شي جينپيڭ دالياندا چاۋشيان ەڭبەك پارتياسى كوميتەتىنىڭ باستىعى جين جىڭىنمەن كەڭەس وتكىزدى
0
2018-05-09 10:16:00
|
كەلۋقاينارى:
|
جاۋاپتى رەداكتور :

 

    ءوز حابارىمىز: مامىردىڭ 7 -، 8 ـ كۇندەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ دالياندا چاۋشيان ەڭبەك پارتياسى كوميتەتىنىڭ باستىعى، مەملەكەت ىستەر كوميتەتىنىڭ باستىعى جين جىڭىنمەن كەڭەس وتكىزدى.

 

ج ك پ ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق شۋجيچۋدىڭ شۋجيى ۋاڭ حۋ نيڭ قاتىستى قيمىلدارعا قاتناستى.

 

مامىراجاي مامىر ايىنداعى داليان تاۋلارى جاسىل جەلەك جامىلىپ، سۋلارى سىڭعىرلاي اققان كوكتەمگى كورىكتى سانگە ەنگەن ەدى. وسىنداي جانعا جايلى جادىراعان ساتتە شي جينپيڭ جين جىڭىنمەن كەڭەس وتكىزدى ءارى جين جىڭىندى قارسى الىپ كەشكى قوناعاسى بەردى، ولار بىرگە سەيىلدەپ، تۇسكى استا بىرگە بولدى، ىقىلاستى دوستىق پەيىلدە ەكى ەلدىڭ ەڭ جوعارى دارەجەلى باسشىسى جۇڭگو ـ چاۋشيان قاتناسى جانە ورتاق كوڭىل ءبولىپ وتىرعان كەلەلى ماسەلەلەر جونىندە جالپى بەتتىك ىشكەرىلەي پىكىرلەستى.

 

شي جينپيڭ منالاردى ناقتاپ ايتتى : كوميتەت باستىعى جولداستىڭ كوز الدا چاۋشيان تۇبەگى اۋقىمىندا قاتپارلى دا كۇردەلى وزگەرىستەر تۋىلىپ جاتقان ساتتە، 40 نەشە كۇننەن كەيىن تاعى ءبىر رەت ارنايى جۇڭگوعا كەلىپ مەنىمەن كەڭەس وتكىزۋى كوميتەت باستىعى جولداس پەن چاۋشيان پارتياسى ورتالىق كوميتەتىنىڭ جۇڭگو ـ چاۋشيان ەلدەرى مەن پارتيالارىنىڭ قاتناسىنا وسكەلەڭ ءمان بەرەتىندىگىن، ەكى ەل، ەكى پارتيا ستراتەگيالارىن ءوزارا تۇسىنۋگە وسكەلەڭ ءمان بەرەتىندىگىن ايگىلەيدى، مەن مۇنى وسكەلەڭ جوعارى باعالايمىن. مەن كوميتەت باستىعى حولداسپەن تۇڭعىش رەت كەزدەسكەننەن بەرى،جۇڭگو ـ چاۋشيان قاتناسىندا جانە چاۋشيان تۇبەگى جاعدايىندا بەلسەندى ىلگەرىلەۋلەر بولدى، مەن بۇعان قۋانامىن، كوميتەت باستىعى جولداسپەن تاعى دا كەڭەس وتكىزىپ، جۇڭگو ـ چاۋشيان قاتناسىنىڭ اقاۋسىز ورنىقتى دامۋىن جەبەۋ، چاۋشيان تۇبەگىندە باياندى تىنىشتىق ورناتىپ، وڭىرلىك بەيبىتشىلىكتى، ورنىقتىلىقتى جانە كوركەيىپ گۇلدەنۋدى جەبەۋ جولىندا قۇلشىنۋعا پەيىلمىن.

