لي كىچياڭ مەملەكەتتىك كەڭەستىڭ جالپى ٴماجىلىسىن اشتى
0
2018-05-26 09:17:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :ايناگۇل

 

    
    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 25-مامىر كۇنى مەملەكەتتىك كەڭەستىڭ جالپى ٴماجىلىسىن باسقارىپ اشتى ٴارى ماڭىزدى ٴسوز سويلەدى.


    لي كىچياڭ بىلاي دەدى: كەزەكتە دۇنيەنىڭ شارۋاشىلىق اۋقىمىندا تەرەڭ وزگەرىستەر تۋىلىپ، تۇراقسىز فاكتورلار كوبەيدى، ەل ٴىشىنىڭ دامۋى ٴالى دە اۋىر كەزەڭدە تۇر، ٴبىز جاعدايدى شۇعىل مىقتى ۇستاۋمەن قابات، بولجاۋعا كەلمەيتىن كوپتەگەن تىڭ سايىستارعا دا توتەپ بەرۋىمىز كەرەك. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ 19-قۇرىلتاي رۋحىن جالپى بەتتىك دايەكتىلەندىرىپ، دامۋدى ماڭداي الدى مىندەت ەتۋگە، ورنىقتىلىق بارىسىندا ىلگەرىلەۋگە تاباندى بولىپ، ماكرولىق رەتتەۋدىڭ ورايىن، ٴادىسىن جانە ىقپالىن ٴداپ باسىپ يگەرىپ، قالىپتى ارالىقتا تەڭشەۋگە ٴمان بەرىپ، دامۋ فورماسىندا بۇرىلىس جاساپ، قۇرىلىمدى تەڭشەۋگە كۇش سالىپ، شارۋاشىلىقتىڭ ورنىقتى اينالىمىن ساقتاپ، جوعارى ساپالى دامۋعا قاراي بەتالۋ كەرەك.


    لي كىچياڭ مىنانى اتاپ كورسەتتى: رەفورمانى جالپى بەتتىك تەرەڭدەتۋدەن اۋىتقىماي، ۇكىمەت فۋنكتسياسىندا كۇش سالا بۇرىلىس جاساپ، ٴوز-وزىنە توڭكەرىس جاساۋعا باتىل بولىپ، بازاردىڭ ومىرشەڭدىك كۇشىن اناعۇرلىم جانداندىرۋ كەرەك. «ۇكىمەت قۇرىلىمدارىن ىقشامداپ، ۇقىقتى تومەنگە ٴتۇسىرۋ، تومەنگە ٴتۇسىرۋمەن باسقارۋدى بىرلەستىرۋ، قىزمەت وتەۋدى ساپالاندىرۋ» ٴىسىن جالعاستى ىلگەرىلەتىپ، بازارعا كىرۋگە رۇقسات بەرۋ ٴتۇزىمىن بوساڭسىتىپ، باجنى ازايتىپ، قارجىنى تومەندەتۋ شاراسىن بارىنشا اتقارىپ، بازاردىڭ بايلىقتى ورنالاستىرۋداعى شەشۋشى رولىن رولىق ساۋلەلەندىرىپ، ۇكىمەتتىڭ رولىن تولىق اتقارۋ كەرەك. جۇمىس بارىسىندا، جۇمىستان كەيىن باقىلاپ-باسقارۋدى كۇشەيتىپ، باقىلاپ-باسقارۋدىڭ قايتالانۋىن، قىم-قۋىت، قاتاڭ بولۋىن جانە ەركىن شەشىم جاساۋ ۇقىعىن ازايتىپ، ٴادىل باسەكەلى بازار ورتاسىن قالىپتاستىرۋ كەرەك. «ينتەرنەتپەن ۇشتاستىرۋ» قاتارلىلاردان پايدالانىپ، ۇكىمەت ىستەرىنىڭ ٴبىر تۇتاس دانەكەرىن قۇرىپ، جوعارى ٴونىمدى، حالىققا قولايلى، كاسىپورىنعا ٴتيىمدى قىزمەت وتەۋ سيپاتىنداعى ۇكىمەت قۇرۋ كەرەك. ەسىكتى ونان ارى ايقارا اشىپ، رەفورمانى ونان ارى تەرەڭدەتىپ، ەل ٴىشى-سىرتىنداعى كاسىپورىنداردىڭ جۇڭگونىڭ ۇلان-بايتاق بازارىندا ٴادىل باسەكەلەسۋىنە مۇمكىندىك جاراتۋ ٴتيىس.


