بيىل ەڭبەكاقىڭىزدا جاڭا وزگەرىستەر تۋىلادى
0
2019-01-10 18:40:00
|
كەلۋقاينارى:
|
جاۋاپتى رەداكتور :

 

1-ايدان باستاپ جەكەلەر تابىس باجىسىنىڭ ارناۋلى ۇستەمەلەرى تارتىپ قالىنادى

 

«جەكەلەر تابىس باجىسىنىڭ ارناۋلى ۇستەمەلەرىن تارتىپ قالۋ ۋاقىتتىق امالىنا» نەگىزدەلىپ، 2019-جىلى 1-ايدىڭ 1-كۇنىنەن كەيىن قولعا تۇسكەن ەڭبەكاقى، جالاقى تابىستارى شارتقا ۇيلەسەتىندەر، زاڭ بويىنشا ارناۋلى ۇستەمەلەردى تارتىپ قالۋ ساياساتىنان يگلىكتەنەدى.

 

بەلگىلەمە بويىنشا، ارناۋلى ۇستەمەلەردى تارتىپ قالۋ ينفورماتسياسىن الدىن-الا تولتىرعان باجى تولەۋشىلەر، 2019-جىلعى 1-ايداعى ەڭبەكاقىسى تاراتىلعان كەزدە، ارناۋلى ۇستەمەلەردى تارتىپ قالۋدان يگىلىكتەنەۋىنە بولادى، مۇندا كىرىسىنەن تارتىلعان وسىءبىربولىم قاراجات پەن باسقالاي زاڭدى تارتىلعان قاراجاتى ەسەپتەلگەننەن كەيىن جەكەلىك تابىس باجىسى ەسەپتەلەدى.

 

ەگەردە باجى تولەۋشى 1-ايداعى ەڭبەكاقىنى الاردان بۇرىن كەستە تولتىرۋدى ۇمىت قالدىرعان نەمەسە كەش قالعان بولسا، 2-ايدا نەمەسە ونان سوڭعى ايلاردا تولتىرىپ، تولىقتاپ يگىلىكتەنۋىنە بولادى.

 

6-ايدان باستاپ، مەملەكەت قىزمەتكەرلەرى ۇستەمە جۇمىس ىستەسە قوسىمشا قاراجات الادى

 

جاڭادان وزگەرىس ەنگىزىلگەن «مەملەكەت قىزمەتكەرلەرى زاڭى» 2019-جىلى 6-ايدىڭ 1-كۇنىنەن باستاپ اتقارىلادى.

 

ورتالىق ۇيىمداستىرۋ ءبولىمىنىڭ جاۋاپتىسى مەملەكەت قىزمەتكەرلەرى زاڭىنا وزگەرىس ەنگىزۋ جانە ۇيرەنىپ دايەكتىلەندىرۋ قاتارلى ماسەلەلەرگە قاراتا تىلشىلەردىڭ سۇراۋىنا جاۋاپ قايتارعاندا مىنانى اتاپ كورسەتتى: ‹مەملەكەت قىزمەتكەرلەرىنىڭ قىزمەت مىندەتى اۋىر، قىسىم كۇشتى بولۋ، ۇنەمى ۇستەمەلەپ جۇمىس ىستەۋ سىندى احۋالدارىنا قاراتا، مەملەكەت قىزمەتكەرلەرى زاڭدى قىزمەت كۇنىنەن سىرت ۋاقىتتا جۇمىس ىستەسە، قاتىستى تولىقتاما دەمالىس بەرۋ، تولىقتاما دەمالس بەرىلمەگەندەرگە مەملەكەت بەلگىلەمەسى بويىنشا قوسىمشا قاراجات بەرۋ ءتيىس›.

