شي جينپيڭ جۇڭگو عىلىم اكەدەمياسىنىڭ 19-رەتكى اكادەميكتەر ٴماجىلىسى مەن جۇڭگو ينجەنەريا اكەدەمياسىنىڭ 14-رەتكى
0
2018-05-29 09:30:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    شينحۋا اگەنتتىگىنىڭ حابارى: جۇڭگو عىلىم اكەدەمياسىنىڭ 19-رەتكى اكادەميكتەر ٴماجىلىسى مەن جۇڭگو ينجەنەريا اكادەمياسىنىڭ 14-رەتكى اكادەميكتەر ٴماجىلىسى مامىردىڭ 28-كۇنى تۇستەن بۇرىن حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستىٴارى ماڭىزدىٴسوز سويلەدى. ول مىنانى باسا دارىپتەدى، جۇڭگونى قۇدىرەتتەندىرۋ، گۇلدەندىرۋٴۇشىن، عىلىم-تەحنيكانىٴسوزسىز ايانباي دامىتىپ، دۇنيەدەگى ماڭىزدى عىلمي ورتالىققا اينالدىرۋىمىز جانە جاڭالىق جاراتۋدا بيك بەلەسكە كوتەرۋىمىز كەرەك. جاعداي ادامدى ماجىبۇرلەيدى، سايىس سايابىرلامايدى، بورىش كەزەك كۇتتىرمەيدى. ەلىمىزدىڭ قالىڭ عىلىم-تەحنيكا قىزمەتكەرلەرى جالپى جاعدايدى يەلەۋى، ورايدى مەڭگەرۋى، ماسەلەلەرگە توتەپ بەرۋى، قينشىلىقتاردان جاسقانباۋى، دۇنيە عىلىم-تەحنيكاسىنىڭ الدىنعى لەگىن كوزدەپ، عىلىم-تەحنيكانىڭ دامۋ باعىتىندا سەركە بولىپ، تاريح جۇكتەگەن اۋىر مىندەتتى ارقالاپ، جۇرەكتىلىكپەن جاڭاٴداۋىر عىلىم-تەحنيكاسىندا جاڭالىق جاراتۋدىڭ ساڭلاقتارى بولىپ، دۇنيەدەگى عىلىم-تەحنيكادا قۇدىرەتتى ەل قۇرۋعا قۇلشىنۋى كەرەك.


    ج ك پ ورتالىق كوميتەتى ساياسي بيۋروسىنىڭ تۋراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۇنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.


    شي جينپيڭ سوزىندە مىنالاردى باسا دارىپتەدى: پارتيا 18-قۇرىلتايىنان بەرى ٴبىز ەلىمىزدىڭ عىلىم–تەحنيكا ىستەرىنىڭ دامۋ امالياتىن قورتىندىلاپ، اۋقىمدى باقىلاپ، جالپى جاعدايدى جوسپارلاپ، جاپپاي قۇلشىنىپ، پارتيانىڭ عىلىم-تەحنيكا ىستەرىندەگى باسشىلعىنا، دۇنيە جۇزى بويىنشا عىلىم-تەحنيكادا ەگەي ەل قۇرۋ كۇرەس نساناسىندا، جۇڭگوشا دەربەس جاڭالىق جاراتۋ جولىمەن جۇرۋدە، رەفورما جاساپ ەسىك اشۋ ارقىلى جاڭالىق جاراتۋدىڭ ومىرشەڭدىك قۋاتىن ارتتىرۋدا، جاڭالىق جاراتۋدىڭ ٴمانى دارىندىلاردى قوزعاۋشى كۇش ەتۋدە، دۇنيە ٴجۇزىنىڭ عىلىم–تەحنيكا جاسامپازدىعىمەن ۇشتاسۋىندا تاباندى بولدىق، ەلىمىز عىلىم–تەحنيكا ىستەرىن شوعىرلى دامىپ، سەكىرمەلى دامۋ اياق الىسىن جەدەلدەتىپ، تاريحي، تۇلعالىق، جالپى جاعداي سيپاتىندىق وزگەرىستەردى ىسكە اسىردى. كەلەلى جاڭالىق اشۋ تابىستارىنا ىركەس-تىركەس قول جەتكىزدى، ٴىشنارا الدىڭعى لەكتەگى كاسىپتەر تەڭ قادامدا دامۋ، العا وزۋ ساتىسىنا ٴوتتى، عىلىم–تەحنيكا قۋاتى ساننان ساپاعا ٴوتىپ، شوعىرلى جاڭالىق اشۋدان جۇيەلىك قۋاتتى جوعارىلاتۋداي ماڭىزدى كەزەڭگە اياق باستى.


