جاڭ گاۋلي 14-كەزەكتى جۇڭگو-شىعىس وڭتۇستىك ازيا ەلدەر وداعى كورمەسىنە قاتىناسقان شىعىس وڭتۇستىك ازيا ەلدەر ودا
0
2017-09-12 10:43:00
|
كەلۋقاينارى:
|
جاۋاپتى رەداكتور :

 

    ٴوز حابارىمىز: ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گاۋلي 11-قىركۇيەك كۇنى گۋاڭشيدىڭ ناننيڭ قالاسىندا 14-كەزەكتى جۇڭگو-شىعىس وڭتۇستىك ازيا ەلدەر وداعى كورمەسىنە جانە جۇڭگو-شىعىس وڭتۇستىك ازيا ەلدەر وداعىنىڭ ساۋدا ىستەر-قارجى قوسۋ ماجىلىسىنە قاتىناسۋعا كەلگەن برۋنەيدىڭ سۇلتانى حاساننار، كامبودجانىڭ باس ٴۋازىرى حۇڭسىن، ۆەتنامنىڭ تۇراقتى ىستەرگە جاۋاپتى ورىنباسار زۇڭليى جاڭ حىپيڭ، لاوس زۇڭليىنىڭ ورىنباسارى سۇڭساي جانە قازاقستاننىڭ ٴبىرىنشى ورىنباسار زۇڭليى مامين اسقاروۆ قاتارلىلارمەن جەكە-جەكە كەزدەستى.

 

برۋنەيدىڭ سۇلتانى حاساننارمەن كەزدەسكەندە جاڭ گاۋلي بىلاي دەدى: برۋنەي بيىلعى جۇڭگو-شىعىس وڭتۇستىك ازيا ەلدەر وداعى كورمەسىندەگى باستى ەل، جۇڭگومەن برۋنەي ٴبىر-بىرىنە سەنىمدى تاتۋ دوستار ٴارى سەلبەستىك سەرىكتەر.

 

 

حاساننار بىلاي دەدى: وسى رەتكى ساپاردا جۇزگە تارتا كاسىپورىنشى باستاي كەلدىم، جۇڭگو كاسىپورىنشىلارىنىڭ دا برۋنەيگە قارجى قوسۋىن قارسى الامىن. برۋنەي جۇڭگومەن سەلبەستىكتى اناعۇرلىم ىلگەرىلەتىپ، برۋنەيدىڭ جۇڭگونىڭ شىعىس وڭتۇستىك ازيا وداعىنا تۇتاساتىن قاقپاسى بولۋىن قالايدى.

 

كامبودجانىڭ باس ٴۋازىرى حۇڭسىنمەن كەزدەسكەندە، جاڭ گاۋلي بىلاي دەدى: كامبودجا جۇڭگومەن شىعىس وڭتۇستىك ازيا ەلدەر وداعىنىڭ دوستىق سەلبەستىگى ٴۇشىن ەسەلى ۇلەس قوستى، جۇڭگو مۇنى ايىرىقشا القايدى. جۇڭگو كەلەر جىلعى جۇڭگو-شىعىس وڭتۇستىك ازيا ەلدەر وداعىنىڭ ستراتەگيالىق سەرىكتەستىك قاتىناسى قۇرىلعاندىعىنىڭ 15 جىلدىعىن وراي ەتىپ، شىعىس وڭتۇستىك ازيا ەلدەر وداعىمەن اناعۇرلىم تىعىز تاعدىرلاس ورتاق تۇلعا قۇرۋعا پەيىل. حۇڭسىن بىلاي دەدى: كەلەر جىلى كامبودجامەن جۇڭگو دەپلوماتيالىق قاتىناس ورناتقاندىعىنىڭ 60 جىلدىعى. كامبودجا «ٴبىر بەلدەۋ، ٴبىر جول» قۇرىلىسىنا بەلسەنە ات سالىسىپ، كامبودجانىڭ اۋىل شارۋاشىلىق ونىمدەرىنىڭ جۇڭگوعا ەكسپورتىن كەڭەيتۋدى قالايدى.

 

 

ۆەتنامنىڭ تۇراقتى ىستەرگە جاۋاپتى ورىنباسار زۇڭليى جاڭ حىپيڭمەن كەزدەسكەندە جاڭ گاۋلي بىلاي دەدى: جۇڭگو جۇڭگو-ۆەتنام قاتىناسىنا ايىرىقشا ٴمان بەرەدى، ۆەتناممەن بىرگە قۇلشىنىپ، ەكى جاقتىلى جوعارى جىكتەگى اۋىس-كۇيىستى تاماشا جوسپارلاپ، تەڭىز بەيبىتشىلىگى پەن ورنىقتىلىعىن ويداعىداي قورعاۋعا پەيىل. جاڭ حىپيڭ بىلاي دەدى: ەكى جاق ەكى ەل باسشىلارىنىڭ ورتاق تانىمىن جاقسى تياناقتاندىرىپ، جوعارى جىكتەگىلەردىڭ بارىس-كەلىسىن كۇشەيتىپ، شارۋاشىلىق-ساۋدا، ٴوندىرىس قۋاتى سەلبەستىگىن ىلگەرىلەتۋى كەرەك.

 

لاوس زۇڭليىنىڭ ورىنباسارى سۇڭسايمەن كەزدەسكەندە جاڭ گاۋلي بىلاي دەدى: ەكى جاق «ٴبىر بەلدەۋ، ٴبىر جولدى» بىرگە قۇرۋ جانە كاسىپ قۋاتى قارجى قوسۋ سەلبەستىگىن كۇشەيتۋ كەلىسىمىن ويداعىداي اتقارۋى كەرەك. سۇڭساي بىلاي دەدى: لاوس پەن جۇڭگونىڭ شارۋاشىلىق-ساۋدا، قارجى قوسۋ، دەنساۋلىق ساقتاۋ، نەگىزدىك قۇرىلعى، ساياحات قاتارلى سالالارداعى شىنايى سەلبەستىكتى كۇشەيتۋىن ٴۇمىت ەتەمن.

 

 

قازاقىستان زۇڭليىنىڭ ٴبىرىنشى ورىنباسارى مامين.اسقاروۆپەن كەزدەسكەندە جاڭ گاۋلي قازاقستاننىڭ ەرەكشە ۇسىنىس ەتىلگەن سەلبەستىك سەرىك رەتىندە، جۇڭگو-شىعىس وڭتۇستىك ازيا ەلدەر وداعىنىڭ كورمەسىنە تۇڭعىش رەت قاتىناسقاندىعىن قارسى الدى. مامين. اسقاروۆ بىلاي دەدى: جۇڭگونىڭ ورنالاستىرۋ جاساپ، قازاقستاننىڭ بيىلعى جۇڭگو-شىعىس وڭتۇستىك ازيا ەلدەر وداعىنىڭ كورمەسىندە قازاقىستان ونىمدەرىن كورمەگە قويۋىنا وراي جاراتقاندىعىنا شىن جۇرەكتەن العىس ايتامىن. كەزدەسۋدەن كەيىن، جاڭ گاۋلي مامين. اسقاروۆپەن بىرگە تۇڭعىش كەزەكتى جۇڭگو-قازاقستان جەرلىك سەلبەستىك تالقىسىنا قاتىناستى ٴارى ٴسوز سويلەدى.

 

اۋدارعان: گۇلنۇر قابىلقاق قىزى

 

未标题-1.jpg
00.jpg
00.jpg
00.jpg
企业微信截图_20171130103924.jpg