شي جينپيڭ فرانسيانىڭ بۇرىنعى پرەزيدەنتى حوللاند پەن كەزدەستى
0
2018-05-26 09:12:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل

     
    ٴوز حابارىمىز: مەملەكەت ٴتوراعاسى شي جينپيڭ 25-مامىر كۇنى دياۋيۇيتاي مەملەكەتتىك قوناقتار سارايىندا فرانسيانىڭ بۇرىنعى پرەزيدەنتى حوللاندپەن كەزدەستى.


    شي جينپيڭ حوللاندتىڭ فرانسيانىڭ پرەزيدەنتى بولىپ تۇرعان كەزدە جۇڭگومەن فرانسيانىڭ ەكى جاقتى قاتىناسىن جەبەۋ، جۇڭگومەن فرانسيانىڭ حالىقارالىق ىستەردەگى سەلبەستىگىن نىعايتۋ بارىسىندا قوسقان ۇلەسىن القادى. شي جينپيڭ مىنانى اتاپ كورسەتتى: مىندەت مەرزىمىڭىزدە ٴبىز ٴوزارا تابىستى ساپاردا بولىپ، جۇڭگومەن فرانسيانىڭ قويۋ دا باياندى جالپى بەتتىك ستراتەگيالىق سەرىكتەستىك قاتىناسىن بىرلىكتە جاراتىپ، جۇڭگو-فرانسيا قاتىناسىنىڭ ۇزاق ۋاقىت دامۋىنا تاماشا نەگىز قالادىق. بيىل قاڭتار ايىندا، پرەزيدەنت ماكرون جۇڭگودا تۇڭعىش رەت مەملەكەت ىستەر بابىمەن ساپاردا بولعاندا، جۇڭگومەن فرانسيا ەكى جاقتى جانە كوپ جاقتى سالالارداعى سەلبەستىكتى كەڭەيتۋ جونىندە ورتاق تانىمعا كەلدى. مەن جۇڭگو-فرانسيا قاتىناسىنىڭ بولاشاعىنا تولىق سەنىمدەمىن.


    شي جينپيڭ مىنانى اتاپ كورسەتتى: كەزەكتە حالىقارالىق جاعدايدا تەرەڭ دە كۇردەلى وزگەرىستەر تۋىلۋدا، سونىمەن بىرگە، دۇنيەدەگى ٴار ەلدىڭ ٴبىر-بىرىنە قاجەتى كۇن سايىن ارتتى، ٴارقانداي ٴبىر ەل قارا باسىنىڭ قامىن كۇيتتەي المايدى. جۇڭگو فرانسيامەن ستراتەگيالىق سايكەسۋدى كۇشەيتىپ، جەر شارىندىق سايىستارعا بىرلىكتە توتەپ بەرىپ، دۇنيە شارۋاشىلىعىن ارتتىرۋدى، ساۋدامەن قارجى قوسۋدى قولايلاستىرۋدى جەبەپ، بەيبىت ورنىقتىلىقتى قورعاۋ، اشىق تا باۋىرمال حالىقارالىق ٴتارتىپتى قورعاۋ ٴۇشىن بەلسەندى ۇلەس قوسادى. جۇڭگو ەۆروپا وداعىمەن سەلبەستىكتى كۇشەيتۋگە پەيىل.


    حوللاند بىلاي دەدى: فرانسيانىڭ پرەزيدەنتى مىندەتىن اتقارعان كەزىمدە، فرانسيا-جۇڭگو قاتىناسىن كۇشەيتۋگە قۇلشىنىپ، فرانسيامەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا تىڭ ومىرشەڭدىك كۇش قوسقاندىعىما قۋانامىن. ٴتوراعا شي جينپيڭمەن بولعان دوستىعىمدى اسا قادىرلەيمىن، ٴتوراعا شي جينپيڭنىڭ باسشىلىعىندا، جۇڭگونىڭ حالىقارالىق ىستەردە اتقارعان بەلسەندى رولىن، اسىرەسە كليمات وزگەرىسىنە قاتىستى «پاريج كەلىسىمى» جولىندا اتقارعان ماڭىزدى ۇلەسىن جوعارى باعالايمىن. كەزەكتەگى جاعدايدا، فرانسيامەن جۇڭگونىڭ ستراتەگيالىق سەلبەستىك اۋقىمىنىڭ جالعاسقاندىعىن جانە بەكەمدەلگەندىگىن قۇتتىقتايمىن، بۇل كوپ ۇيەكتىلىكتى قورعاۋعا، حالىقارالىق جانە وڭىرلىك ماسەلەردى سۇحپات پەن سەلبەستىك ارقىلى شەشۋگە پايدالى.


اۋدارعان: گۇلنۇر قابىلقاق قىزى

00.jpg
00.jpg
00.jpg
00.jpg
00.jpg