    شي جينپيڭ مىنالاردى باسا دارىپتەدى: جاڭالىق جاراتۋدىڭ ٴبىرىنشى قوزعاۋشى كۇش ەكەنىن جىعا تانىپ، جوعارى ساپالى عىلىم-تەحنيكامەن قامداپ، وسىزاماندانعان شارۋاشىلىق جۇيە قۇرىلسىن تىرەك ەتۋگە قۇلشىنۋ كەرەك. دامۋ ساپاسى مەن ونىمدىلىگىن جوعارىلاتۋدى ٴتۇيىن ەتىپ، قامداۋ قۇرىلىمدىق رەفورماسىن باستى لەنيا، قامداۋدىڭ جۇيەلىك ساپاسىن قامال الۋدىڭ باستى باعىتى ەتىپ، شارۋاشىلىقتىڭ دامۋ ساپاسى، ونىمدىلىگى جانە قوزعاۋشى كۇشىنە جاڭا وزگەرىستەر ەنگىزىپ، ەلىمىزدىڭ شارۋاشىلىق ساپاداعى ابزالدىلعىن كورنەكتىلەندىرۋ كەرەك. سيفىرلاندىرۋ، توراپتاندىرۋ، زەيىندەستىرۋدى توعىسپالى دامىتۋدى وراي، ينفورماتسيالاندىرۋ، زەيىندەستىرۋدى جاڭا قوزعاۋشى كۇش ەتىپ، ٴبىرسىپىرا ستراتەگيالىق سيپاتتى جاڭا گۇلدەنگەن كاسىپ شوعىرىن الدىمەن باۋلىپ جانە بار كۇشپەن جەتىلدىرىپ،عالامتور، ٴىرى ساندى سيفىر، جاساندى زەيىندى ناقتى تۇلعالىق شارۋاشىلىق پەن ىشكەرلەي توعىسىترىپ، جاساۋ كاسىپ سالاسى ۇلگىسى مەن كاسىپورىن تۇلعاسىندا ٴتۇبىرلى بۇرىلىس جاساپ، ەلىمىزدىڭ كاسىپ سالالارىنىڭ جەر شارىندىق تۇتاس قۇن تىزبەگىندە جوعارى دەڭگەيگە كوتەرىلۋىن جەبەۋىمىز كەرەك.


    شي جينپيڭ بىلاي دەپ اتاپ كورسەتتى: جاڭالىق جاراتۋدان اۋىتقىماۋ، جاڭالىق جاراتۋ سەنىمىن بەكەمدەۋ، دەربەس جاڭالىق جاراتۋ قۋاتىن ارتتىرۋعا باسا كۇش سالۋ كەرەك. تەك وزىنە سەنە العان مەملەكەت پەن ۇلت قانا بولاشاق جولىندا ورنىقتى قاداممەن ۇزاق ساپار باسا الادى. ەلىمىزدىڭ قالىڭ عىلىم-تەحنيكا قىزمەتكەرلەرىنىڭ جاڭالىق جاراتۋ سەنىمدەرى مەن بەكىمدەرى مىعىم بولۋى، ءوزىن قوراشسىنباۋى ٴءارى داندايسىماۋى، ەرجۇرەكتىكپەن قيىن قامالداردى بۇزىپ، تالعار تابىستارعا ۇمتىلىپ، جەڭىسكە جەتۋ، عىلىم-تەحنيكا باسەكەسى مەن بولاشاق دامۋدىڭ بيىك بەلەستەرىنەن كورىنۋى كەرەك. شەشۋشى سيپات الاتىن ورتاقتىق تەحنيكالاردا، العى شەپتىك وزىق تەحنيكالاردا، توڭكەرىس سيپاتتى تەحنيكالاردا جاڭالىق جاراتۋدا شەپ جارۋدى ءتۇيىن ەتىپ، باسقالار باسپاعان تىڭ جولدارمەن جۇرۋگە باتىلدىق ەتۋ، وزەكتى تەحنيكالاردى دەربەس جاراتىپ مەڭگەرۋگە كۇش سالۋ، جاڭالىق جاراتۋداعى ىرىقتىلىق پەن دامۋ ىرىقتىلىعىن ءوز قولدارىندا مىقتى يگەرۋ كەرەك. حالىقتىڭ تاماشا تۇرمىس تالپىنىسىن قاناعاتتاندىرۋدى عىلىم تەحنيكادا جاڭالىق جاراتۋدىڭ تياناعى، حالىقتى يگىلىكتەندىرۋ، حالىققا پايدا جەتكىزۋدى، حالىقتى اۋقاتتاندىرۋدى، حالىق تۇرمىسىن جاقسارتۋدى عىلىم-تەحنيكادا جاڭالىق جاراتۋدىڭ ماڭىزدى باعىتى ەتۋ كەرەك.


