ون توعىزىنشى قۇرىلتاي بايانداماسىنا تۇسىنىك: سەلبەستىك قانشا كوپ بولسا، جاۋاپكەرشىلىك سونشا كوپ بولادى؟
0
2017-10-24 10:46:00
|
كەلۋقاينارى:
|
جاۋاپتى رەداكتور :

 

    ورتالىق حالىق راديو ستانسياسىنىڭ باقىلاۋشىسى ۋاڭ جيان قۇرىلتاي ناق مايدانىنان كورگەندەرىن ايتىپ بىلاي دەدى: قاربالاس جۇرگەن كاسىپتەس تىلشىلەر اراسىنان جۇڭگولىقتاردان تىس دۇنيەنىڭ جەر-جەرىنەن كەلگەن ٴتىلشى دوستاردى دا كەزدەستىرۋگە بولادى. پارتيا قۇرىلتايى جۇڭگو حالقىنىڭ تۇرمىسىنداعى كەلەلى ٴىس عانا بولىپ قالماستان تۇتاس دۇنيەنىڭ نازارىن اۋداردى. بۇندا مىناداي ەكى سەبەپ بار: ٴبىرى: جۇڭگو جولى-تاماشا دامۋ ونەگەسىن تىكتەدى، جۇڭگونى تۇسىنۋ ٴۇشىن 19-قۇرىلتاي بايانداماسىنان جاۋاپ ىزدەۋ كەرەك. ەندى ٴبىرى: جۇڭگو قازىر دۇنيەمەن بارىنشا توعىستى، جۇڭگونىڭ دامۋى دۇنيەدەن قول ۇزە المايدى، دۇنيەنىڭ ورتاق يگىلىككە كەنەلۋى جۇڭگودان ايىرىلا المايدى.

 

شي جينپيڭ بىلاي دەدى: ەشقانداي ٴبىر مەملەكەت ادامزات جولىققان ٴتۇرلى سايىستارعا دەربەس ٴوزى عانا توتەپ بەرە المايدى، ەشقانداي ٴبىر مەملەكەت قۇرساۋلانعان اۋاشا كۇيدە قالمايدى. ۋاڭ جيان بىلاي دەدى: پارتيا 18-قۇرىلتايىنان بەرى جۇڭگو ديپلوماتياسىندا كوپتەگەن جۇمىستار ىستەلىپ، دۇنيە ساحىناسىنىڭ تورىنەن ورىن الا باستادى. ودان دا ماڭىزدىسى، جۇڭگوشا ٴىرى ەل ديپلوماتياسىنىڭ ىلگەرلەۋىمەن جۇڭگو پاراساتى مەن جۇڭگو جوباسىنىڭ ىقپالى كۇن سايىن تەرەڭدەدى، ٴتوراعا شي جينپيڭنىڭ ادامزاتتىڭ تاعدىرلاس ورتاق تۇلعاسىن قۇرۋ كوزقاراسى حالىقاراداعى دوستاردىڭ القاۋىنا بولەندى. شىت جاڭا داۋىردە شىن پەيىلدى ديپلوماتيالىق كوز قاراس پەن قۇن كوزقاراسى بارعان سايىن الشاقتايدى.

 

ەندەشە شىن پەيىلدى ديپلوماتيالىق كوز قاراس دەگەن نە؟ ٴتىلشى ماچۋاڭ بىلاي دەدى: ٴتوراعا شي جينپيڭنىڭ وسىدان ٴۇش جىل بۇرىن جۇڭگو مەن فرانسيا ديپلوماتيالىق قاتىناس ورناتقاندىعىن ەسكە تۇسىرۋ جينالىسىندا جاساعان لەكسياسى وسى مازمۇندى تولىق تۇسىندىرە الادى. شي جينپيڭ بىلاي دەدى: جۇڭگو سىندى ارىستان ۇيقىسىنان وياندى، الايدا بۇل بەيبتشىلىك، باۋىرمالدىق، وركەنيەت جولىن ۇستانعان ارىستان.

