«19-قۇرىلتاي بايانداماسىنا تۇسىندىرمەنىڭ»، «ۇلى بۇرىلىس-جۇڭگو ەكولوگيالىق ورتانى قورعاۋدا قانداي جۇمىستار ى
0
2017-10-23 09:53:00
|
كەلۋقاينارى:
|
جاۋاپتى رەداكتور :

 

    ٴوز حابارىمىز: حالىق سارايىنىڭ كوپتەگەن زالىنىڭ قابىرعالارىنا تاۋ-وزەن سۋرەتتەرى ىلىنگەن، وسى تاۋ-وزەندەر جۇڭگولىقتاردىڭ مەكەنى، ٴارى ماقتانىشى. جاقىنعى جىلداردان بەرى، سىرتقا شىققاندا اۋارايىنىڭ ساپا كورسەتكىشىن تەكسەرۋ كوپتەگەن ادامنىڭ داعدىسىنا اينالدى، ويتكەنى ٴمولدىر سۋ، اشىق اسپان، تۇنىق اۋادان يگىلىكتەنۋدىڭ ٴوزى تۇرمىستىڭ ٴلاززاتى. «قارىن تويعىزۋدان» «تازا اۋانى قاجەت ەتۋگە» دەيىن، «ٴومىر سۇرۋدەن» «ەكولوگيانىڭ تازا بولۋىنا» دەيىن بارلىعى ادامزات سۇرانىسىنىڭ دامۋىنداعى قاجەتتى زاڭدىلىق سانالادى.

 

تابيعاتقا قۇرمەت ەتۋ قاجەت، باس شۋجي شي جينپيڭ 19-قۇرىلتايداعى بايانداماسىندا كوپشىلىككە تانىس «وزگەرتۋ» دەگەن ٴسوزدى ەمەس، قايتا «قۇرمەتتەۋ»، «ۇيلەسۋ» جانە «قورعاۋ» دەگەن سوزدەردى قولداندى.

 

باياندامادا باس شۋجي سوتسياليستىك وسىزاماندانعان قۇدىرەتتى ەلدى تانىستىرعان كەزدە، قۇلاعىمىزعا ٴۇيىر بولعان «قۇدىرەتتى، دەموكراتيالى، مادەنيەتتى، جاراسىمدى» دەگەن ٴسوزدىڭ سوڭىنا «كوركەم» دەگەن ٴسوزدى قوستى. جۇڭگو ەكولوگياسىنىڭ كوركەم بولۋى سىندى ٴتۇيىن ٴبىزدىڭ ويلاعانىمىزدان اناعۇرلىم ەرتەرەك جۇزەگە اسۋى مۇمكىن.

 

وسى ٴتۇيىندى ويداعىداي اتقارۋ ٴۇشىن، الدىن الا كوپتەگەن قىزمەتتەر ىستەلدى. 9 ميلليون 600 مىڭ شارشى كيلومەتر كەلەتىن ۇلان-بايتاق الاپتا «كوركەم جۇڭگو» جالپى جاعدايىن قۇرۋعا ۇلكەن ورنالاستىرۋ قاجەت. بەس جىلدان بەرى، ىشكى مۇڭعۇلدىڭ ارشان ايماعىنان يۇنناننىڭ ىرحاي كولىنە، چيڭحايدىڭ چارحان تۇزدى كولىنەن حيلۇڭجيانىڭ حيشيازى ارالىنا دەيىن، باس شۋجي شي جينپيڭ قاي جەرگە بارسادا ەكولوگيالىق ورتانى قورعاۋدى باسا دارىپتەدى. ماسەلەن، 2015-جىلدىڭ باس شەنىندە، باس شۋجي شي جينپيڭ داليدا تەكسەرىپ زەرتتەۋ جۇرگىزگەن كەزدە، بايزۋ ۇلتىنىڭ داستۇرلى قىستاعىندا تۇرعىندارعا: وزەن بويى مەن تاۋ باۋرايىنا ورنالاسقان قونىستارىڭىز وتە جايلى ەكەن، بۇل ارانى قيماي تۇرمىن،-دەگەن ەدى.

 

باس شۋجي شي جينپيڭ ىرحاي كولىنىڭ جاعاسىندا توپتىق سۋرەتكە تۇسكەننەن كەيىن: وسى كوركەم كورىنىستى ايالاڭىزدار، نەشە جىلدان كەيىن وسى ارادا تاعى دا سۋرەتكە تۇسسەم دەيمىن، ەگەر بۇل ورتا بۇلىنسە، جاۋاپكەرلىگى قۋزاستىرىلادى،-دەگەن ەدى.

