مەملەكەتتىك ەڭ سۇيىكتى شيپاگەر جاڭاگۇل ورتالىق تەلەۆيزياسىندا
0
2018-03-12 10:32:00
|
كەلۋقاينارى:
|
جاۋاپتى رەداكتور :

 

    قازاق شيپاگەرلىگى-حالىق اقىل–پاراساتىنىڭ جاۋھارى، جۇڭحۋا ءداستۇرلى شيپاگەرلىگىنىڭ ماڭىزدى قۇرامداس ءبولىمى بولىپ، دۇنيە شيپاگەرلىك سالاسىنىڭ دامۋىنا دا بەلسەندى ىقپال جاساعان. پارتيا مەن ۇكىمەتتىڭ شۇعىلالى ساياساتىنىڭ جەبەۋىندە ەلىمىزدە از ۇلتتاردىڭ مادەنيەتى، عىلىم سالاسى بۇرىن-سوڭدى بولماعان دامۋ ورايىنا يە بولدى. قازاق ءداستۇرلى شيپاگەرلىگى جۇڭحۋا ءداستۇرلى شيپاگەرلىگىنىڭ ماڭىزدى قۇرامداس بولەگى رەتىندە ءمان بەرىلىپ، زەرتتەلىپ كەمەلدەنە ٴتۇستى.

 

انە سولاردىڭ كۋاسى، بۇگىنگى اڭگىمەمىزگە تيەك بولعان ىلە وبلىستىق جۇڭگوشا ەمدەۋ دوحتىرحاناسى سۇيەك ٴبولىمنىڭ مەڭگەرۋشىسى جاڭاگۇل اسەن قىزى. ول نىلقى اۋدانىندا قازاق ەمشىلىگى وتباسىندا دۇنيە ەسىگىن اشقان، 13 جاسىنان باستاپ اتاسىنىڭ وتاشىلىق ونەرىنەن ٴتالىم الىپ، قازاق وتاشىلدىعىن دامىتتى. 30 جىلدان بەرى، قاجىماي تالماي ەڭبەكتەنىپ، قىزمەت ورنىنان سىرت تاۋ اسىپ تاس باسىپ، اجالعا اراشاشى بولدى. ونىڭ ەرەن ەمشىلىك ونەرىن ەستىپ قازاقستان سىندى شەتەلدەردەن كەلىپ ناۋقاسىن ەمدەتكەندەر دە بولدى. جاڭاگۇل ٴاربىر ناۋقاستىڭ تولىق ساۋىعۋىنا بار كۇشىن سالىپ، ەڭبەگىنىڭ جەمىسىن كورىپ، حالىقتىڭ قالاۋىنان شىققان شيپاگەرگە اينالدى. كاسىپتىك جاقتا قازاق ەمشىلىگى مەن باتىسشا ەمدەۋدى ۇشتاستىرا وتىرىپ، جەل قۇزدى داۋالاۋ، شەرشەۋ ٴوسۋدى ەمدەۋگە قولدانىلاتىن سۇيەك جالعاعىش تالقان، ماناۋ قويمالجىڭى اتتى دارىلەردى تاپقىرلاپ پاتەنت ۇقىعىنا يە بولىپ، قازاق ەمشىلىگىندەگى ولقىلىقتاردى تولىقىترۋعا ۇلەسىن قوستى. ونىڭ زەرتتەۋ ماقالالارى ا ق ش قاتارلى ەلدەردە، ەلىمىزدىڭ شياڭگاڭ قاتارلى رايوندارىندا جاريالانىپ، سۇبەلى سيلىقتاردى ەنشىلەدى. بۇدان تىس مەملەكەتتىك 1-ماي وردەنى، اۆتونوميالى رايوندىق ەڭبەك وزاتى سىندى وردەندەرمەن ماراپاتتالسا، مىنە بۇگىنگى تاڭدا 2017-جىلعى مەملەكەتتىك ەڭ سۇيىكتى شيپاگەر اتاعىنا يە بولىپ، استانا بەيجيڭگە كەلىپ، سيلىق تورىنەن ورىن الدى.

 

 

وسى ٴبىر اتا كاسىپتىڭ ۇرپاقتارعا جالعاسا بەرۋىن نيەت ەتكەن جاڭاگۇل اسەن قىزى وزىندەگى بار ٴبىلىمىن ۇيرەنسەم، تالاپتانسام دەگەن جاستارعا ۇيرەتۋدى دە ازاماتتىق مىندەتى ساناپ كەلەدى. وسىنىڭ دالەلى جاڭاگۇلدىڭ جولىن قۋعان شاكىرتى جاڭانۇر زەكەن ۇلى ۇستازىنىڭ ەڭبەگىن جوعارى باعالاپ، ۇيرەنۋگە تاتيتىن جاقتارىنىڭ كوپ ەكەندىگىن ايتىپ اعىنان اقتارىلدى.

 

ٴيا، ەڭبەگىڭ قاتتى بولسا تاتقانىڭ ٴتاتتى بولادى دەگەندەي جاڭاگۇل ەڭ باستاپتا كاسىپتىك جاقتان قينالسادا تىنباي قۇلشىنا ۇيرەنۋدىڭ ارقاسىندا وتاشىلدىق كاسىپكە مۇراگەر بولسام، قازاق ەمشىلىگىن مەدەتسينا سالاسىندا باسقا ۇلتتارعا تانىتسام دەگەن بەرىك يرادانىڭ ارقاسىندا وسىنداي تابىستارعا جەتكەن. تالاپتىعا نۇر جاۋار، ٴارقانداي كاسىپتە بەلگىلى ناتيجە جاراتۋدىڭ سىرى تەك قانا بەرىك يرادا مەن قاجىماي تالماي قۇلشىنۋ ەكەندىگىن جاڭاگۇلدىڭ باعىندىرعان بيىكتەرى دالەلدەپ وتىر.

 

سوڭىندا، جاڭاگۇل اسەن قىزى سياقتى ۇلت ماقتانىشىنا اينالعان جەلەكتىلەردىڭ كوبەيە بەرۋىن، قازاق شيپاگەرلىك سالاسىنىڭ دارىندىلارمەن مولايا بەرۋىن ٴۇمىت ەتەمىز.

 

 

 

سۇحباتتى دايىنداعان: ايناگۇل تولەگەن قىزى

ماقپال كومۋنيسقان قىزى

باقىلاۋشى: ەرشات سەيتىكامال ۇلى

 

企业微信截图_20180312165924.jpg
u=1198320130,2698689772&fm=27&gp=0.jpg
timg (2).jpg
01.jpg
مەملەكەتتىك ەڭ سۇيىكتى شيپاگەر جاڭاگۇل ورتالىق تەلەۆيزياسىندا
未标题-1.jpg