جارتى شارباق جۇمىرتقا نەمەسە اكە – شەشە بالاسىنان بارىن ايامايدى
0
2018-08-10 17:50:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل


اعايىندى ۇشەۋمىز ءار جولى اۋىلعا اكە –شەشەمىزگە امانداسا بارىپ، قايتاردا شەشەم ۇنەمى جيناعان جۇمىرتقاسىن ۇشكە ءبولىپ جاتىپ: بۇل قولدا ءوزىمىز باققان تاۋىقتىڭ جۇمىرتقاسى، ءدامدى، سەندەرگە باسقا بەرە قوياتىن دۇنيەنىڭ ءجونى جوق- دەيتىن. سوندا ول كىسىنىڭ ءسوزى بەينە بىزگە ول كىسىلەر الدە نەگە قارىزدارداي سەزىلەتىن.


بىرنەشە جىلدىڭ الدىندا، قىستاقتا ورتانى جونگە سالۋ الىپ بارىلىپ، قىستاق تۇرعىندارىنىڭ قاز – ۇيرەك، تاۋىق سىندى ءۇي حايۋانداردى باعۋىن شەكتەگەن. سولايدا ءار جولى كەلگەنىمىزدە، شەشەم ءار قايسىنىمىزعا جۇمىرتقا دايىنداپ قوياتىن. كورشىلەر: مۇنى شەشەلەرىڭ 7 شاقىرىم شالعايداعى تەرىستىك بازاردان ساتىپ اكەلگەن – دەدى ءبىر جولى. مۇنى ەستىپ جۇرەگىمىز ەزىلىپ كەتتى.


كەيىن، اعايىندى ۇشەۋمىز اقىلداسىپ، مەيلى قايسىنىمىز ۇيگە قايتالىق قارتتارعا الدىن – الا حابار بەرمەي توسىن باراتىن، ساقتاۋعا قولايلى جەتكىلىكتى كوكونىستەردى الا بارىپ، مۇزداتقىشقا سالىپ قوياتىن بولىپ كەلىستىك، ۇيتكەنى 80 جاستان اسقان قارتتاردىڭ جايشىلىقتا كوكونىس ساتىپ الۋعا ءجۇرىس – تۇرسى قولايسىز، قارت شەشەمىزدىڭ ءبىز ءۇشىن تەرىستىك بازارعا بارىپ جۇمىرتقا ساتىپ الۋىنان ءتىپتى الاڭداعانىمىز ەدى.
بۇل رەت، تامىزدىڭ 3- كۇنى، باجامنىڭ اكەسىنىڭ «نازىرىنە » بارار جاتىپ، اۋدانعا جەتكەندە كۇن ءالى ەرتە ەكەنىن كورىپ، ماڭايداعى كوكونىس بازارىنان 10 كيلو دوڭىز ەتىن، 5 كيلو سۇبە قابىرعا، ەكى داربىز ساتىپ الىپ، ناعاشى اپەكەمنىڭ نەمەرەسىنىڭ ماشيناسىنا وتىرىپ اكە – شەشەمە امانداسىپ كەلۋگە جول تارتتىم. ەندى عانا ءتۇس اۋعان شاق، قارتتار كەشكى اسىن ءىشىپ بولىپتى. مەنى كورگەن قاريالار اڭ – تاڭ بولىپ، قولدارىنداعى ساقپىسىن ۇستەلگە قالاي قويا سالعاندارىن دا بايقامادى. اكەم : كەلەتىنىڭدى ايتىپ الدىن – الا نەگە حابار بەرمەيسىڭ- دەسە، شەشەم: بالام – اۋ دايىندالىپ قويماسپا ەدىم، اۋەلى جيەنىڭ ۇناتىپ جەيتىن جۇمىرتقانى دا الماپپىن – دەدى ساسقالاقتاي .


مۇندا كەلۋىم تەك ول كىسىلەردى كورىپ، حال – ءجايىن ءبىلىپ قايتۋ ەكەنىن، ەشتەمەنىڭ دە كەرەگى جوعىن، قازىر حاڭجوۋداعى ەرەن بازاردان جەرلىك جۇمىرتقانى ساتىپ الۋعا ابدەن بولاتىنىن – ايتىپ، جان قالتامنان 500 يۋان الىپ شەشەمە كەرەك – جاراعىڭىزعا جۇمساڭىز دەپ قولىنا ۇستاتىپ، «نازىرگە» بارىپ قوناعاسىعا قاتىناساتىن جايىمدى ايتىپ، جۇرىپ كەتتىم.