 

ماچۋاڭ بىلاي دەدى: كوركەيۋگە قادام تاستاعان ۇلت قىرۋار دوسقا مۇحتاج. 2012-جىلدىڭ سوڭىندا شي جينپيڭ ج ك پ ورتالىق كوميتەتىنىڭ باس شۋجيى بولعاننان كەيىن سىرتقى ىستەر جايىندا وتكىزىلگەن تۇڭعىش قيمىلدا «ٴوزارا ٴبىر-ٴبىرىن ويلاۋ» سىندى «تاعدىرلاس ورتاق تۇلعا» تانىمىن ورتاعا قويدى. 2015-جىلى قىركۇيەك ايىندا تۇڭعىش رەت مەملەكەت باسشسى سالاۋاتىمەن ب م ۇ نىڭ نيۋ-يورىكتاعى باس ىشتابىندا ساپاردا بولعاندا « ادامزات تاعدىرلاس ورتاق تۇلعاسى» سىندى جۇڭگو پاراساتىن دۇنيەمەن تاعى ورتاقتاستى. بەس جىلدان بەرى ٴتوراعا شي جينپيڭ 28 رەت شەتەلگە شىعىپ، بەس قۇرلىقتاعى 50 نەشە مەملەكەتتە ساپاردا بولدى، «ٴبىر بەلدەۋ ٴبىر جول» دارىپتەمەسى قوماقتى تابىسقا قول جەتكىزدى. بيىل قاڭتار ايىندا ب م ۇ نىڭ جەنەۆاداعى باس ىشتابى «ادامزاتتتىڭ تاعدىرلاس ورتاق تۇلعاسىن ورتاق اقىلداسىپ ورتاق قۇرايىق» دەگەن تاقىرىپتا جوعارى دارەجەلىلەر جينالىسىن وتكىزىپ، اقپان ايىندا « ادامزاتتىڭ تاعدىرلاس ورتاق تۇلعاسىن بىرگە قۇرۋ» تانىمى ب م ۇ نىڭ قاۋلىسىنا رەسمي ەنگىزىلدى.

 

 

شي جينپيڭ بىلاي دەدى: جۇڭگو ٴوزارا تيىمدىلىك جاساپ ورتاق يگىلىككە كەنەلۋدەي ەسىكتى ايقارا اشۋ ستراتەگياسىن جالعاستى اتقارىپ، ٴوزىنىڭ دامۋ ورايىن دۇنيەدەگى ەلدەرمەن ورتاقتاسادى، دۇنيەدەگى ەلدەردىڭ جۇڭگونىڭ دامۋ ورايىنان يگىلىكتەنۋىن قارسى الادى. ٴتىلشى ماچۋاڭ بىلاي دەدى: بيىل جازدا موسكۆاداعى كرەمىل سارايىندا پرەزيدەنت پۋتين رەسەيگە 6-رەت ساپارلاي بارعان ٴتوراعا شي جينپيڭعا رەسەيدىڭ ەڭ جوعارى وردەنى ساينت اندرە وردەنىن ۇسىندى. وسىدان كەيىن شي جينپيڭ: بۇل جەكە ماعان عانا بەرىلگەن داڭىق بولىپ قالماستان رەسەيدىڭ ەكى ەل قاتىناسىنا وسكەلەڭ ٴمان بەرەتىندىگىن جانە رەسەي حالقىنىڭ جۇڭگو حالقىنا بولعان دوستىق سۇيىسپەنشىلىگىن ايگىلەدى، -دەدى.