 

جين جىڭىن بىلاي دەدى: بيىل ناۋرىز ايىنان بەرى،چاۋشيان ـ جۇڭگو دوستىعى مەن چاۋشيان تۇبەگى جاعدايىندا مول ماعانالى ىلگەرىلەۋلەر بولدى، مۇنى باس شۋجيمەن تاريحي سيپات الاتىن كەڭەس وتكىزۋدىڭ ارقاسىندا قولعا كەلگەن بەلسەندى ناتيجە دەۋ كەرەك.كوز الدا وڭىرلىك اۋقىم جەدەل دامىعان شەشۋشى ساتتە تۇرمىز، مەن جۇڭگوعا تاعى دا كەلىپ باس شۋجيمەن كەڭەس وتكىزىپ ءارى حاعدايدان دوكلات جاساماقپىن، جۇڭگو جاقتان ستراتەگيالىق تۇسىنىستىك پەن سەلبەستىكتى كۇشەيتىپ، جۇڭگو چاۋشيان دوستىعىن تەرەڭدەتە دامىتىپ، وڭىرلىك بەيبىتشىلىك پەن ورنىقتىلىقتى جەبەۋدى ءۇمىت ەتۋدەمىن.

 

 

شي جينپيڭ مىنالاردى باسا باسا ايتتى : مەن كوميتەت باستىعى جولداسپەن بەيجيڭدە تاريحي سيپات الاتىن تۇڭعىش رەتكى كەڭەس وتكىزىپ، ۇزاق اڭگىمەلەسىپ پىكىر اۋىستىرىپ، جاڭا داۋىردە جۇڭگو ـ چاۋشيان قاتناسىن دامىۋ جونىندە 4 جاقتاعى پىرىنسىپتىك ورتاق تانىمعا كەلىسكەن بولاتىنمىن. ءبىرىنشى،جۇڭگو مەن چاۋشياننىڭ دوستىعى ــ ەكى جاققا ورتاق اسىل قازىنا، جۇڭگو ـ چاۋشيان دوستىق سەلبەستىك قاتناسىن دامىتۋ ــ ەكى جاقتىڭ بۇلجىتپاس باعىتى ءارى بىردەن ءبىر دۇرىس تالعام. ەكىنشى،جۇڭگو مەن چاۋشياننىڭ ەكەۋى دە سوتسيالىستىك مەملەكەت،ەكى جاقتى قاتناس كەلەلى ستراتەگيالىق مانگە يە، ىنتىماق، سەلبەستىكتى، اۋىس – كۇيىس جاساپ، ءوزارا ارتىقشىلىق قابىلداۋدى كۇشەيتۋ كەرەك. ءۇشىنشى،ەكى پارتيانىڭ جوعارى جىكتىك قارىم ـ قاتناستا بولۋى ەكى جاقتى قاتناسقا جەتەكشىلىك ەتۋدە ورنىن باسۋعا بولمايتىن ماڭىزدى رول اتقارادى، ەكى جاق ۇنەمىلىك بارىس ـ كەلىس ساقتاپ، ستراتەگيالىق ارالاستىقتى كۇشەيتىپ، ءوزارا تۇسىنىستىك پەن سەنىمدى ارتتىرۋ كەرەك. ءتورتىنشى، حالىقتار دوستىعىنىڭ نەگىزىن بەكەمدەۋ ــ جۇڭگو ـ چاۋشيان قاتناسىن دامىتۋدىڭ ماڭىزدى جولى ەسەپتەلەدى، الۋان فورمالار ارقىلى ەكى ەل حالقىنىڭ قارىم قاتناسىن كۇشەيتىپ، جۇڭگو ـ چاۋشيان قاتناسىن دامىتۋعا حالىق تىلەگىندىك نەگىز قالاۋ كەرەك. ەكى جاقتىڭ ورتاق قۇلشىنۋىندا، ءار قايسى ورتاق تانىمدار تاماشا دايەكتى تياناقتاندى. ءبىر ايدان استام ۋاقىت ىشىندە،مەن كوميتەت باستىعى جولداسپەن 2 رەت كەڭەسىپ، تىعىز قارىم قاتناس ساقتادىق.مەن كوميتەت باستىعى جولداسپەن ورتاق قۇلشىنىپ، ەكى جاقتىڭ قاتىستى تاراۋلارىنىڭ كەلىسكەن ورتاق تانىمداردى ويداعىداي تياناقتاندىرۋلارىنا جەتەكشىلىك ەتىپ، جۇڭگو ـ چاۋشيان قاتناسىن ۇزدىكسىز العا باستىرىپ، ەكى ەلگە جانە ەكى ەل حالقىنا باقىت جاراتىپ، وڭىرلىك بەيبىتشىلىك پەن ورنىقتىلىققا بەلسەندى ۇلەس قوسۋدى قالايمىن.