    شي جينپيڭ مىنالاردى باسا دارپتەدى: عىلىم-تەحنيكا ءتۇزىلىس رەفورماسىن جالپى بەتتىك ىشكەرىلەتۋ، جاڭالىق جاراتۋ جۇيەسىنىڭ ونىمدىلىك قابىلەتىن جوعارىلاتۋ، جاڭالىق جاراتۋ ومىرشەڭدىگىن جالىنداتۋعا باسا كۇش سالۋ كەرەك. ۇكىمەتتىڭ عىلىم-تەحنيكانى باسقارۋ فۋنكتسياسىندا بۇرىلىس جاساۋدى جەدەلدەتۋ، ۇيىمدىق ابزالدىلىقتى ساۋلەلەندىرۋ كەرەك. عىلىم-تەحنيكا قاراجاتتارىن باسقارۋ مەن ىستەتۋ فورماسىن رەفورمالاۋعا جانە جاڭالىق جاراتۋعا باسا كۇش سالۋ، عىلىم-تەحنيكالىق باعالاۋ ءٴتۇزىمىن رەفورمالاپ، عىلىم-تەحنيكالىق جاڭالىق ناتيجەلەرىنىڭ عىلمي قۇنىن، تەحنيكالىق قۇنىن، ەكونوميكالىق قۇنىن، مادەنيەتتىك قۇنىن دۇرىس باعالاۋ، ادامداردىڭ جاسامپازدىق ارەكەتتەرىن ۇيلەسىمسىز قاراجاتتىق باسقارۋ، دارىندىلار باعالاۋ قاتارلى تۇزىلىستەردەن ازات ەتۋ كەرەك.


    شي جينپيڭ بىلاي دەپ اتاپ كورسەتتى: دۇنيەنىڭ عىلىم-تەحنيكانى باسقارۋىنا ىشكەرلەي اتسالىسىپ، جۇڭگو اقىل-پاراساتىن ارناپ، ادامزاتتىڭ تاعدىرلاس ورتاق تۇلعاسىن قۇرۋدى كۇش سالا جەبەۋ كەرەك.حالىقارالىق عىلىم-تەحنيكا اۋىس-كۇيىس سەلبەستىگىن تەرەڭدەتىپ، ٴتىپتى دە جوعارى ورەدە دەربەس جاڭالىق جاراتۋدى جەبەپ، ىرىقتى ورنالاستىرۋ جاساپ جانە حالىقارالىق جاڭالىق جاراتۋ بايلىقتارىنان بەلسەندى پايدالانىپ، سەلبەسىپ تەڭ يگىلىككە كەنەلەتىن سەرىكتەستىك قاتىناس ورناتۋ، بولاشاق دامۋ، استىق حاۋىپسىزدىگى، ەنەرگيا حاۋىپسىزدىگى، ادامزات اقاۋسىزدىعى، كىليمات وزگەرىسى قاتارلى ادامزاتقا ورتاق سايىستارعا بىرگە توتەپ بەرىپ، وزىندىك دامۋدى جۇزەگە اسىرۋمەنٴبىرۋاقىتتا باسقادا كوپتەگەن مەملەكەت پەن حالىققا يگىلىك جاراتىپ، جەرشارى كولەمىندە تەڭ دامۋدى جەبەۋ كەرەك.