    لي كىچياڭ بىلاي دەدى: جاڭا دامۋ كوزقاراسىنان اۋىتقىماي، جاڭا-كونە قوزعاۋشى كۇشتى الماستىرۋدى جەدەلدەتىپ، دامۋدىڭ ىشكى قوزعاۋشى كۇشىن كۇشەيتۋ كەرەك. شارۋاشىلىق قۇرىلىمدى رەتتەۋدى تەزدەتىپ، جاڭا قوزعاۋشى كۇشتى جەتىلدىرىپ، داستۇرلى قوزعاۋشى كۇشتى جاڭالاپ جانە ساپالاندىرىپ، كاسىپتى ورتا، جوعارى دەڭگەيگە قاراي دامىتۋ كەرەك. نەگىزدىك زەرتتەۋ مەن ٴتۇيىندى تەحنيكالاردا قامال الۋدى كۇشەيتىپ، «جالپى قاۋىم جاڭالىق اشىپ، بارشا جۇرت كاسىپ جاراتۋدى» ساپالاندىرىپ، باقىلاپ-باسقارۋدى بايىپتىلىقپەن اتقارىپ، جاڭا تەحنيكانىڭ، جاڭا كاسىپ ٴتۇرىنىڭ، جاڭا ۇلگىلەردىڭ باسەكەلەسە دامۋىن جەبەپ، كاسىپتىڭ وزەكتى باسەكەلىك قۋاتىن جوعارىلاتىپ، جاڭا قوزعاۋشى كۇشتىڭ كاسىپتەنۋگە بولعان ىقپالىن بارىنشا ارتتىرۋ ٴتيىس. مەشەۋ ٴوندىرىس قۋاتىن باتىل كۇشىنەن قالدىرىپ، ورتا قورعايتىن كاسىپتەردى بارىنشا دامىتىپ، ەكولوگيانى قورعاۋمەن شارۋاشىلىقتى دامىتۋدىڭ قوس جەڭىسىنە قول جەتكىزۋ كەرەك.


    لي كىچياڭ مىنانى باسا اتاپ كورسەتتى: حالىقتى وزەك ەتكەن دامۋ يدەياسىنان اۋىتقىماي، حالىقتىڭ نەگىزگى تۇرمىسىن بارىنشا قامتاماسىزداندىرىپ، كەدەيلەردى سۇيەمەلدەۋ، كاسىپتەندىرۋ، مىندەتتى وقۋ-اعارتۋ، نەگىزدىك ەمدەۋ، نەگىزدىك قارتتاردى كۇتىمدەۋ، حالىقتىڭ تۇرمىستىق كۇيىن ۇعىسۋ قاتارلى ٴتۇيىندى سالالاردا ٴبىر شاما كەمەلدى قامتاماسىزداندىرۋ مەحانيزمىن قالىپتاستىرىپ، كەدەيلەردى ٴدال سۇيەمەلدەۋدى تىڭعىلىقتى ورىستەتىپ، قارتتاردى كۇتىمدەۋ نەگىزدىك قارجىسىن ۋاعىندا تولىق تاراتۋعا كەپىلدىك ەتىپ، سالماقتى اۋرۋلاردى قامسىزداندىرۋدى ەسەپتەن كوتەرۋ سالىستىرماسى مەن قامتۋ كولەمىن بىرتىندەپ جوعارىلاتىپ، بازاردىڭ كۇش-قۋاتىنان پايدالانىپ، بەي نەگىزدىك الەۋمەتتىك قىزمەت وتەۋدى دامىتىپ، حالىق بۇقاراسىنىڭ الۋان ٴتۇرلى سۇرانىسىن ويداعىداي قاناعاتتاندىرىپ، نەگىزدى قامسىزداندىرۋدى، قامداۋدى ارتتىرۋدى، مەحانيزمدى كۇشەيتۋدى ويداعىداي ىستەپ، شارۋاشىلىق پەن قوعامنىڭ سايكەستى دامۋىن جۇزەگە اسىرۋ كەرەك.


    لي كىچياڭ بىلاي دەدى: حاۋىپ-قاتەردەن ساقتانۋدى جانە ونى تىزگىندەۋدى كۇشەيتۋ قاجەت. جوبانى كەمەلدەندىرىپ، الدىن الا ساقتاندىرۋدى كۇشەيتىپ، فينانس، قالانى وڭاۋ، ٴوندىرىس حاۋىپسىزدىگى، بىلعانىشتان ساقتانۋ جانە وڭاۋ، جاراتىلىستىق اپات قاتارلى جاقتارداعى قاتەر مەن حالىقارالىق ۇلكەن قاتەرلەرگە توتەپ بەرۋدى كورنەكتى مىقتى ۇستاپ، شارۋاشىلىق پەن قوعام جالپى جاعدايىنىڭ ورنىقتىلىعىنا كەپىلدىك ەتۋ كەرەك.


    لي كىچياڭ مىنانى باسا دارىپتەدى: مەملەكەتتىڭ كەڭەستىڭ ٴار قايسى تاراۋلارى، ٴارقايسى ورىندار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، «ٴتورت تانىمدى» بەرىك ورناتىپ، پارتيانى جالپى بەتتىك قاتاڭ باسقارۋ تالابىن تياناقتاندىرىپ، سەلبەسۋ مەن سايكەسۋدى قويۋلاتىپ، قىزمەت ادىسىندە جاڭالىق جاراتىپ، ناقتى جۇمىس ىستەپ، قاتاڭ تياناقتاندىرىپ، جاۋاپكەرشىلىكتى باتىل ارقالاپ، كىرشىكسىزدىكتى قاتاڭ ساقتاپ، وسى كەزەكتى ۇكىمەتتىڭ قىزمەتىن بارىنشا ويداعىداي ىستەپ، پارتيا مەن حالىققا تولىمدى جاۋاپ قايتارۋى كەرەك.

 

اۋدارعان: گۇلنۇر قابىلقاق قىزى

00.jpg
00.jpg
00.jpg
00.jpg
00.jpg