كەدەيلىكتەن قۇتىلدىرۋدان قامال الۋداعى حۇڭحى اۋدانى
0
2017-06-28 10:59:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك



    ءوز ءتىلشىمىز ايناگۇل تولەگەن قىزى حابارلايدى. پارتيا مەن ۇكىمەت از ۇلت رايوندارىنداعى كەدەيلەر جان سانى مەن كەدەي رايونداردىڭ تاريحىنا باسا ءمان بەرىپ، باس شۋجي شي جينپيڭ 18-قۇرىلتايدان بەرى كوپتەگەن ۇلتتىق رايونداردا تەكسەرۋدە بولىپ، كەدەيلىكتەن قۇتىلدىرۋدان قامال الۋدا ءبىرسىپىرا نۇسقاۋلار كورسەتتى. اسىرەسە 2013-جىلى 3-قاراشادان 5-قاراشاعا دەيىن حۋناننىڭ شياڭشيندا تەكسەرۋدە بولعاندا: شىندىقتى ءىس جۇزىنەن ىزدەۋ، جاعدايعا قاراي ءىس كورۋ، تۇرگە ءبولىپ جەتەكشىلىك ەتۋ، كەدەيلەردى دالمە ءدال سۇيەمەلدەۋ سىندى كەدەيلىكتەن قۇتىلدىرۋدان قامال الۋدىڭ جەتەكشىلىك پرينسپىن ورتاعا قويدى. بۇل جولعى ساپارىمىز وسى ماقساتتى ۇيتقى ەتە وتىرىپ ورتالىق حالىق راديو ستانسياسىنىڭ ۇلتتار راديو توراپ بەكەتىنىڭ «ايبىندى ۋادە» اتىنداعى تىلشىلىك گرۋپپاسىنداعىلار يۇننان ولكەسىنە جول تارتىپ ماۋسىمنىڭ 27-كۇنى يۇننان ولكەسىنىڭ حۇڭحى حانيزۋ اۆتونوميالى وبلىسى حۇڭحى اۋدانىنا جەتتىك.



    حۇڭحى اۋداندىق ۇگىت ءبولىمنىڭ ورىنباسار باستىعى جاڭ حۇي بىلاي دەدى: يۇننان ولكەسى از ۇلت كەڭ تارالعان، تاريحي جاعراپيالىق ورتاسى، قاتىناسى سىندى فاكتورلاردىڭ شەكتەمەسىنە ءجيى ۇشىرايتىن، كەدەيلىكتەن قۇتىلدىرۋدان قامال الۋ قىزمەتىندە ەرەكشەلىككە يە ماڭىزدى جانە ۋاكىلدىك مانگە يە رايون. حۇڭحى وبلىسى يۇننان ولكەسىنىڭ مەشەۋ وبلىستارىنىڭ ءبىرى بولىپ، ۆەتنامنىڭ شەكاراسىنا 848 كيلومەتر شالعايدا ورنالاسقان، شەكارالاس، از ۇلتتىق، توڭكەرىس رايونى، ۆەتنام مەن ءبىر تۇلعالانعان، بۇل جەردىڭ دامۋ ەرەكشەلىگى حۇڭحى وزەنىن شەكارا ەتكەن، وڭتۇستىك سولتۇستىكتىڭ دامۋى بىركەلكىسىز، وڭتۇستىكتەگى 6 اۋدانعا از ۇلتتار شوعىرلى قونىستانعان سونداي-اق كەدەيلىكتەن قۇتىلدىرۋدان قامال الۋدى تۇيىن ەتكەن رايون. «حۇڭحى حاني ساتىلى اتىزى» دۇنيە مادەنيەت مۇراسىنىڭ ماڭىزدى بولەگى، جەر جاعدايى تاۋلى رايوندى نەگىز ەتەدى، تەڭىز دەڭگەيىنەن بيىكتىگى 2746 مەتر، 5 قالاشىق، 8 اۋىلدان قۇرالادى. حانزۋ، حاني، يزۋ، دايزۋ، ياۋزۋ قاتارلى 5 ۇلتتان قۇرالعان بولىپ، حاني ۇلتى 79.5 پروتسەنتىن ۇستايدى كەدەيلىكتەن قۇتىلدىرۋدا قامال الۋداعى جوبامىز 2020-جىلعا دەيىن، قازىر جان باسىندىق كىرىس ورتاشا ەسەپپەن 3200 يۋاننان استى. وقۋ جاسىنداعى بالالاردىڭ مەكتەپكە تۇسىپ وقۋى، قوعامدىق قامسىزداندىرۋ، ەمدەۋ دەنساۋلىق ساقتاۋ جاعىنداعى ءتيىمدى ساياساتتاردى تولىق ىسكە اسىردىق.



    ۇلت مۇراعاتىن ۇلاعاتتاۋشى ۋ جىميڭ ۇستاز جوعالۋعا قاراي بەتالىپ بارا جاتقان ۇلت مۇراسىن جالعاستىرۋداعى ىستەلگەن قىزمەتتەر مەن جەتىستىكتەرگە ايالداي كەلىپ بۇدان كەيىنگى ۇلت مادەنيەت جاعىنداعى ىستەۋگە ءتيىستى ويلارىمەن ءبولىستى.



    حۇڭحى اۋدانى يسا قالاشىعىنداعى ەجەلگى قۇرىلىستاردىڭ سالىنۋ تاريحىمەن تانىسپ سول كەزدەگى اتتى كەرۋەندىكتەردىڭ كەيىنگىلەرگە قالتىرىپ كەتكەن رۋحىنان شابىت الساق، ءبىر جاعىنان حاني ۇلتىنىڭ ۇلت مۇراسىن ۇلاعاتتاعان ىزگى ىستەرىنە ءتانتى بولدىق. 

    تومەندە ورتالىق حالىق راديو ستانسياسىنىڭ تىلشىلەرى شى حاۋشين مەن لي شۋايدىڭ ۇشقىشسىز ايروپلانمەن حۇڭحى اۋدانىنىڭ كەڭىستىگىنەن تۇسىرگەن كەسكىنن تاماشالاڭىزدار



حابارعا قاتىستى سۋرەتتەر


5555.jpg
55.jpg
777777.jpg
77.jpg
5555555.jpg