لانجوۋداعى قاتىناس شىرعالاڭىنىڭ شىن سىرى اشىلدى
0
2018-11-05 17:18:00
|
كەلۋقاينارى:
|
جاۋاپتى رەداكتور :

 

    3-قاراشا كۇنى 19دان21 مينۋت وتكەندە، لانجوۋ-حايكوۋ جوعارى قارقىندى اۆتوجولىنداعى لانجوۋ وڭتۇستىك اقى الۋ ورنىندا قاتىناس شىرعالاڭى تۋىلىپ، قاراشانىڭ 4-جۇلدىزى ساعات بەسكە دەيىن، 15ادام قازا بولىپ، 44 ادام جارالانعان.

 

جۇڭگو گازەتىنىڭ حابارىنا قاراعاندا، لانجوۋ قالالىق قوعام حاۋىپسىزدىك تاراۋلارى العاشقى تەكسەرۋدە، شوفەر ليXنىڭ اۆتوكولىكتى ارت-ارتىنان تورموزداۋىنان، تورموزدىڭ كۇشىنەن ايىرىلۋىن كەلتىرىپ شىعارعاندىعى، 17 كيلومەترلىك ەڭىس جولدان قۇلديلاي جۇگىرگەن اۆتوكولىكتىڭ لانجوۋ وڭتۇستىك اقى الۋ ورنىنا 50 مەتر قالعاندا، سول ورىنداعى 31 اۆتوكولىكتى ارت-ارتىنان سوعىپ قيراتقاندىعىن انىقتاعان. ۇعىسۋعا قاراعاندا، ليX وسى جولمەن تۇڭعىش رەت جۇرگەن بولىپ، جول جاعدايىنا قانىق بولماعان، اۆتوكولىك مەڭگەرۋسىز قالعان سوڭ، قارقىنى تەزدەپ، ليX ساسقالاقتاعانىنان جول بويىنداعى حاۋىپتەن ساقتاناتىن جولدى دا بايقاي الماعان، سونىمەن شىرعالاڭنىڭ تۋىلۋىن كەلتىرىپ شىعارعان ەكەن.

 

ال شينحۋا اگەنتتىگىنىڭ حابارىنا قاراعاندا: ءتىلشى لانجوۋ قاتىناس ساقشى تاراۋلارىنان ۇعىسۋىنشا، 3-قاراشا كۇنى، ءبىر مۇنارا كرانىن تاسىمالداعان لياۋنيڭ نوپوسىنداعى تىركەمە اۆتوكولىك لانجوۋ-حايكوۋ جوعارى قارقىندى اۆتوجولىن بويلاپ وڭتۇستىكتەن تەرىستىككە قاراي جۇگىرىپ، 17 كيلومەترلىك ەڭىس جولدان زىمىراپ وتكەن قالپى لانجوۋ وڭتۇستىك اقى الۋ ورنىنا 50 مەتر قاشىقتىقتا قاتارعا ءتىزىلىپ اقى تاپسىرۋدى كۇتىپ تۇرعان اۆتوكولىكتەرگە سوعىلىپ، اۋىر قاتىناس شىرعالاڭىن تۋدىرعان.

 

4-قاراشا ساعات بەسكە دەيىن، شىرعالاڭدا 15ادام قازا بولىپ، 44 ادام جارالانعان، مۇنىڭ ىشىندە 10 ادام اۋىر جارالانىپ، 31 اۆتوكولىك شىعىنعا ۇشىراعان. وقيعا تۋدىرۋشى شوفەر جەڭىل جارالانىپ، شىرعالاڭ تۋىلعاننان كەيىن، دەرەۋ قوعام حاۋىپسىزدىك تاراۋلارى شەڭگەلىنە العان، كوزالدا، تەكسەرۋ ۇستىندە.

 

 

شىرعالاڭ تۋىلعاننان كەيىن، لانجوۋ قالالىق قوعام حاۋىپسىزدىك، ءورت ءوشىرۋ جانە ەمدەۋ قاتارلى قاتىستى تاراۋلار ناق مايدانعا بارىپ قۇتقارۋعا كىرىسكەن، گانسۋ ولكەسىنىڭ نەگىزگى باسشىلارى ولكە-قالاداعى قاتسىتى تاراۋلاردىڭ قىزمەتكەرلەرىن باستاپ، ناق مايدانعا سۋىت جەتىپ، ىڭعايلاستىرۋعا قولباسشىلىق ەتكەن. قوعام حاۋىپسىزدىك مينستىرلىگى مەن توسىن وقيعالاردى باسقارۋ مينستىرلىگى دە قىزمەت گرۋپپاسىن ۇيىمداستىرىپ، تۇندەلىپ لانجوۋعا جەتكەن.

 

گانسۋ ولكەلىك پارتكوم مەن ولكەلىك ۇكىمەتى 3-قاراشا كۇنى تۇندە، لانجوۋ-حايكوۋ جوعارى قارقىندى اۆتوجولىنداعى قاتىناس شىرعالاڭىن ءبىر جايلى ەتۋ ناق مايدان جيىنىن اشىپ، گانسۋ ولكەلىك قوعام حاۋىپسىزدىك مەڭگەرمەسىنىڭ بۇكىل ولكەدەگى وسى سياقتى احۋالدارعا ءبىر-بىرلەي تەكسەرۋ جۇرگىزۋىن؛ گانسۋ ولكەلىك حاۋىپسىز ءوندىرىس كوميتەتىنىڭ حابارلاندىرۋ ءتۇسىرۋدى مىقتى ۇستاپ، شوفەرلاردىڭ حاۋىپسىزدىك تانىمى تاربيەسىن كۇشەيتىپ، اسىرەسە قىس ماۋسىمىنداعى جوعارى قارقىندى اۆتوجولىندا، قاتەرلى جول بولەكتەرىندە شوفەرلارعا حاۋىپسىز اۆتوكولىك جۇرگىزۋگە قولقا سالۋدى تالاپ ەتتى.

 

 

اۋدارعان: مارالبەك ابدىكارىم ۇلى (تورابىمىزدىڭ ۇسىنىس ەتىلگەن ءتىلشىسى)

كەلۋ قاينارى: حالىق گازەتىنىڭ ۋيچات تەكشەسى

 

 

 

00.jpg
00.jpg
00.jpg
未标题-1.jpg
未标题-1.jpg