كوكەيدەگى كوپ سۇراۋعا باياندامادان باياندى جاۋاپ تابىلدى
0
2017-10-24 09:38:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل

 

    پارتيا 19-قۇرىلتايى اشىلۋدا، وندا جۇڭگونىڭ بولاشاقتاعى دامۋ ۇلى جوسپارى جاسالادى، ول ءسىزدىڭ جانە مەنىڭ تۇرمىسىممەن تىعىز قاتىستى.


    «اقشا قاپشىعىم جالعاستى قالىڭداي ما؟»، «ماعان اناعۇرلىم كوپ جۇمىستانۋ ورايى بار ما؟»، «ەمدەلۋ ءتىپتى دە قولايلى بولا ما؟»... مىنە وسى سياقتى كوكەيدەگى كوپ سۇراۋعا 19-قۇرىلتايدىڭ بايانداماسىنان باياندى جاۋاپ تابىلدى.


    1. اقشا قاپشىعىم ۇزدىكسىز قامپايا ما؟


    ەكونوميكانى ارتتىرۋمەن قاتار، تۇرعىنداردىڭ كىرىسىن دە بىردەي ارتتىرۋعا، ەڭبەك ونىمدىلىگىن جوعارىلاتۋمەن قاتار، ەڭبەكاقىنى دا بىردەي ارتتىرۋدى ىسكە اسىرۋعا تاباندى بولۋ كەرەك.


    2. ماعان اناعۇرلىم كوپ جۇمىستانۋ ورايى بار ما؟


    ءاربىر ادامنىڭ قاجىرلى ەڭبەگى ارقىلى وزىندىك دامۋدى ىسكە اسىرۋىنا تاباندى بولۋ كەرەك.


    3. مەندە الاڭسىز تۇراتىن ءۇي بولا ما؟


    «ءۇي ساۋداعا سالۋعا ەمەس، تۇرۋعا ارنالعان» دەگەن تانىمعا تاباندى بولىپ، جالپى حالىقتىڭ تۇرار جايى بولۋىنا مۇمكىندىك تۋدىرۋ كەرەك.


    4. اۋىل-قىستاقتىڭ بالالارى جاقسى مەكتەپكە تۇسە الا ما؟


    ءاربىر بالانى ءادىل ءارى ساپالى ءبىلىم الۋدان يگىلىكتەندىرۋگە قۇلشىنۋ كەرەك.


    5. ەمدەلۋ ءتىپتى دە قولايلى بولا ما؟


    نەگىزگى ساتىنىڭ ەمدەۋ-دەنساۋلىق ساقتاۋعا قىزمەت وتەۋ جۇيەسى مەن امبەباپ شيپاگەرلەر قوسىنىن قۇرۋدى كۇشەيتۋ. شيپاحانانى ءدارى-دارمەك ارقىلى اسىراۋدى بۇكىلدەي كۇشىنەن قالدىرىپ، ءدارى-دارمەكپەن قامداۋدى قامتاماسىزداندىرۋ ءتۇزىمىن كەمەلدەندىرۋ كەرەك.

    
    6 . قارتايعانداعى تۇرمىسىم اناعۇرلىم قامتاماسىز ەتىلە مە؟


    زەينەتكەرلىك قامسىزداندىرۋدى مەملەكەت بويىنشا ءبىر تۇتاس جوسپارلاۋدى تەز ارادا ىسكە اسىرۋ، ەمدەۋ مەن زەينەتكەرلىك قامسىزداندىرۋدى ۇشتاستىرىپ، قارتتار ءىسى مەن قارتتار كاسىبىنىڭ دامۋىن جەدەلدەتۋ كەرەك.


    7. كوگىلدىر اسپان، اقشا بۇلت كورىنەتىن كۇن نەعۇرلىم كوپ بولا ما؟


    اتموسفەرانىڭ بىلعانۋىنان ساقتانۋ جانە ونى وڭاۋعا ۇزدىكسىز تاباندى بولىپ، كوگىلدىر اسپاندى قورعاۋ شايقاسىن جەڭىستى جۇرگىزۋ كەرەك.


    8. جاس بۋىن مەملەكەت قىزمەتكەرلەرىندە اناعۇرلىم كەڭ دامۋ كەڭىستىگى بولا ما؟


    زاپاس جاس كادرلاردى بارىنشا بايقاپ، جاس بۋىن كادرلاردى نەگىزگى ساتىنىڭ ءبىرىنشى شەبى مەن كەدەي، قيىنشىلىعى اۋىر جەرلەردە تاربيەلەپ شىنىقتىرۋعا نازار اۋدارىپ، اماليات سىنىنان وتكەن ۇزدىك جاس كادرلاردى تاڭداپ ءوسىرىپ ىستەتۋدى ۇزدىكسىز جالعاستىرۋ كەرەك.


    9. بازار ورتاسى اناعۇرلىم جاقسى بولا ما؟


    ءبىر تۇتاس بازار مەن ءادىل باسەكەگە كەدەرگى بولاتىن ءتۇرلى بەلگىلەمە جانە ءادىس-ءتاسىلدى اداقتاپ كۇشىنەن قالدىرۋ كەرەك.