 

تازا تابيعاتتىڭ ٴوزى اسىل بايلىق. 2005-جىلى، جىجياڭ ولكەلىك پارتكومنىڭ شۋجيلىق مىندەتىن وتەگەن شي جينپيڭ سول كەزدە وسى كوزقاراستى ورتاعا قويعان بولاتىن، سەگىز جىلدان كەيىن، شي جينپيڭ قازاقستانداعى نازاربايەۆ ۆەنيۋەرسيتەتىندە وسى ٴسوزدى تاعى دا تىلگە تيەك ەتىپ، سول اراداعى وقىتۋشىلارمەن ستۋدەنتتەردىڭ القاۋىنا يە بولدى.

 

باس شۋجي شي جينپيڭ بىلاي دەدى: بىزگە اسىل بايلىق تا، تازا تابيعات تا قاجەت. بايلىققا بولا تابيعاتتى قۇربان ەتۋگە كەلمەيدى، ويتكەنى تازا تابيعاتتىڭ ٴوزى قىمباتتى بايلىق سانالادى.

 

 

وسى ماڭىزدى تۇجىرىم باس شۋجي شي جينپيڭنىڭ ەكولوگيالىق وركەنيەت جونىندەگى يدەياسىنا سىڭىرىلدى. 2015-جىلى قىركۇيەك ايىندا، ەلىمىزدىڭ ەكولوگيالىق وركەنيەت سالاسىنداعى رەفورمانىڭ ۇلى جوباسى-«ەكولوگيالىق وركەنيەت ٴتۇزىلىس رەفورماسىنىڭ تۇلعالىق پىلانى» جاريالانىپ، ورتا قورعاۋ زاڭى، ەكولوگيالىق ورتانى ٴبۇلدىرۋ جاۋاپكەرلىگىن قۋزاستىرۋ، ورتا قورعاۋدى باقىلاۋ، ەنەرگيا ۇنەمدەپ، بىلعانىشتى ازايتۋ، وزەن باستىقتارىنىڭ اتقاراتىن جاۋاپكەرلىگى قاتارلىلاردىڭ بارلىعى بىرتىندەپ اتقارىلدى، ەكولوگيالىق ورتانى ٴبۇلدىرىپ، اۋىر زارداپ تۋدىرعاندار جونىندە باس شۋجي شي جينپيڭ بىلاي دەدى: ەكولوگيالىق ورتانى كوز قاراشىعىمىزداي ايالاۋىمىز، ەكولوگيالىق ورتانى ومىرىمىزدى قاستەلەرگەندەي مامىلە جاساۋىمىز كەرەك. ەكولوگيالىق ورتانى بۇلدىرگەندەردى قاتاڭ جازالاپ، ەندىگارى باس كوتەرتپەۋ كەرەك.

 

ۇرپاقتاردى تازا تابيعاتتان يگىلىكتەندىرۋ قاجەت، ەكولوگيالىق وركەنيەت جونىندە 19-قۇرىلتاي ۋاكىلدەرى ٴوز ويلارىن تىلگە تيەك ەتتى. فۋجيان ۋاكىلى يۇي ۋيگو، جياڭسۋ ۋاكىلى شى جۇڭجۇن، گۇيجوۋ ۋاكىلى چىن چاڭشۇي، حىبەي ۋاكىلى جوۋ جۇڭميڭ بىلاي دەپ قارادى: ەكولوگيالىق ولشەم مەملەكەتتىڭ باياندى كوركەيىپ-گۇلدەنۋىنىڭ كۇرە تامىرى، مۇنى اتتاپ وتۋگە كەلمەيدى.

 

20 نەشە كۇننىڭ الدىندا «مەملەكەتتىك باقشا ٴتۇزىلىسىن قۇرۋ تۇلعالىق جوباسى» رەسمي جاريالاندى، 2020-جىلعا بارعاندا، جۇڭگونىڭ مەملەكەتتىك باقشاسى قۇرىلادى، سونىمەن بىرگە، شىعىس، ورتا بولەك بيىل جانە كەلەر جىلى كومىر ورتەيتىن ەلەكتر ستانسيالارىنىڭ لاس زاتتاردى ىعىستىرۋ مولشەرىن تومەندەتۋدى جانە ەنەرگيا ۇنەمدەپ جاڭالاۋدى تۇگەلدەي ورىنداپ بولادى. ەكولوگيالىق ورتا حالىق تۇرمىسىمەن بىتە قايناسقان، تازا تابيعات حالىقتىڭ باقىتىمەن تىعىز قاتىستى. ەندەشە ەكولوگيالىق وركەنيەتتە ەرتەڭىمىز اناعۇرلىم نۇرلى بولماق.

 

اۋدارعان: گۇلنۇر قابىلقاق قىزى

 

未标题-1.jpg
00.jpg
00.jpg
00.jpg
企业微信截图_20171130103924.jpg