    شي جينپيڭ مىنانى باسا دارىپتەدى: دارىندىلاردىڭ دامۋ سەركەسىندىك ستراتەگيالىق ورنىن بەرىك ورناتىپ، دارىندىلاردى جالپى بەتتىك توپتاپ، جاڭالىق جاراتىپ داميتىن دارىندىلار نەگىزىن قۇلشىنا بەكەمدەۋ. عىلىم-تەحنيكا سيلىعى تۇزىمىن كەمەلدەندىرىپ، عىلىم-تەحنيكادا جاڭالىق جاراتقان ۇزدىك دارىندىلارعا ۇيلەسىمدى قارىمجى بەرۋ، ٴتۇرلى دارىندىلاردىڭ جاڭالىق جاراتۋ ومىرشەڭدىك قۋاتىن ساۋلەلەندىرۋ ٴتيىس. رەفورما جۇرگىزۋ ارقىلى ديسەرتاتسيا، پاتەنت ۇقىعى، قارجى سوماسى قاتارلىلاردى سىڭار جاقتىلى تۇردە دارىندىلاردى باعالاۋ ولشەمى ەتپەۋ، ورىنسىز تۇساۋلارمەن عالىمداردى بەلگىلى شەڭبەر ىشىندە شەكتەمەۋ، ساناپ-تاۋىسقىسىز گراپپا جانە بەكىتۋلەرمەن عالىمداردىڭ كۇش-قۋاتىن بەكەر سارىپ ەتپەۋ كەرەك. تاماشا جاڭالىق جاراتۋ ورتاسىن جاراتىپ، دارىندىلاردىڭ ەسەيىپ ەرجەتۋىنە تيىمدى جەتىلدىرۋ مەحانيزمىن؛ قابىلەتىن بارىنشا ساۋلەلەندىرۋگە تيىمدى ىستەتۋ مەحانيزمىن؛ ٴوزارا ەسەيۋ بارىسىندا ٴاركىمنىڭ ٴوز قابىلەتىن ساۋلەلەندىرۋىنە تيىمدى جىگەرلەندىرۋ مەحانيزمىن؛ ٴتۇرلى سالاداعى دارىندىلاردىڭ اعالاپ العا شىعۋىنا تيىمدى باسەكەلىك مەحانيزمدى تەزدەن قالىپتاستىرىپ، دارىندىلاردىڭ ەسەيىپ-ەرجەتۋىنە تاماشا ورتا جاراتىپ، دارىندىلار قاينارىن تىپتى دە كەڭەيتىپ، دۇنيەدەگى دارىندىلار جۇڭگوعا جينالعان، جۇيرىكتەر مەن سۇيرىكتەر ەركىن كوسىلەتىن جاعداي قالىپتاستىرۋ كەرەك.


    شي جينپيڭ بىلاي دەدى: جۇڭگو كوممۋنيستىك پارتياسىنىڭ باسشىلىق ەتۋى جۇڭگوشا عىلىم-تەحنيكادا جاڭالىق جاراتۋ ىستەرىن ۇزدىسكىز العا ىلگەرلەتۋدىڭ تۇبىرلى ساياسي كەپىلى. پارتيانىڭ عىلىم تەحنيكا ىستەرىنە بولعان باسشىلىعىنا تاباندى بولىپ جانە كۇشەيتىپ، دۇرىس ساياسي باعىتقا تاباندى بولىپ، بۇكىل پارتيا مەن بۇكىل ەل جانە جالپى قوعامدى ٴبىر نيەت ٴبىر تىلەكتە بولىپ دۇنيە جۇزىندە عىلىم-تەحنيكادا ەگەي ەل قۇرۋ نىساناسىن جۇزەگە اسىرۋعا قۇلشىنا كۇرەس جاساۋعا اتتانىسقا كەلتىرۋىمىز كەرەك. ٴار دارەجەلى پارتكومدار مەن ۇكىمەتتەر، ٴارقايسى تاراۋلار مەن ورىندار يدەيا مەن ارەكەتتى پارتيا ورتالىق كوميتەتىنىڭ عىلىم -تەحنيكا ىستەرىنە بولعان ورنالاستىرۋىمەن بىرلىككە كەلتىرىپ، تياناقتاندىرۋ قىزمەتىن شىنايى مىقتى يگەرۋلەرى كەرەك. ٴار دارەجەلى باسشى كادرلار عىلىمي ساپاسىن جوعارىلاتىپ، عىلىم-تەحنيكادا جاڭالىق جاراتۋعا باسشىلىق ەتۋ جانە ونى جەبەۋ قابىلەتىن ۇزدىسكىز كۇشەيتۋلەرى ٴتيىس. عىلمي زەرتتەۋ زاڭدىلىعىنا، عىلمي زەرتتەۋدى باسقارۋ زاڭدىلىعىنا، عىلمي زەرتتەۋشىلەردىڭ پىكىرىنە قۇرمەت ەتىپ، عىلىم-تەحنيكا قىزمەتكەرلەرىنە تاماشا ورتا جاراتىپ، عىلىم-تەحنيكادا جاڭالىق جاراتۋعا ويداعىداي قىزمەت وتەۋلەرى كەرەك.