 

شي جينپيڭ چاۋشيانداعى اۋىر قاتناس شىرعالاڭدا جۇڭگو ـ چاۋشيان ازاماتتارىنىڭ جازىم بولۋ ۋاقيعاسى تۋىلعاندا جين جىڭىننىڭ بۇل ىسكە جوعارى ءمان بەرىپ، ادال پوزەتسيا ۇستانعاندىعىنا شىنايى العىس ايتتى.

 

جين جىڭىن بىلاي دەدى: چاۋشيان ـ جۇڭگو مەملەكەتتەرى مەن پارتيالارىنىڭ اعا بۋىن باسشى جولداستار ۇلگىسىندەگى ءوزارا سەنىمدىلىك پەن دوستىق ــ چاۋشيان ـ جۇڭگو ءداستۇرلى دوستىعىنىڭ جاناشىر دانەكەرى ءارى بەرىك نەگىزى بولىپ تابىلادى. مەن باس شۋجي جولداسپەن بىرلىكتە وسىناۋ تاماشا داستۇرگە مۇراگەرلىك ەتىپ،ونىمدىلىگى وتە مول تاريحي كەڭەس وتكىزدىم، چاۋشيان ـ جۇڭگو دوستىعىن دامتىۋعا بۇرىن سوڭدى بولىپ كورمەگەن ومىرشەڭ كۇش قوسىلدى.ءبىر ايدان استام ۋاقىتتان كەيىن قايتا جالعاسقان وسى كەزدەسۋدە ءوزارا سەنىمدىلىك تەرەڭدەپ، چاۋشيان ـ جۇڭگو دوستىق سەلبەستىك قاتناسىنىڭ جاڭا ءداۋىر تالابىنا سايكەسۋى جەبەلىپ، قاتناس ءتىپتى دە تىعىزداسقان جالپى بەتتىك دامۋعا قول جەتەتىندىگىنە سەنەمىن.

 

چاۋشيان تۇبەگى جاعدايىنا ايالداعاندا شي جينپيڭ مىنالاردى انىق ايتتى: مەن كوميتەت باستىعى جولداسپەن تۇڭعىش رەت كەڭەس وتكىزگەن كەزدە بۇل جونىندە ىشكەرىلەي اڭگىمەلەسىپ پىكىر الماستىرىپ، ورتاق تانىمعا كەلىسكەن ەدىم.وسى مەزگىلدەردە كوميتەت باستىعى جولداس تۇبەك سۇحپاتىن جاقسارتۋ جاعىندا بەلسەنە قۇلشىنىپ، جاقسى ناتيجەلەر جاراتتى. ءار قايسى جاقتاردىڭ ورتاق قۇلشىنۋىندا، تۇبەك سۇحپاتى جاقسارعان جاعداي بەكەمدەلە ءتۇسىپ، ساياسي جولمەن شەشۋگە ءتيىمدى باعىتقا قاراي بەتتەۋدە. جۇڭگو چاۋشيان تاراپتىڭ تۇبەكتى يادىروسىزداندىرۋىن، چاۋشيان مەن ا ق ش ـ نىڭ تۇبەك ماسەلەسىن سۇحپاتپەن اقىلداسىپ شەشۋىن قولدايدى، ءار قايسى جاقتارمەن ورتاق قۇلشىنىپ، تۇبەك ماسەلەسىن تۇبەگەيلى شەشۋ جانە سۇحپاتپەن شەشۋ بارىسىن ىلگەرىلەتۋگە،وڭىرلىك باياندى تىنىشتىق ورناتۋعا بەلسەندى رولىن ساۋلەلەندىرۋگە پەيىل.

