولەمى كەڭەيتىلەدى» دەلىندى.

 

ەمدەلۋدى قامسىزداندىرۋ ولشەمىنىڭ جوعارىلاۋى مەن ەمدەلۋدى قامسىزداندىرۋ مازمۇنىنىڭ ۇزدىكسىز كوبەيۋى، حالىق بۇقاراسىنىڭ اقاۋسزدىعىنىڭ كەپىلى. وندا، بۇل ءىس تە سىزبەن قاتىستى بولىپ وتىرعان جوق پا. مۇمكىن بۇدان كەيىن ەمدەلۋدى كوتەرەگە الۋ سالىستىرماسى بارعان سايىن ارتىپ، اۋىرتپالىعىڭىزدىڭ جەڭىلدەمەسىنە كىم كەپىل.

 

 

ءۇشىنشى: «ورتالىق راديو ستانسياسىنىڭ جاڭا اۋەن» باعدارلاماسى سىزدەرگە وقۋ-اعارتۋ جايىندا ايتپاقشى: مەملەكەت «قالا-اۋىل مىندەتتى وقۋ اعارتۋدىڭ ساياسىندا وقىپ جاتقان وقۋشىلار ءۇشىن ‹ەكىنى كەشىرىم ەتۋ، ءبىردى تولىقتاۋ› ساياساتتىن» ءبىر تۇتاس اتقارماقشى.

 

زۇڭليدىڭ قىزمەت بايانداماسىندا:«ادىل، ساپالى وقۋ-اعارتۋدى جاقسارتۋ، قالا-اۋىل مىندەتتى وقۋ اعارتۋدىڭ ساياسىندا وقىپ جاتقان وقۋشىلار ءۇشىن ‹ەكىنى كەشىرىم ەتۋ، ءبىردى تولىقتاۋ› ساياساتتىن» ءبىر تۇتاس اتقارىپ، قالا-اۋىلداردا مىندەتتى وقۋ-اعارتۋدىڭ الەۋمەتتىك قىزمەت وتەۋ جۇمىسن جاپپاي جالپىلاستىرۋ، ءتۇيىندى جوعارى مەكتەپتەردىڭ كەدەي اۋىل-قىستاقتاردان وقۋشى قابىلداۋ جۇمىسىن ۇزدىكسىز جۇرگىزۋ» ايتىلدى.

 

بۇل يگى ءىس جونىندە، مەملەكەتتىك حالىق قۇرىلتايىنىڭ ۋاكىلى شيڭ كىجى:«قالا مەن اۋىلدىڭ وقۋ-اعارتۋ دەڭگەيىن ءبىر تۇلعالاندىرۋ. اۋىل-قىستاقتاعى وقۋشىلاردىڭ وقۋ اقىسىن كەشىرىم ەتۋ ءتاسىلى ارقىلى، سەميالىق تۇرمىس جاعدايىن جوعارىلاتۋ. قوعامىنىڭ نازارىن اۋىل-قىستاق وقۋ-اعارتۋىنا بۇرىپ، وقۋ-اعارتۋ ارقىلى اۋىل-قىستاقتاعى وقۋشىلاردىڭ تاعدىرىن وزگەرتۋ كەرەك» دەدى. ويلاپ كورىڭىز، بالكىم، بۇل يگىلىكتەن ءسىز يگىلىكتەنە الماساڭىز دا، بالالارىڭىز ءۇشىن تىڭ باستاما، جارقىن جول بولىپ، بالاڭىزدىڭ تاعدىرىن وزگەرتەتپەسىنە كىم كەپىل.

 

 

كاسىپتەنۋ ماسەلەسى قازىرگى ۋاقىتتا ەڭ باس اۋىرتار جۇمىس بولىپ وتىر. كاسىپتەنۋدىڭ قيىن بولۋى، قازىرگى تاڭداعى قوعامدىق ماسەلەردىڭ ءبىرى. بالىكىم، ءسىزدىڭ بالاڭىز ءدال وسى ءىس جونىندە ۋايىمداپ جۇرگەن شىعار.

 

تورتىنشى، ءبىز ءدال وسى جايىندا سىزدەرمەن اڭگىمەدە بولامىز: بيىل «قالا-قالاشىقتاعىلاردىڭ جۇمىستانۋ مولشەرى 11 ميلليوننان اسادى».

 

زۇڭلي قىزمەت بايانداماسىندا:« قالا-قالاشىقتاعىلاردىڭ جۇمىستانۋ مولشەرى 11 ميليوننان اسىپ، جۇمىسىزدىق سالىستىرماسى %4.5 ىشىندە بولادى» دەپ ايتتى.

 

11 ميلليون، بالكىم ءبىز سياقتى ءبىر ميلليارد 300 ميلليون جان سانى بار الىپ شاڭىراق ءۇشىن، ەشتەڭە دە ەمەس شىعار. ءبىراق وسى بىرنەشە جىلدا ەكونوميكالىق قىسىم ارتقان جاعدايدا، جۇمىستانۋ ورايىنا قول جەتكىزۋ، وڭاي ناتيجە ەمەس. 11 ميلليون دەگەنىمىز جاي سيفر عانا ەمەس، ونىمەن تالاي ماسەلە شەشىلەدى.

 

 

بەسىنشى، «ورتالىق راديو ستانسياسىنىڭ جاڭا اۋەن» باعدارلاماسى سىزدەرگە تۇرعىن ءۇي جايلى سىر شەرتەدى.

 

تۇرعىن ءۇي ماسەلەسىنىڭ قيىن بولۋىنان، قانشاما وتباسى، وزدەرىنە ءتان جايلى ۇيلەرى بولۋىن ارماندايدى دەسەڭىزشى. زۇڭلي لي كىچياڭ بايانداماسىندا:«بيىل جانە دە كونە ءۇيلەردىڭ ورنىنا 6 ميلليون تۇرعىن ءۇي سالامىز» دەيدى. بالكىم، وسى 6 ميلليون ءۇيدىڭ ىشىندە، ءسىز ارمانداعان ۇي دە بار شىعار-اۋ.

 

2017-جىلعى ۇكىمەت قىزمەت بايانداماسىن اشقانىمىزدا، حالىقتىڭ باياشات تۇرمىسى ءۇشىن ازىرلەنگەن ابزال ساياساتتاردى كورەمىز. حالىق تۇرمىسى ۇكىمەتتىڭ تابان تيەر تياناعى، ول پارتيا مەن ۇكىمەتتىڭ ەڭ كوڭىل بولەتىن جۇمىسى. ەكى ءماجىلىستىڭ كوڭىل بولەتىنى دە تاعى دا سول قالىڭ حالىق بۇقاراسىنىڭ تۇرمىسى، ولار حالىق بۇقاراسىمەن بارعان سايىن ەتەنە بولىپ، بۇقاراعا جىلۋىن بارىنشا توگىپ كەلەدى.

 

ءجا، وندا بۇگىنگى اڭگىمەمىز وسىعان دەيىن بولسىن، جالعاسىن ەرتەڭگە قالدىرامىز. ەسەن-ساۋ تۇرىڭىزدار.

未标题-1.jpg
11.jpg
00.jpg
QQ图片20170221085555.jpg
ٴتىلشىمىز-مەملەكەتتىك-ساياسي-كەڭەستىڭ-مۇشەسى-ٴسامات-ماماتپەن-بىرگە.jpg