    10. جەردى كوتەرمەگە الۋ ۋاقىتى تولعاندا، جالعاستى ۇزارتىلا ما؟


    جەردى كوتەرمەگە الۋ قاتىناسىنىڭ ورنىقتىلىعى ساقتالادى جانە ۇزاق ۋاقىتقا دەيىن وزگەرمەيدى، جەردى 2-كەزەكتى كوتەرمەگە الۋ ۋاقىتى تولعاننان كەيىن تاعى 30 جىلعا ۇزارتىلادى.


    11. كىرىسىم تىم جوعارى ەمەس، دوڭگەلەك داۋلەتتى قوعامعا ءساتتى كىرە الامىن با؟


    كەدەي حالىق پەن كەدەي ءوڭىردى بۇكىل ەلمەن بىرگە دوڭگەلەك داۋلەتتى قوعامعا كىرگىزۋ ــ پارتيامىزدىڭ ايبىندى ۋادەسى.


    12. ءبىز مۇنان دا جاقسى قوعامدىق قامتاماسىزداندىرۋدان يگىلىكتەنە الامىز با؟


    جالپى حالىقتى قامسىزداندىرۋعا قاتىناستىرۋ جوباسىن جاپپاي اتقارۋ. جالپى حالىقتى قامتيتىن، قالا مەن اۋىل ءبىرتۇتاس جوسپارعا الىنعان، ۇقىق پەن بورىشى ايقىن، ۇيلەسىمدى قامتاماسىز ەتىلەتىن، باياندى، كوپ ارنالى قوعامدىق قامتاماسىزداندىرۋ جۇيەسىن قۇرۋ كەرەك.


    13. «جولبارىس سوعۋ، شىبىن قاعۋدىڭ» تەبىنى السىرەي مە؟


    شەكتەلگەن ءوڭىر بولماۋعا، تەگىس قامتۋعا، استە راقىم ەتپەۋگە تاباندى بولىپ، ولارعا قىسىم تۇسىرۋگە، تولاسسىز ۇرەيلەندىرۋگە تاباندى بولىپ، پارا الۋ مەن پارا بەرۋدى بىردەي تەكسەرۋ كەرەك.


    14. جەمقورلار زاڭنان قاعىس قالا ما؟


    جەمقورلار مەيلى قايدا قاشىپ بارسا دا، ءبارى ءبىر تۇتقىندالادى، زاڭ بويىنشا جازالانادى.


    15. مۇنان دا كوپ ادىلدىك مەن ادىلەتتى سەزىنە الامىن با؟


    ءار قانداي ۇيىم مەن جەكەدە نەگىزگى زاڭنان، زاڭ-ەرەجەلەردەن اسىپ تۇسەتىن ەرەكشە ۇقىقتىڭ بولۋىنا، ءسوزىن زاڭنىڭ ورنىنا قويۋىنا، ۇقىعىمەن زاڭدى تۇنشىقتىرۋىنا، پايدانى كوزدەپ زاڭعا قايشىلىق جاساۋىنا، جەكە مۇددەگە بولا زاڭدى بۇزۋىنا مۇلدە جول قويىلمايدى.


    16. رەفورما جاساۋ مەن قاقپانى اشۋدىڭ تابىسى مۇنان دا كوپ بولا ما؟


    جۇڭگونىڭ قاقپاسى اشىق تۇرادى، قايتا جابىلمايدى، بارعان سايىن ايقارا اشىلادى.


    17. ءتىپتى دە كوپ ادەبيەت-كوركەمونەر سارا تۋىندىلارىن كورە الامىز با؟


    ساپاعا، اۋەنگە، جاۋاپكەرشىلىككە ءمان بەرۋدى دارىپتەپ، پاسىق، تۇرپايى، كەرەناۋلارىن باتىل تەجەۋ كەرەك.


    18. ارميامىز بولاشاقتا قانداي بەينەدە بولادى؟


    2035-جىلعا بارعاندا مەملەكەت قورعانىسى مەن ارميانىڭ وسىزاماندانۋىن نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا حالىق ارمياسىن دۇنيە بويىنشا الدىڭعى قاتارداعى ارميا ەتىپ جاپپاي قۇرىپ شىعۋ كەرەك.


    19. مەملەكەتتى بولشەكتەيتىن ەلەمەنتتەرگە وراي بار ما؟


    ءبىز ءار قانداي ادامنىڭ، ۇيىمنىڭ، ساياسي پارتيانىڭ، ءار قانداي ۋاقىتتا، ءار قانداي تاسىلمەن كەز-كەلگەن ءبىر سۇيەم جەرىن جۇڭگو تەرريتورياسىنان ءبولىپ اكەتۋىنە استە جول قويمايمىز.


    حالىقتىڭ تاماشا تۇرمىس قاجەتى جۇڭگو كوممۋنيستىك پارتياسىنىڭ كۇرەس نىساناسى. قانە، جاڭا داۋىردە بىرگە قۇلشىنايىق. 

    (دەرەك كوزى: حالىق گازەتى) 


    اۋدارعان: ساعىنبەك رابات ۇلى (تورابىمىز ۇسىنىس ەتكەن ءتىلشى)

未标题-1.jpg
00.jpg
00.jpg
00.jpg
企业微信截图_20171130103924.jpg