ۇيلەنۋدەن قاشقالاقتاۋدىڭ سەبەبى
0
2018-05-27 21:49:00
|
كەلۋقاينارى:www.kazakcnr.com
|
جاۋاپتى رەداكتور :داۋىل قادىلبەك ۇلى

ساۋدا سالاسىنىڭ دوكەيى بولىپ، اتى تانىلعان ۋاڭ گۋاڭنىڭ ايەلى راك اۋرۋىنان باقيلىق بولعانىنا نەشە جىلدىڭ ءجۇزى بولدى. شەشە ورنىنا شەشە، اكە ورنىنا اكە بولىپ جەتىسە الماي جۇرگەن ونى كورگەن جاناشىر جاقىندارى توسەك جاڭعىرتۋعا ناسيحاتتايتىن.


قۋ تىزەسىن قۇشاقتاپ جاتا بەرگىسى كەلمەگەن ۋاڭ گۋاڭ اقىرى قالىڭدىق تاڭداۋ بەكىمىنە كەلدى.


ءبىر رەتكى قوناعاسىدا ۋاڭ گۋاڭ تال شىبىقتاي بۇرالىپ، قاسى كوزى قيىلعان ءبىر كەلىنشەكتەن كوز ايىرا الماي وتىردى. سۇراستىرا كەلە ءبىر مەكەمەدە ىستەيتىن بۇل كەلىنشەكتىڭ سالت باس، ساباۋ قامشى ەكەنىن ۇعىپ، ادەيى ىزدەپ بارىپ تاماققا ۇسىنىس ەتتى.


ءتۇرلى قۋىرماشتاردان اۋىز ءتيىپ، بىرەر رۋمكا كومەيلەتكەن سوڭ، ۋاڭ گۋاڭ ءوزىن تولىق تانىستىرىپ، ەكى جارتى بىرىگىپ، ءتۇتىن تۇتەتۋ ويى بارلىعىن اشىپ ايتتى.


ــ ءۇيىڭىز بارما؟


ــ بار.


ــ اۆتوكولىگىڭىز شە؟


ــ قازىر ەكىنىڭ ٴبىرى، ەگىزدىڭ سىڭارىندا بار-عوي.


ــ بانكەگە قويعان قانشا اقشاڭىز بار شىعار؟


كەلىنشەكتىڭ بۇلاي سۇراعانىنان ءسال سەكەم السا دا، ۋاڭ گۋاڭ سىر الدىرماي، قالجىڭداي جاۋاپ بەردى:


ــ كوپ ەمەس، 8 ميلليون يۋان عانا.


كەلىنشەك سانىنا بىرەۋ ٴبىز سۇعىپ العانداي-اق، اتىپ تۇرىپ، ەسىككە بەتتەدى:


ــ ساۋ بولىڭىز!


ــ وي، نە بولدى؟ 8 ميليوندى ولقى كوردىڭ بە قارىنداس؟


ــ جوعا، وتە كوپ ەكەن!


ــ بۇل قالاي دەگەنىڭ؟ تۇك تۇسىنسەم بۇيىرماسىن.


ــ تاعى جەسىر كەلىنشەككە اينالىپ قالۋدى قالامايمىن اعاي. الدىڭعى ەكى كۇيەۋىمنىڭ بىرەۋ قاستاندىققا ۇشىراپ، بىرەۋى سوتتالىپ كەتكەن.



فەلياتوننىڭ اۆتورى: ياڭ باي


حانزۋشادان اۋدارعان: قاۋسىلقان قاسىمقان ۇلى (تورابىمىزدىڭ ۇسىنىس ەتىلگەن ٴتىلشىسى) 

00.jpg
02.jpg
未标题-2.jpg
00.jpg
00.jpg