اقىنداردىڭ ساۋ بولسا ٴتىل مەن جاعى، ماڭگىلىك جىرلانادى جۇڭگو ارمانى
0
2017-11-13 08:51:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىلبەك

    پارتيا 19-قۇرىلتايىن ۇيرەنۋ، ۇگىتتەۋ دايەكتەندىرۋ جونىندەگى «التىن تاۋعا شاشىلعان شۇعىلا» اتتى جەللەس حابار 

    ءوز تىلشىلەرىمىز قاناتبەك جۇماباي ۇلى، داۋىل قادىلبك ۇلى، كادىرقان اۋەلباي ۇلى شىڭگىلدەن حابارلايدى. «تۋعاندا ءومىر ەسىگىن اشادى ولەڭ، ولەڭمەن جەر قوينىنا كىرەر دەنەڭ» دەپ ۇلى اباي ءداپ باسىپ ءدال تاۋىپ ايتقانداي، وگىزگە مىنگەنى ولەڭ توگەتىن، ولەڭ جىرعا قۇيما قۇلاق قازاق حالقىمىزدا اقىندارىن اسپەتتەپ، ولەڭ ـ جىردى ونەر اسپانىنىڭ پەرىسىنە، اقىنداردى سول ونەردىڭ سەرىسىنە بالايتىن قانعا سىڭگەن قاسيەت بار. حاندارى قاسىنان، حالقى تورىنەن ورىن بەرەتىن قازاقتىڭ حالىق اقىندارىنىڭ ەجەلدەن ەلدىڭ اقىلشىسى، جالپىنىڭ جارشىسى بولىپ كەلگەن تاماشا سالتىن ساقتاعان، ساقتاپ قانا قويماي، مايەكتەندىرىپ ـ ماۋەلەندىرىپ، ارلەندىرىپ ـ نارلەندىرىپ كەلە جاتقان جاس ۇرپاق جاڭا اقىندار جاڭا عىلىم ـ ءبىلىمنىڭ، جاڭا زامان، جاڭا ءداۋىردىڭ ۇگىتشىسى بولىپ كەلەدى. اسىرەسە، تاياۋدا عانا اشىلىپ، تورتكىل دۇينە، تامام حالىق جالپى بەتتىك نازار اۋدارىپ، ۇكىلى ءۇمىت، زور سەنىممەن قاراعان پارتيا 19 ـ قۇرىلتايىن القايلاي قۇپتاعان اقجارما اقىندار قاتارىندا، شىڭگىل اۋدانىنداعى اقىندار قاۋىمى دا قۇرىلتاي رۋحىن ۇيرەنۋ، ۇگىتتەۋ لەگىنە لەزدىك تاپقىر لەپتى جىرلارىن توگە بەلسەنە كىرىسىپ كەتتى. شىڭگىل اۋدانى ارال اۋىلدىق حالىق دوحترحاناسىنىڭ دوحتىرى گۇلجاينار جۇمان قىزى 19-قۇرىلتايدىڭ الدىن-اتىنداعى ۇيرەنۋ قيمىلدارىنان تۇيگەن اسەرىن بايانداسا، شىڭگىل اۋداندىق مادەنيەت ءۇيىنىڭ قىزمەتكەرى، قىستاقتا تۇرىپ قىزمەت ىستەپ جاتقان گرۋپپا مۇشەسى، ەلىمىز ءىشى ـ سىرتىنا تانىمال اقىن قاناتبەك زايتوللا ۇلى ءوزىنىڭ اقىن ارىپتەستەرىمەن بىرگە ايتىس فورماسىندا 19 ـ قۇرىلتاي رۋحىن جاندى دا جالىندى، كوڭىلدى دە قونىمدى ۇگىتتەگەندىكتەرىن ايتىپ جاتتى. 

 

    ءبىز جوعارىدا ەكى اقىنمەن قىسقاشا سۇحپاتتان بۇرىندارى تەك قانا توي ـ تومالاقتاردا، ساحارا جيىلىستارىندا عانا ءداستۇرلى ايتىس داعدىسىنان ۇزاي الماعان اقىنداردىڭ بۇگىنگى كۇندە قازاق دالاسىنىڭ عانا ەمەس، تۇتاس جۇڭگونىڭ، تۇتاس جۇڭگونىڭ عانا ەمەس بۇكىل دۇنيەنىڭ ۇنىنە ءۇن، جىرىنا جىر، دۇبىرىنە ءدۇبىر قوسىپ، 19 ـ قۇرىلتاي رۋحىن ۇشقىر ونەر، بيىك تۇرعى، تالعار تالعاممەن جىرلاپ، ۇگىت ءۇردىسىنىڭ الدىڭعى لەگىندە اتويلاپ جۇرگەن بەلسەندى بەينەلەرىن كورە الامىز ءارى «اقىنىمىز جىرلاسىن، حالقىم ۇيىپ تىڭداسىن، بەرەكەلى دامىعان، زامانىمىز زىرلاسىن» دەگەن سەنىم جانە تىلەك بىلدىرەمىز!!!

________________________________


اقىندارمەن ەستەلىك

未标题-1.jpg
00.jpg
00.jpg
00.jpg
企业微信截图_20171130103924.jpg