تاڭعى شاي ۋاقىتىندا، داستارقانداس لي اۋىل باستىعى ماعان: جيا ۋىن- اۋ، تاڭەرتەڭ شەشەڭ اسا تاياعىنا تايانىپ الىپ، تەرىستىك بازارعا جۇمىرتقا ساتىپ العالى كەتىپ بارادى – ەكەن دەگەنى سول. ويلاماعان اڭگىمەدەن، اۋزىما جاڭا تىستەگەن ءمانتىنى جۇتارىمدى دا جۇتپاسىمدى دا بىلمەي اڭىرىپ قالدىم. سوندا بۇل قالاي؟


- شەشەم كەتكەلى قانشا ۋاقىت بولعانىن بىلەسىز بە؟ قايسى جولمەن كەتتى ؟ مەن ارتىنان بارايىن ...– دەدىم دەگبىرىم قاشىپ لي اۋىل باستىعىنا.


- تاڭ قىلاڭ بەرە كەتتى، مەجەمەن قازىر قايتىپ كەلە جاتقان بولار. تەرىستىك بازارعا اپاراتىن ءۇش جول بار، قايسى جولمەن جۇرەسىڭ، ونان دا چىنجيا قىستاعىنداعى ۆوكزالدا توس – دەدى لي اۋىل باستىعى.


ءىشىپ وتىرعان اسىمدى قويا سالىپ، سولاي تارتتىم. العاشقى كەزەكتى كولىكتە كەلىپ ۇلگىردى، وندا شەشەمنىڭ قاراسى كورىنبەيدى. سوسىن دەرەۋ اكەمە تەلەفون جالعاپ، شەشەمنىڭ ۇيگە قايتقان – قايتپاعانىن سۇراپ ەدىم، -قايتپاپتى.


- شەشەمدى نەگە توسپادىڭىز، مەن ۇيگە جۇمىرتقاعا بولا كەلەدى عوي دەيمىسىز- دەپ اكەمە رەنجي سويلەپ تەلەفوندى قويدىم.


ەكىنشى اۆتوبوزدى كۇتىپ تۇرمىن. كۇن شىجىپ مي قاينايدى، كەشە داۋىل تۇرىپ جاۋىن جاۋعاندىقتان جول تايعاق، ايران – باتپاق ەدى، شەشەم الدا – جالدا جىعىلىپ قالسا قايتەمىن...ويلاعان سايىن بويىمدى ۇرەي بيلەي بەردى..


ەكىنشى اۆتوبوز دا كەلدى، وندا دا شەشەم كورىنبەيدى. مۇمكىن ول كىسى ءالى بازاردا شىعار دەپ وزىمدى جۇباتقان بولامىن.


ءۇشىنشى اۆتوبوز كەلدى، شەشەمنىڭ كولەڭكەسىن كورمەدىم. شىدامىم كەتىپ اكەمە تاعى تەلەفون جالعاپ، جارتى جولدا تانىس بىرەۋدىڭ ءۇش دوڭگەلەكتى ارباسىنا وتىرىپ ۇيگە كەلىپ العانىن بىلدىم.


ۇيگە قاراي جىتىرمەلەتە باسىپ كەلە جاتىپ، جولدا اق شاشتى قارتتىڭ قولىندا اسا تاياعى، بىلەگىنە ءىلىپ العان ءبىر شارباعى بار قالتاڭداپ ماعان قاراي كەلە جاتقانىن كوردىم، ول مەنىڭ قارت انام ەدى.


ءاسىلى، شەشەم ۇيگە كەلگەن سوڭ اكەمنەن مەنىڭ ۆوكزالدا ءوزىن توسىپ تۇرعانىمدى ەستىپ، مەنى ەرتىپ كەتكەلى وسىلاي جۇرىپتى ....


وزىمدى تەجەي الماي بەتىمدى جاس جۋىپ كەتتى، شەشەمە جۇمىرتقا الۋعا نەگە باراسىز دەپ رەنجىپ كەلەمىن. بۇل شەشەڭنىڭ كوڭىلى عوي دەپ شەشەمدە جىلاپ جىبەردى.


سولاي، بۇل راسىندا ءبىر جاي جۇمىرتقا ەمەس، ول انانىڭ مەيىر – ماحابباتى. حاڭجۋعا بارعاسىن بۇل جايىدى وتباسىمداعىلارعا، قىزىم مەن كۇيەۋ بالام جانە جيەنىمە ايتاتىن بولامىن.


اكە – شەشەڭىزدىڭ سىزگە بەرەتىنى، الەمدەگى ەڭ جاقسى نارسە بولۋى ناعايبىل، الايدا ول شاما- شارقىنشا ءوزىندە باردى سىزگە بەرۋگە رازى، قولىنداعىسىنىڭ جەتەرسىز بولۋىنان تاعى الاڭدايدى.


حانزۋشادان اۋدارعان: ماحاببات قۇدايبەرگەن قىزى

c4e0edd4aee2a373dd96339f19a5e56a.jpg
68136318_1.jpg
08.gif
timg (2).jpg
企业微信截图_20180808163545.jpg