 

جين جىڭىن باس شۋجي شي جينپيڭنىڭ كورەگەن بولجامپازدىعىن وسكەلەڭ جوعارى باعالاپ،جۇڭگو تاراپتىڭ چاۋشيان تۇبەگىن يادىروسىزداندىرىپ، وڭىرلىك بەيبىتشىلىك پەن ورنىقتىلىقتى قورعاۋعا ۇزاقتان بەرى تالماي ۇلەس قوسىپ كەلە جاتقاندىعىنا العىس ايتتى. ول بىلاي دەدى :چاۋشيان تۇبەگىن يادىروسىزداندىرۋ ــ چاۋشياننىڭ اينىماس ايقىن مايدانى. تەك قاتىستى تاراپ چاۋشيانعا قاراتقان جاۋلاستىعى مەن حاۋىپسىزدىك قۇقايىن جوعالتسا بولعانى، چاۋشيان تاراپ يادىرونى قاجەت ەتپەيدى، يادىروسىزداندىرۋدى ىسكە اسىرۋعا بولادى. چاۋشيان ـ ا ق ش سۇحپاتى ارقىلى ءوزارا سەنىمدىلىك ورناتۋدى، قاتىستى تاراپتاردىڭ جاۋاپكەرشىلىكتە بولىپ كەزەڭدەر، قادامدار بويىنشا شارالار اتقارىپ، تۇبەكتىڭ يادىرو ماسەلەسىن ساياسي جولمەن شەشۋ بارىسىن جالپى جۇزدىك ىلگەرىلەتۋدى، ەڭ سوڭىندا تۇبەكتى يادىروسىزداندىرۋ مەن باياندى بەيبىتشىلىكتى ىسكە اسىرۋدى ءۇمىت ەتەمىز.

 

جين جىڭىن شي جينپيڭگە چاۋشياننىڭ ىشكى دامۋ جاعدايى مەن پارتيا قۇرىلىسى جاعدايىن تانىستىردى.

 

شي جينپيڭ مىنالاردى ناقتاپ ايتتى : چاۋشيان ەڭبەك پارتياسىنىڭ 7 ـ كەزەكتى ورتالىق كوميتەتىنىڭ 3 ـ جالپى ماجىلىسىندە بۇكىل پارتيا، بۇكىل مەملەكەت بارلىق كۇش قۋاتتى شوعىرلاندىرىپ سوتسيالىستىك شارۋاشىلىق قۇرىلىس جۇرگىزۋ ستراتەگيالىق جولىمەن ءجۇرۋ،يادىرو سىناعىن جانە قۇرىلىق ارا اتىلاتىن جالاڭ وق جولىندىق باسقارىلمالى بومبى سىناعىن توقتاتۋ، سولتۇستىكتەگى يادىرو سىناق مايدانىن تاستاۋ العا قويىلدى، مۇنىڭ ءوزى كوميتەت باستىعى جولداستىڭ شارۋاشىلىقتى دامىتىپ، حالىق تۇرمىسىن جاقسارتۋعا وسكەلەڭ جوعارى ءمان بەرەتىندىگىن جانە وڭىرلىك بەيبىتشىلىكتى، ورنىقتىلىقتى قورعاۋعا بەكەم بەل بايلاپ وتىرعاندىعىن كورسەتەدى، مەن بۇعان القاۋ ايتامىن، چاۋشيان تاراپتىڭ ستراتەگيالىق ءتۇيىندى شاراۋاشىلىق قۇرىلىسقا ويىستىرۋىن، چاۋشياندىق جولداستاردىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولداپ قۋاتتايمىن.

 

اۋدارعان: قاناتبەك جۇماباي ۇلى

 

企业微信截图_20180509102124.jpg
شي جينپيڭ دالياندا چاۋشيان ەڭبەك پارتياسى كوميتەتىنىڭ باستىعى جين جىڭىنمەن كەڭەس وتكىزدى
企业微信截图_20180510111734.jpg
timg.jpg
企业微信截图_20180509110700.jpg
未标题-1.jpg