اسىل ارمان ۇكىلى ٴۇمىت
0
2017-10-24 09:43:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل


    ٴوز ٴتىلشىمىز ەرشات سەيىتكامال ۇلى، ۇسىنىس ەتكەن ٴتىلشىمىز ەركىنعازى احىمەتباي ۇلى، مۇقامادي ٴشارىپ ۇلى حابارلايدى. ٴجاميلا ءاشىم قىزى-كۇيتۇن قالالىق كاسىپتىك ورتا تەحنيكوم مەكتەبى بالا باقشا تاربيەسى كاسىبىنىڭ وقۋشىسى، اۋىلدا وسكەن قازاق بويجەتكەنگە حانزۋ ارىپتەرىنىڭ 4 ىرعاعىن ٴدال ٴتۇسىرۋ وڭايعا سوققان جوق، سوندىقتان حانزۋ ٴتىل ٴپانىنىڭ وقىتۋشىسى شىن جيالى مۇعالىم شاكىرتىنە ۇلكەن سابىرمەن، دۇرىس وقي الماعان ارىپتەرىن قايتا – قايتا دۇرىستاپ، جالىقپاي ۇيرەتەدى.


كۇيتۇن قالالىق كاسپتىك ورتا تەحنيكوم مەكتەبى بالا باقشا تاربيەسى كاسىبىنىڭ وقۋشىسى ٴجاميلا ءاشىم قىزى


    ٴجاميلا ٴاشىم قىزىنىڭ تۋىپ وسكەن اۋىلى توعىز تاراۋ اۋدانىنىڭ مۇقىر قىستاعىندا، اكە-شەشەسىنىڭ ٴال اۋقاتى ناشار بولعاندىقتان ۋنيۋەرسيتەت وقۋ ارمانى وزىنەن الىستاپ، اۋەلى مەكتەپتەن قول ٴۇزىپ، ەرتەرەك كاسىپ تاۋىپ ىستەپ، سەمياسىنا كومەكتەسۋدى دە ويلاعان بولاتىن. الايدا مەملەكەتتىڭ از ۇلىت رايوندارىنىڭ وقۋ-اعارتۋ ىستەرىن قولداۋ سىندى ابزال ساياساتىنىڭ كومەگىندە، ٴۇشتى كەشىرىم ەتىپ ٴبىردى تولىقتاۋ سىندى جەڭىلدىك شارالاردىڭ دەمەۋىمەن، ٴجاميلا ٴاشىم قىزى كۇيتۇن قالالىق كاسىپتىك ورتا تەحنيكوم مەكتەبىنە قابىلدانىپ، ٴبىلىم الۋ ارمانىن جالعاستىردى.


    وقۋ-اعارتۋ مەملەكەتتىڭ كوركەيىپ-گۇلدەنۋىندەگى ماڭىزدى فاكتور. پارتيا 19-قۇرىلتايىندا باس شۋجي شي جينپيڭ 18-كەزەكتى ورتالىق كوميتەت اتىنان ماجىلسكە جاساعان بايانداماسىندا مىنالاردى باسا دارىپتەدى: وقۋ − اعارتۋ ىستەرىن الدىمەن دامىتۋ كەرەك. پارتيانىڭ وقۋ − اعارتۋ باعىتىن جاپپاي دايەكتىلەندىرىپ، ونەگەلى ادام تاربيەلەۋ سىندى ءتۇبىرلى مىندەتتى تياناقتاندىرىپ، ساپالىق وقۋ−اعارتۋدى دامىتىپ، وقۋ− اعارتۋداعى ادىلدىكتى جەبەپ، سوتسياليزمنىڭ احىلاق، اقىل−وي، دەنە، ەستەتيكا جاعىنان جان−جاقتىلى جەتىلگەن قۇرۋشىلار مەن ءىزباسارلارىن تاربيەلەۋ كەرەك.