    شي جينپيڭ باسا دارىپتەپ بىلاي دەدى: جاستار وتاننىڭ بولاشاعى، ۇلتتىڭ ٴۇمىتى، جاسامپازدىقتىڭ قاينارى. ٴار دارەجەلى پارتكومدار مەن ۇكىمەتتەر ۇزدىك جاس دارىندىلاردى مۇمكىندىكتىڭ بارىنشا ىسكە قوسىپ، جاس دارىندىلاردىڭ ٴوسىپ-جەتىلۋىنە تاماشا شارت-جاعداي جاراتىپ، ولاردى يدەيالى، سۇيىسپەنشىلىككە تولى جانە باتىلدىقپەن جاۋاپكەرلىك ارقالايتىن سوتسياليزىمنىڭ قۇرۋشىلاى مەن مۇراگەرلەرىنەن بولۋعا باستاي بىلۋلەرى كەرەك. عالىم بولۋ-سان مىڭداعان جۇڭگو بالالارىنىڭ ارمانى، سوندىقتان ٴبىز عىلىم-تەحنيكا قىزمەتىن ەرەكشە باۋراعىش قۋاتى بار قىزمەت ەتىپ، ونى بالالار اڭسايتىن جانە وعان تالپىناتىن كاسىپكە اينالدىرىپ، بالالاردىڭ عالىم بولۋ ارمانىنا ٴۇن قوسىپ، وتانىمىزدىڭ بولاشاقتاعى عىلىم-تەحنيكا ىستەرىن ەگەيلەر شوعىرلانعان اسا قاسيەتتى كاسىپ ەتىپ قۇرۋعا قۇلشىنۋىمىز كەرەك.


    ج ك پ ورتالىق كوميتەتى كوميتەتى ساياسي بيۋروسىنىڭ ٴبىر ٴبولىم مۇشەسى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتىنىڭ قاتىستى باسشىلارى ماجىلىسكە قاتىناستى.


    ٴماجىلىستى جۇڭگو عىلىم اكادەمياسىنىڭ باستىعى باي چۇنلي باسقاردى. جۇڭگو ينجەنەريا اكادەمياسىنىڭ باستىعى جوۋ جي باستالۋ ٴسوزىن سويلەدى.


    ەكى اكادەميانىڭ 1300 نەشەاكادەميگى، «ٴجۇز عالىم، نەگىزگى ساتىلارداعى 100 عىلىم-تەحنيكا قىزمەتكەرىنىڭ» ۋاكىلدەرى، ورتالىق پەن مەملەكەت ورگاندارى جانە اسكەري جاقتارداعى جاۋاپتى جولداستار، بەيجيڭدەگى قاتىستى عىلمي زەرتتەۋ ورگاندارىنداعى عىلىم-تەحنيكا قىزمەتكەرلەرى جانە جوعارى مەكتەپتەردەگى وقىتۋشى-وقۋشىلاردىڭ ۋاكىلدەرى ماجىلىسكە قاتىناستى.


اۋدارعان: نۇربولات ٴداۋتاقىن ۇلى

00.jpg
未标题-2.jpg
02.jpg
05.jpg
00.jpg