 

قارسىلاسۋعا قاراعاندا سەلبەستىك، جاراسىمسىزدىققا قاراعاندا ورتاق يگىلىككە كەنەلۋ قاشاندا ماڭىزدى. بۇگىنگى كۇنى جۇڭگو جۇزدەي مەملەكەت جانە حالىقارالىق ۇيىممەن جەرشارى سەرىكتەستىك قاتىناس تورابىن قۇردى، جۇڭگو حيكاياسى، جۇڭگو پاراساتى، جۇڭگو جوباسى وراسان زور باۋراۋ كۇشىن، ىقپال قۋاتىن جانە ومىرشەڭدىك كۇش ايگىلەدى.

 

ٴتىلشى جاڭ ميان ميان بىلاي دەدى: ۋادەنى جەردە قالدىرمايتىن جاۋاپكەر ٴىرى ەل بولعان جۇڭگو دامۋ جولىنداعى ەلدەردىڭ وسىزاماندانۋعا تاستاعان جولىن كەڭەيتىپ، دۇنيەگە جۇڭگو ونەگەسىن تىكتەدى. شانشي ۋاكىلى حۋ حىپيڭ، جياڭشي ۋاكىلى حۋ شىجۇڭ، حىنان ۋاكىلى رۋ جىنگاڭدار بىلاي دەدى: جۇڭگونىڭ دۇنيەدەگى وزگە ەلدەرمەن بىرگە دامۋى جۇڭگو كاسپورىندارى مەن حالقىنا اناعۇرلىم كوپ وراي جاراتتى.

 

حىبەي ۋاكىلى ۋاڭ چاڭ بىلاي دەدى: ەسىكتى ايقارا اشپاعان كاسپورىن دامي المايدى، 19-قۇرىلتايدان كەيىن مەملەكەتتىك كاسپورىندار شەتەلگە بەت السا جاڭا كەزەك دامۋ ورايىن قارسى الاتىن بولادى. جياڭسۋ ۋاكىلى ۋاڭ ميىڭ بىلاي دەدى: ٴبىز مەملەكەتتىڭ «ٴبىر بەلدەۋ ٴبىر جول» دارىپتەمەسىنە ٴۇن قوسىپ، ورايدى مىقتى يگەرىپ، ورنالاستىرۋ قادامىمىزدى تەزدەتۋگە كىرىسەمىز، بۇل ٴبىزدىڭ حالىقارالىق بازاردى تىپتى دە كەڭەيتۋىمىزدەگى ماڭىزدى تۇيىن سانالادى.

 

جىجياڭ ۋاكىلى حۋ چاۋشيا بىلاي دەدى: مەيلى باتىستاعى وركەندەگەن ەلدەرمەن الدە جاڭادان كوركەيگەن شارۋاشىلىق تۇلعالارمەن سالىسترايىق جۇڭگولىقتاردىڭ سەنىمى بارعان سايىن نىعايىپ، كەمەلدەنىپ، وركەنيەتتى بولا باستادى، جۇڭگولىقتاردى بۇرىن-سوڭدى بولىپ كورمەگەن ماقتانش سەزىمى بيلەدى. جاڭ ميان ميان بىلاي دەدى: ەگەر ٴسىز تاياۋدا شەتەلگە شىقپاق بولساڭىز جۇڭگو ازاماتتارىنىڭ ۆيزاسىز نەمەسە بارعان جەرىندە ۆيزا اشۋعا بولاتىن مەملەكەت پەن رايوننىڭ 65 كە ارتقاندىعىن بايقايسىز، يىڭليان بانكە كارتشكاسىمەن اقشا تولەيتىن ساۋدا ورىندارى بارعان سايىن كوبەيىپ، ۇيچات جانە اليپەي قاتارلى جىلجىمالى اقشا تولەۋ ادىسىنە دە وزگەرە باستادى. جۇڭگو پاسپورتىنىڭ بەدەلى بارعان سايىن ارتىپ، ٴىرى ەل ديپلوماتياسى بارشا جۇرتتى يگىلىككە كەنەلدىردى.

 

اۋدارعان: گۇلميرا قوزىقان قىزى

 

 

未标题-1.jpg
00.jpg
00.jpg
00.jpg
企业微信截图_20171130103924.jpg