 

1995-جىلى شىعارىلىپ اتقارىلعان «مەملەكەتتىك كەڭەستىڭ قىزمەتكەرلەردىڭ قىزمەت ۋاقىتى جونىندەگى بەلگىلەمەسى»ندە مىنالار ايقىن بەلگىلەنگەن: ‹ەلىمىز ىشىندەگى مەملەكەت ورگاندارى، قوعامدىق توپتار، كاسىپورىن-ءىسورىندارى جانە باسقا ۇيىمدارداعى قىزمەتكەرلەردىڭ ءاركۇندىك قىزمەت ۋاقىتى 8 ساعات، ءار اپتالىق قىزمەت ۋاقىتى 40 ساعات. مەملەكەت ورگاندارى، ءىسورىندارى ءبىرتۇتاس قىزمەت ۋاقىتىن جۇزگىزەدى، سەنبى، جەكسەنبى كۇندەر اپتالىق دەمالىس كۇندەرىنە ەسەپتەلىنەدى›.

 

2019-جىلدان باستاپ، مەملەكەت مەنشىگىندەگى كاسىپورىنداردىڭ ەڭبەكاقىسىندا جاڭا وزگەرىس تۋىلۋى مۇمكىن

 

2018-جىلدىڭ باستاپقى جارىمىندا، مەملەكەتتىك كەڭەس «مەملەكەت مەنشىگىندەگى كاسىپورىنداردىڭ ەڭبەكاقىسىنا رەفورما جاساۋدى بەلگىلەۋ مەحانيزمى جونىندەگى پىكىر»ىن باسىپ تاراتىپ، يكەمدى دە تابىستى مەملەكەت مەنشىگىندەگى كاسىپورىن تيجارات مەحانيزمىن اناعۇرلىم قۇرىپ كەمەلدەندىرىپ، مەملەكەت مەنشىگىندەگى كاسىپورىنداردىڭ دامۋ ساپاسى مەن ونىمدىلىگىن جاپپاي كۇشەيتۋىن ىلگەرلەتۋدى تالاپ ەتتى. «پىكىر»دە جاساندى جولمەن وزىندىك قۇندى ىسكە قوسۋداعى ءوندىرۋ مولشەرى مەن قىزمەتكەرلەردىڭ ەڭبەكاقى ورەسىنىڭ بازارلىق سالىستىرمالى ولشەمىن كۇشەيتىپ، ەڭبەكاقى ورەسىنىڭ ۇيلەسىمدى-ۇيلەسىمسىزدىگىن بازار بەلگىلەۋى باسا دارىپتەلدى.
رەفورمانىڭ باستى مازمۇنى: ءبىرىنشى، ەڭبەكاقىنىڭ جالپى مولشەرىمەن مەحانيزمدى بەلگىلەۋگە رەفورما جاساۋ. ەكىنشى، ەڭبەكاقىنىڭ جالپى مولشەرىن باسقارۋ فورماسىنا رەفورما جاساۋ. ءۇشىنشى، كاسىپورىننىڭ ىشكى بولىمىندەگى ەڭبەكاقى ءبولىسىن باسقارۋدى مۇلتىكسىزدەندىرۋ. ءتورتىنشى، ەڭبەكاقى ءبولىسىن باقىلاپ باسقارۋ ءتۇزىلىسىن كەمەلدەندىرۋ.

 

جاقىندا، بەيجيڭ، ىشكى مۇڭعۇل، سىچۋان قاتارلى كوپتەگەن جەرلەر جەرگىلىكتى نۇسقاداعى مەملەكەت مەنشىگىندەگى كاسىپورىنداردىڭ ەڭبەكاقىسىنا رەفورما جۇرگىزۋ پىكىرىن جيى شىعارىپ، تۇتاس ەڭبەكاقى تابىسىن بىرلىكتە اتقارۋ ناقتىلى كورسەتكىشىن ورتاعا قويدى، بۇلار بيىل 1-ايدىڭ 1-كۇنىنەن باستاپ اتقارىلعان.

 

اۋدارعان: مارالبەك ابدىكارىم ۇلى (تورابىمىزدىڭ ۇسىنىس ەتىلگەن ءتىلشىسى)

 

企业微信截图_20190110134653.jpg
企业微信截图_20190109092715.jpg
企业微信截图_20190109093835.jpg
企业微信截图_20190109094118.jpg
企业微信截图_20190107150532.jpg