    136 ميلليون يۋان قارجىمەن سالىنعان كوكتوعاي اۋدانى كۇرتى اۋىلى قوس ءتىلدى جاتاقتى ورتالاۋ مەكتەبىندە اۋدانعا قاراستى ءارقايسى اۋىل-قالاشىقتىڭ ەگىنشى-مالشى پەرزەنىتەرى الاڭسىز ءبىلىم الىپ، ارمانعا قانات قاعىپ كەلەدى. اۋىلدى جەردىڭ مەكتەبى دەيتىندەي ەمەس، مۇندا كومپيۋتەر وقىتۋ ءۇيى، اسەمونەر ءۇيى، كىتاپحانا، مۋزىكا وقىتۋ ءۇيى، تاجىريبەحانا قاتارلى قالالى جەردىڭ مەكتەبىندە بولاتىن وسىزاماندانعان قۇرىلعىلاردىڭ ٴبارى تولىق. مەكتەپ باستىعى قايرات قيماتبەك ۇلى: باس شۋجيدىڭ بايانداماسىندا وقۋ-اعارتۋدى الدىمەن دامىتۋ ستراتەگياسى ورتاعا قويىلدى، بۇل ٴبىزدىڭ قوعامعا جارامدى ۇرپاق تاربيەلەۋ سەنىمىمىزدى بەكەمدەدى،-دەدى.


كوكتوعاي اۋدانى كۇرتى اۋىلى قوس ءتىلدى جاتاقتى ورتالاۋ مەكتەبى


    كوكتوعاي اۋدانى كۇرتى اۋىلى قوس ءتىلدى جاتاقتى ورتالاۋ مەكتەبىنىڭ مەكتەپ باستىعى قايرات قيماتبەك ۇلى


    22-قازان تۇستەن بۇرىن، 19-قۇرىلتاي اقپارات ورتالىعىندا 5-رەتكى اقپارات جاريالاۋ ٴماجىلىسى اشىلدى، ماجىلىستە وقۋ-اعارتۋ ٴمينىستىرى چىن باۋشىڭ تىلشىلەرگە بىلاي دەدى: پارتيا 18-قۇرىلتايىنان بەرى، ەلىمىزدىڭ وقۋ-اعارتۋ ىستەرىندە وراسار زور وزگەرىستەر بولدى. وسى بىر نەشە جىلدا «بىردە ٴبىر بالانى وقۋدان قول ۇزدىرمەۋ» پرينسىبىنە تاباندى بولىپ، اۋىل-قىستاققا، كەدەي رايونعا، از ۇلت رايوندارىنا بولعان قوسىلىمدى ارتتىرىپ، 5 جىلدان بەرى، وتباسى قيىنشىلىعى سەبەبىنەن بىردە ٴبىر وقۋشىنى وقۋدان قول ۇزدىرمەۋ سىندى نىسانا نەگىزىنەن ورىندالدى.


 كۇرتى اۋىلى قوس ءتىلدى جاتاقتى ورتالاۋ مەكتەبى 8-جىلدىق 3-كلاس وقۋشىسى كاسيران سەرىك قىزى


    كۇرتى اۋىلى قوس ءتىلدى جاتاقتى ورتالاۋ مەكتەبى 8-جىلدىق 3-كىلاس وقۋشىسى كاسيران سەرىك قىزى دۇرە قالاشىعى اياققى بىتەۋ قىستاعىنداعى تۇرمىسىندا قيىنشلىعى بار وتباسىنان كەلگەن بولىپ، پارتيا-ۇكىمەت، مەكتەپ، قوعامداعى ىزگى نيەتتى جانداردىڭ كومەگىندە قازىر انا مەكتەپ قۇشاعىندا وقۋىن الاڭسىز جالعاستىرىپ، وتاننىڭ، قوعامىنىڭ، مەكتەپتىڭ، اتا-اناسىنىڭ كۇتكەن ءۇمىتىن اقتاۋ ءۇشىن قۇلشىنا ۇيرەنىپ كەلەدى.

جاۋاپتى رەداكتورى: اينۇر گىمىڭعازى قىزى

未标题-1.jpg
00.jpg
00.jpg
00.jpg
企业微信截图_20171130103924.jpg